01-Nov-2020

 ଉଲୁଣ୍ଡା(ଗୌର ଚନ୍ଦ୍ର ପରିଚ୍ଛା)୧ା୧୧ ମହାମାରୀ କରୋନା ସାରା ରାଜ୍ୟକୁ ଦୋହଲାଇ ଦେଇଛି । ବିଶେଷ କରି ଏହାର ପ୍ରଭାବ ରକ୍ତ ଭଣ୍ଡାର ଉପରେ ପଡିଛି । ଏହାକୁ ଦୃଷ୍ଟିରେ ରଖି ଉଲୁଣ୍ଡା ବ୍ଲକ କଲାପଥର ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ପ୍ରଗତୀ ଯୁବକ ସଙ୍ଘ,  ମାଁ ମାହେଶ୍ୱରୀ ସେନା ଓ ସୋନପୁର ନେହେରୁ ଯୁବକେନ୍ଦ୍ରର ମିଳିତ ଆନୁକୁଲ୍ୟରେ ଆୟୋଜିତ ହୋଇଥିବା ଏହି ଶିବିରକୁ ଜିଲ୍ଲାପରିଷଦ ସଭ୍ୟ ସରୋଜ କୁମାର କର୍ମୀ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ ।  ସମ୍ମାନୀତ ଅତିଥି ଭାବରେ ସ୍ଥାନୀୟ ସରପଂଚ ଧିବର ଭୁକ୍ତା, ଉତର କୁମାର ପାତ୍ର, ଓଡିଶା ରକ୍ତଦାତା ସଂଙ୍ଘର ସଦସ୍ୟ ମନୋଜ କୁମାର ପଣ୍ଡା, ଖିରେଶ୍ୱର ପଧାନ, ମାଁ ମାହେଶ୍ୱରୀ ସେନା ସଦସ୍ୟ କୁବେର ମହାକୁର ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଏଥିରେ ମୋଟ ୨୨ ୟୁନିଟ ରକ୍ତ ସଂଗ୍ରହ ହୋଇଥିଲା । ସୋନପୁର ରକ୍ତ ଭଣ୍ଡାରରୁ  ଯୁଧିଷ୍ଠିର ନାଏକ, ଜଗତ ଧରୁଆ ଯୋଗଦେଇ ରକ୍ତ ସଂଗ୍ରହ କରିଥିଲେ । ଏହି ଅବଶରରେ ଜାତୀୟ ଏକତା ଦିବସରେ ସାମୁହିକ ସପଥପାଠ କରାଯାଇଥିଲା । କାର୍ଯ୍ୟକ୍ରମକୁ ପ୍ରଗତି ଯୁବଂଙ୍ଘର ସଭାପତି ସାଶ୍ୱତ କୁମାର  ମହାକୁର, ଯୁବ ସ୍ୱେଚ୍ଛାସେବୀ ଶମ୍ଭୂରାଜ କର୍ଣ୍ଣ, ଦଶରଥ ପାଣ୍ଡେ ପରିଚାଲନା କରିଥିବା ବେଲେ ନିତ୍ୟାନନ୍ଦ ଗାଇଗରିଆ, ରଘୁନାଥ ମହାକୁର, ମାନ ରଂଜନ ଭୁକ୍ତା, ଶୁଭ୍ରାଂଶୁ ପଧାନ, ସମୀତ ମହାକୁର, ଅଜିତ ମହାକୁର, ଅରବିନ୍ଦ ମହାକୁର, ପ୍ରଭାତ କର୍ମୀ, ଶୁକେଶ କର୍ଣ୍ଣ ସହଯୋଗ କରିଥିଲେ । ଚିତ ରଂଜନ ପାତ୍ର ଧନ୍ୟବାଦ ଦେଇଥିଲେ ।