08-Sep-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ଆବଶ୍ୟକ ଅନୁଯାୟୀ ନାହାନ୍ତି ଡାକ୍ତର ଏବଂ ଷ୍ଟାଫ୍। ଭିମଭୋଇ ମେଡିକାଲ କଲେଜ ହସ୍ପିଟାଲକୁ ବଲାଙ୍ଗୀର ଜିଲ୍ଲା ତଥା ସୋନପୁର, ବରଗଡ, ଓ ନୂଆପଡା ଅଞ୍ଚଳର ରୋଗୀ ଚିକିତ୍ସା ହେବା ପାଇଁ ଆସିଥାନ୍ତି। ହେଲେ ବର୍ତ୍ତମାନ ଏହା ଏକ ରେଫର୍ ସେଣ୍ଟର ବୋଲି ଜନସାଧାରଣରେ ଚର୍ଚ୍ଚା ହୁଏ। ହସ୍ପିଟାଲ କୁ ୬୧ ଜଣ ଡାକ୍ତର ଆବଶ୍ଯକ ହେଉଥିବା ବେଳେ ବର୍ତ୍ତମାନ ୩୪ ଜଣ ଅଛନ୍ତି। ସେହିପରି ୨୬୩ଜଣ ଷ୍ଟାଫ୍ ଆବଶ୍ୟକ ଥିବାବେଳେ ବର୍ତ୍ତମାନ କେବଲ ୧୦୧ ଜଣ ଅଛନ୍ତି । ହେଲେ ମୁଖ୍ୟ ଚିକିତ୍ସା ଅଧିକାରୀ ଚୁଫ୍ ରହିଛନ୍ତି କାହିଁକି। କିଛିଦିନ ପୂର୍ବେ କୋଭିଟ ଯୋଦ୍ଧା ଆଖ୍ୟା ପାଇଥିବା ଷ୍ଟାଫ ନର୍ସ କୁ ଚାକିରିରୁ ବାହାର କରାଯାଇଥିବା ଜାଣିଥିବେ। ଯଦି ଷ୍ଟାପ ନାହାନ୍ତି ତାହେଲେ ଏମାନଙ୍କୁ ଚାକିରୀରୁ ବାହାର କରାଯାଇଛି କଣ ପାଇଁ?। ସ୍ଥାନୀୟ ବିଧାୟକ, ସାଂସଦ ଅନେକ ସମୟରେ ହସ୍ପିଟାଲ ପରିଭ୍ରମଣ କରୁଥିବା ବେଳେ ଏଭଳି ଏକ ମହତ୍ବପୂର୍ଣ୍ଣ ଆବଶ୍ୟକତା କୁ ପୂରଣ କରିବା ଦିଗରେ କାହିଁକି ତତ୍ପର ହେଉନାହାନ୍ତି ଏଠି ପ୍ରଶ୍ନବାଚୀ।