18-Sep-2021

ତରଭା. (ପ୍ରେରଣା ଖବର)ସ୍ଥାନୀୟ ସରଗଜ ହାଇସ୍କୁଲର ଜୁନିଅର ରେଡକ୍ରସ ୟୁନିଟ ତରଫରୁ କୋଭିଡ -୧୯ ଗାଇଡଲାଇନ ଅନୁପାଳନ କରି ପ୍ରାଥମିକ ଚିକିତ୍ସା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷୟତ୍ରୀ ଗୀତାଜଂଳୀ ମେହେରଙ୍କ ତତ୍ୱାବଧାନରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଜୁନିଅର ରେଡକ୍ରସ କାଉନସିଲର ତଥା ଫାଷ୍ଟ ଏଡର  ଆଶିଷ କୁମାର ନାଏକ ଛାତ୍ର୍‌ଛାତ୍ରୀ, ଶିକ୍ଷକ ତଥା ଶିକ୍ଷୟତ୍ରୀ ମାନଙ୍କୁ ପ୍ରାଥମିକ ଚିକିତ୍ସାର ଲକ୍ଷ୍ୟ, ଉଦ୍ଦେଶ୍ୟ, ରକ୍ତସ୍ରାବ, ବ୍ୟାଣ୍ଡେଜ, ରିକୋଭରି ପୋଜିସନ ଇତ୍ୟାଦି ବିଷୟରେ ଡେମୋନସନ ମାଧ୍ୟମରେ ତାଲିମ ପ୍ରଦାନ କରିଥିଲେ । ପ୍ରାଥମିକ ଚିକିତ୍ସା ଆହରଣ କରିଥିବା ଜ୍ଞାନକୁ  ଛାତ୍ରଛାତ୍ରୀ ମାନେ ନିଜ ନିଜ ଘରେ ପରିବାରର ସଦସ୍ୟ ମାନଙ୍କୁ ଶିଖାଇବେ ।  ଆବଶ୍ୟକ

ସମୟରେ ସେମାନେ ଦୁର୍ଘଟଣା ଗ୍ରସ୍ତ ବ୍ୟକ୍ତି ବିଶେଷଙ୍କୁ ପ୍ରାଥମିକ  ଚିକିତ୍ସା ଯୋଗାଇ ଦେଇ    ଜୀବନ ରକ୍ଷକ ଭାବରେ  ସହାୟକ  ହେବେ । ଭାରତୀୟ ରେଡକ୍ରସ ସୋସାଇଟି,ଓଡିଶା ଶାଖାର ଆହ୍ୱାନ କ୍ରମେ ତଥା ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ, ଭାଇସଚେୟାରମ୍ୟାନ ଗତିକୃଷ୍ଣ ମିଶ୍ର, ଜିଲ୍ଲା ସଂପାଦକ ହିମାଂଶୁ ଶେଖର କର ଏବଂ ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତଙ୍କ ମାର୍ଗଦର୍ଶନରେ କାର୍ଯ୍ୟକ୍ରମ ଟି ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଶିକ୍ଷକ ଗଣେଶ ମିଶ୍ର, ଆସ୍ତିକ ସାହୁ, ଟିକେଲାଲ ସୁନା.ସୀମା ଦେଓ, ପ୍ରଜ୍ଞା ନାଗ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଶେଷରେ ଶିକ୍ଷକ ଶଙ୍କର ମହଲା ଧନ୍ୟବାଦ ଅର୍ପଣ କରିଥିଲେ ।