16-Sep-2021

ବଲାଙ୍ଗିର(ପ୍ରେରଣା ଖବର) - ସ୍ୱଚ୍ଛତା ହିଁ ଧର୍ମ, ସ୍ୱଚ୍ଛତା ହିଁ କର୍ମକୁ ପାଥେୟ କରି ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ତରଫରୁ  ସ୍ୱଚ୍ଛତା ପକ୍ଷ ପାଳିତ ହୋଇଯାଇଛି । ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ଓ ଜୁନିୟର ରେଡକ୍ରସ କାଉନ୍ସେଲର ରାମ ନାରାୟଣ ଦାଶଙ୍କର ସଂଯୋଜନାରେ ହୋଇଥିବା କାର୍ଯ୍ୟକ୍ରମରେ ୧୫ ଦିନ ବ୍ୟାପୀ ସ୍ୱଚ୍ଛତା କାର୍ଯ୍ୟକ୍ରମ ଚାଲିଥିଲା ।

ପ୍ରଥମ ଦିନରେ ପ୍ରଧାନଶିକ୍ଷକ ଶ୍ରୀମିଶ୍ର ପରିଷ୍କାର ପରିଚ୍ଛନ୍ନତା ପାଇଁ ଅଙ୍ଗିକାର ବଦ୍ଧ ହୋଇ ରହିବା ଏବଂ ସେଥିପାଇଁ ସମୟ ଦେବା ସହ କରୋନା ମହାମାରୀକୁ ହରାଇବା ପାଇଁ କୋଭିଡ-୧୯ ର ସମସ୍ତ ନୀତି ନିୟମ ମାନିବା ପାଇଁ ବିଦ୍ୟାଳୟରେ କାର୍ଯ୍ୟରତ ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ଶପଥ ପାଠ କରାଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ବିଦ୍ୟାଳୟ ପରିଚାଳନା କମିଟୀର ସଭ୍ୟ, ପୁରାତନ ଛାତ୍ରଛାତ୍ରୀମାନଙ୍କୁ ଅନଲାଇନ୍ ମାଧ୍ୟମରେ ଶିକ୍ଷକ ବିଶ୍ୱନାଥ ମେହେର, ଆଦିତ୍ୟ ରଣା, ସୁଦର୍ଶନ ଦାଶ, ରେଣୁକା ସାହୁ ସ୍ୱଚ୍ଛତା ପକ୍ଷର ପରିସର ଓ ଉଦ୍ଦେଶ୍ୟ ବିଷୟରେ ବକ୍ତବ୍ୟ ରଖିଥିଲେ ।  କରୋନା ଭୂତାଣୁ ରୁ ରକ୍ଷା ପାଇବା ନିମନ୍ତେ ଟୀକାକରଣରେ ପ୍ରତ୍ୟେକ ବ୍ୟକ୍ତି ସାମିଲ ହେବା ପାଇଁ ଶିକ୍ଷୟତ୍ରୀ ଗାୟତ୍ରୀ ବାରିକ, ଦ୍ରୋପଦୀ ଭୋଇ, ଭାରତୀ ପଧାନ ଜନସାଧାରଣ ମାନଙ୍କୁ ସଚେତନତା କାର୍ଯ୍ୟ ତୁଳାଇଥିଲେ । ହାତ ଧୁଆର ଛଅଟି ସୋପାନକୁ ଜୁନିୟର ରେଡକ୍ରସ କାଉନ୍ସେଲର ରାମ ନାରରାୟଣ ଦାଶ ଓ ବିଜ୍ଞାନ ଶିକ୍ଷକ ଲିଙ୍ଗରାଜ ନନ୍ଦ ଡେମୋଷ୍ଟ୍ରେସନ ମାଧ୍ୟମରେ ଛାତ୍ରଛାତ୍ରୀମାନଙ୍କୁ ଶିଖାଇ ଥିଲେ । ଏହି ଅବସରରେ ଛାତ୍ରଛାତ୍ରୀମାନଙ୍କ ମଧ୍ୟରେ ରଚନା, ଗୀତ, ଚିତ୍ରାଙ୍କନ, ସ୍ଲୋଗାନ ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ବିଭିନ୍ନ ବିଭାଗରେ ହର ପ୍ରସାଦ ବାରିକ, ପିୟୁଷ କୁମାର ଭୋଇ, ସସ୍ମିତା ବଗର୍ତ୍ତୀ, ରୁପାନ୍ତୀ ବଗର୍ତ୍ତୀ, ଦିପାନ୍ତୀ ବଗର୍ତ୍ତୀ, କୃଷ୍ଣ କୁମାର ଯଶପାଲ ସିଂ ରାଣା ଛାତ୍ରଛାତ୍ରୀ କୃତିତ୍ୱ ହାସଲ କରିଥିବାରୁ ଶେଷ ଦିନରେ ବିଦ୍ୟାଳୟ ତରଫରୁ

ପୁରଷ୍କୃତ କରାଯାଇଥିଲା ।  କାର୍ଯ୍ୟକ୍ରମରେ ଶିକ୍ଷକ ବ୍ରଜମୋହନ ମାଝୀ, ଶିକ୍ଷୟତ୍ରୀ କାନ୍ତୀ ଭୋଇ, ଯଶୋବନ୍ତୀ ସୁନା ବିଭିନ୍ନ ପ୍ରତିଯୋଗୀତାର କାର୍ଯ୍ୟକ୍ରମ ତୁଳାଇଥିଲେ । ବିଦ୍ୟାଳୟ ପରିଷ୍କାର ପରିଚ୍ଛନ୍ନତାରେ ପୁରାତନ ଛାତ୍ର ଧର୍ମରାଜ ବାଗ, ଅସିତ କୁମାର ସୁନା, ଦେବେନ୍ଦ୍ର ଭୋଇ, ପ୍ରଦ୍ୟୁମ୍ନ ମଲ୍ଲିକ, ମାନସ ତମଲିଆ, ଅଭିଳାଷ କମ୍ପ, ବିଶ୍ୱଜିତ ବାଗ ପ୍ରଭୃତି ଶ୍ରମଦାନ କରିଥିଲେ । ଶେଷରେ ଖେଳ ଶିକ୍ଷକ ହିମାଂଶ ଶେଖର ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ ।