04-Sep-2021

 ବିନିକା(ହିମାଂଶୁ ଶେଖର ପୁଟେଲ) ଜବତ ହୋଇଥିବା ୧ହଜାର ପ୍ୟାକେଟ ୟୁରିଆ ସାରକୁ ଆଜି ବିନିକା କଂଗ୍ରେସ ଦଳ କର୍ମକର୍ତ୍ତାଙ୍କ ତତ୍ତ୍ଵାବଧାନରେ ବିନିକା ଅଂଚଳର ଚାଷୀମାନଙ୍କୁ (ଚାଷୀ ପରିଚୟ ପତ୍ର ପାଇଥିବା) ବଣ୍ଟନ କରାଯାଇଛି l ସୂଚନା ଯୋଗ୍ୟଯେ,ଚାଷ ପାଇଁ ୟୁରିଆ ସାରର ଘୋର ଅଭାବ ଦେଖଦେଇଥିବାରୁ ଚାଷୀମାନେ ଚଡା ଦରରେ ଅର୍ଥାତ୍ ସରକାରୀ ମୂଲ୍ୟ ଠାରୁ ଦୁଇଗୁଣ ଅଧିକ ଦାମରେ ସାର କିଣି ଶୋଷିତ ହେଉଥିବା ବେଳେ ଅନ୍ୟପଟେ ଶହ ଶହ ବସ୍ତା ସାର ଚୋରାଚାଲାଣ ରେ ଯାଇ ବିକ୍ରି ହେଉଥିବା କୁ ନେଇ ଚାଷୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇ ଆସୁଥିଲା l ଯାହାକି ଗତକାଲି ସନ୍ଧ୍ୟାରେ ୩ଟ୍ରକ ଯୋଗେ ୧ହଜାର ବସ୍ତା ୟୁରିଆ ସାର ଚୋରାଚାଲାଣରେ ବିନିକା ସହର ରାସ୍ତା ଦେଇ ଅନ୍ୟ ଜିଲ୍ଲାକୁ ଯାଉଥିବା ସନ୍ଦେହ କରି କଂଗ୍ରେସ ଦଳର

ନେତାମାନେ ଗାଡ଼ି ଗୁଡ଼ିକୁ ଅଟକାଇ ସାର ସବୁ ଜବତ କରି କୃଷି କର୍ମଚାରୀଙ୍କ ଜରିଆରେ ପ୍ରକାଶ ପଣ୍ଡାଙ୍କ ନିହାର ଏଣ୍ଟର ପ୍ରାଇଜେଶ ଠାରେ  ଅନଲୋଡିଂ କରି ରଖିଥିଲେ l ଯେହେତୁ ବିନିକା ଅଞ୍ଚଳ ଚାଷୀଙ୍କ ପାଇଁ ୟୁରିଆ ସାର ଅଭାବ ଥିବାରୁ ଜବତ ସାରକୁ ଆଜି ପଞ୍ଜିକୃତ ଚାଷୀମାନଙ୍କୁ ସରକାରୀ ମୂଲ୍ୟରେ ବିକ୍ରୀ କରାଯାଇଥିଲା l କଂଗ୍ରେସ ଯୁବନେତା ପ୍ରଦୀପ ସେଠୀ,ବରିଷ୍ଠ ନେତା ନରେନ୍ଦ୍ର ପଣ୍ଡା,ନରେନ୍ଦ୍ର ସାହୁ,ସପନେଶ୍ଵର୍ ପୃଷ୍ଟି, ବ୍ଲକ ସଭାପତି ରବୀନ୍ଦ୍ର ହୋତା,ସୁମନ୍ତ ସାହୁ, ହଜାରୁ ସାହୁ ପ୍ରମୁଖ ବଣ୍ଟନ ବେଳେ ଉପସ୍ଥିତ ଥିଲେ l