14-Sep-2021

ଟିଟିଲାଗଡ଼ (ପ୍ରେରଣା ଖବର ): ବଲାଙ୍ଗୀର ଜିଲ୍ଲା ମୁରିବାହଲ ତହସିଲରେ ଖୋଲାଖୋଲି ବିଭାଗୀୟ ଅଧିକାରୀ ଜଣେ ଆଦିବାସୀ ଯିଏକି ଜାତିରେ କନ୍ଧ ତାଙ୍କ ଅଜାଣତରେ  ମାନ୍ୟବର ଭାରତୀୟ ଦଣ୍ଡ ବିଧାନ ନିୟମ ର ଖିଲାପ କରି ଭିନ୍ନ ଜାତିର ବ୍ୟକ୍ତିଙ୍କ ନାମରେ ନାମିତ କରିଦେଇଥିବା ପଶ୍ଚିମଓଡ଼ିଶା ଆଦିବାସୀ ସଂଘ ତରଫରୁ ଲିଖିତ ଅଭିଯୋଗ କରାଯାଇଛି । ସୂଚନା ଅନୁଯାୟୀ ବଲାଙ୍ଗୀର ଜିଲ୍ଲାର ମୁରିବାହାଲ ତହସିଲ ଅଧିନସ୍ଥ ଘଣ୍ଟବାହାଲି ଗ୍ରାମର ହାତୀରାମ ମାଝୀ ତାଙ୍କ ଜମି ଖାତା ନମ୍ବର ୬୪ ,ପ୍ଲଟ ନଂ-୩୫୮,୨୩୦,୧୧୪,୧୧୩,ଓ ୨୦୨,୫୦୮ ତାଙ୍କ ପିତୃ ଅର୍ଜିତ ନିଜସ୍ୱ ଜମି ହୋଇଥିବା ବେଳେ ଉକ୍ତ ଜମି କୁ ତାଙ୍କ ଅଜାଣତରେ ଉକ୍ତ ଗ୍ରାମର ନୀଳ ସିକା ଓ ରୋଜିନା ସିକା ନାମକ ଗୌଡ଼ ଜାତି ର ଉକ୍ତ ଦୁଇ ନାମରେ ନାମିତ କରିଦିଆଯାଇଛି । ସରକାରୀ ଭାବେ ଭିନ୍ନ ଜାତିର ଲୋକଙ୍କୁ ଆଇନର ଖିଲାପ କରି  ଏପରି ଜମି ହସ୍ତାନ୍ତର କରିଦିଆଯିବା ନେଇ ହାତୀରାମ ମାଝୀ ଜାଣି ଦାଖଲ ଖାରଜ ନାମା ସଂଖ୍ୟା ୫୧୪/୧୭ ଅନୁଯାୟୀ ଡିଗ୍ରୀ ହାସଲ କରିଛନ୍ତି । ସରକାରୀ ଭାବେ ଏହି ଜମି ମୁରିବାହାଲ ତହସିଲଦାର ସୋନାଲି ପାତ୍ର,କିରାଣୀ ପ୍ରଶାନ୍ତ ମେହେର,ଆର ଆଇ ହିମାଂଶୁ ମେହେର ଚଞ୍ଚକତା କରି ଅର୍ଥ କାରବାର କରିଥିବା ଅଭିଯୋଗ ହୋଇଛି । ନିର୍ଯ୍ୟାତନା ନିବାରଣ ଅଧିନିୟମ ୧୯୮୯ ସଂଖ୍ୟା ୩୩ ଅନୁଯାୟୀ ଦଣ୍ଡବିଧାନ କରାଯିବା ପାଇଁ ସମସ୍ତ ଉଚ୍ଚ ପଦାଧିକାରୀ ଙ୍କ ନିକଟରେ ତଥା ଓଡ଼ିଶା ରାଜ୍ୟ ମୁଖ୍ୟ ଶାସନ ସଚିବଙ୍କ ନିକଟକୁ ଡାକ ଯୋଗେ ଲିଖିତ ଅଭିଯୋଗ ପତ୍ର ପ୍ରେରଣ କରାଯାଇଛି । ସେହିପରି ଏହି ଆଦିବାସୀ ଅଧ୍ୟୁଷିତ ଅଞ୍ଚଳ ତଥା ମୁରିବାହାଲ ତହସିଲ ଅଞ୍ଚଳରେ ଏପରି ସଂଖ୍ୟାଧିକ ମାମଲା ଲୋକଲୋଚନକୁ ଆସୁଥିବା ନେଇ ପଶ୍ଚିମ ଓଡିଶା ଆଦିବାସୀ ସଂଘ ପକ୍ଷରୁ ବିସିକେସନ ଜାନି ତଦନ୍ତ ସହ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ।