04-Sep-2021

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ) : ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥିରେ ସମଗ୍ର ବିଶ୍ୱ ଭିନ୍ନ ଭିନ୍ନ ସ୍ଥାନରେ ରହୁଥିବା ପଶ୍ଚିମାଞ୍ଚଳବାସୀ ନବାନ୍ନ ପ୍ରସାଦ ଗ୍ରହଣ କରିବେ । ପଶ୍ଚିମାଞ୍ଚଳ ର ଚାଷ ଭିତ୍ତିକ ମହାନ ଗଣପର୍ବ ନୂଆଁଖାଇ ପାଳନ କରିବା ପାଇଁ ଲୋକେ ଯେତିକି ଉତ୍ସାହିତ ପୂର୍ବପ୍ରସ୍ତୁତି ରେ ସେତିକି ବ୍ୟସ୍ତ ମଧ୍ୟ । 
        ଏହି ପର୍ବ ଟି ର ଯେତିକି ପୌରାଣିକ ମହତ୍ତ୍ୱ ରହିଛି ସେତିକି ସାମାଜିକ ଗୁରୁତ୍ୱ ମଧ୍ୟ ରହିଛି । ବର୍ଷର କେତୋଟି ପ୍ରମୁଖ ପର୍ବ ଯେଉଁଥିରେ ପରିବାର ର ଏକତ୍ରିତ ହୋଇ ପୂଜା ଅର୍ଚ୍ଚନା କରିବା ସହିତ ଉତ୍ସବ ପାଳନ କରନ୍ତି ସେଥି ମଧ୍ୟରୁ ନୂଆଁଖାଇ ଅନ୍ୟତମ । ପଶ୍ଚିମାଞ୍ଚଳ ର ବହୁତ ଲୋକ ଦେଶ ଓ ରାଜ୍ୟ ର ବିଭିନ୍ନ ସ୍ଥାନରେ ରୋଜଗାର ପାଇଁ କିମ୍ବା ଉଚ୍ଚ ଶିକ୍ଷା ଲାଭ କରିବା ପାଇଁ ବସବାସ କରୁଛନ୍ତି । ନୂଆଁଖାଇ କୁ ପାଳନ କରିବା ପାଇଁ ଦେଶ ବିଦେଶରେ ରାହୁଥୁବା ପଶ୍ଚିମାଞ୍ଚଳବାସୀ ନିଜ ନିଜ ଘରକୁ ଆସିଥାନ୍ତି ଓ ଘରେ ପରିବାର ର ଏକତ୍ରିକାରଣ ହୋଇଥାଏ ଓ ଆନନ୍ଦ ଉତ୍ସହ ର ସହିତ ଏହି ଉତ୍ସବ ଟିକୁ ପାଳନ କରିଥାନ୍ତି ।
         କିନ୍ତୁ, ପ୍ରତ୍ୟେକ ବର୍ଷ ଠିକ ଏହି ସମୟରେ ରାଜ୍ୟ ସରକାର ଙ୍କର କୌଣସି ନା କୌଣସି ବିଭାଗ କିଛି ନା କିଛି କାର୍ଯ୍ୟକ୍ରମ ରଖୁଛନ୍ତି ଯାହା କି ଅଞ୍ଚଳବାସୀ ଙ୍କୁ ଅଡ଼ୁଆ ରେ ପକାଉଛି । କେଉଁ ବର୍ଷ ନୂଆଁଖାଇ ସମୟରେ ନିଯୁକ୍ତି ପାଇଁ ପରୀକ୍ଷା ତ ଆଉ କେଉଁ ବର୍ଷ ମହାବିଦ୍ୟାଳୟ ବିଶ୍ୱବିଦ୍ୟାଳୟ ର ପରୀକ୍ଷା । ଚଳିତ ବର୍ଷ ରାଜ୍ୟ ରେ +୩ ନାମ ଲେଖା ପାଇଁ ସରକାରଙ୍କ ଉଚ୍ଚ ଶିକ୍ଷା ବିଭାଗ ର ବିଜ୍ଞପ୍ତି ଜାରି କରାଯାଇଛି । ବିଜ୍ଞପ୍ତି ଅନୁସାରେ ଅଗଷ୍ଟ ୨୦ ତାରିଖ ରୁ ସେପ୍ଟେମ୍ବର ୪ ତାରିଖ ଯାଏଁ ନାମଲେଖା ପାଇଁ ଇଚ୍ଛୁକ ଛାତ୍ର ଛାତ୍ରୀ ମାନେ ଆବେଦନ ପତ୍ର ଦାଖଲ କରିବେ । ନାମ ଲେଖା ପାଇଁ ପ୍ରଥମ ଚୟନ ତାଲିକା ୯ ତାରିଖ ର ପ୍ରକାଶ ପାଇଲା ପରେ ଛାତ୍ର ଛାତ୍ରୀ ସେପ୍ଟେମ୍ବର ୯ ରୁ ୧୪ ତାରିଖ ମଧ୍ୟରେ ନାମ ଲେଖା ପାଇଁ ଶୁଳ୍କ ଜମା କରାଯିବ ଓ ୧୧ ରୁ ୧୫ ମଧ୍ୟରେ ଛାତ୍ର ଛାତ୍ରୀ ଚୟନ ହୋଇଥିବା ମହାବିଦ୍ୟାଳୟ ରେ ରିପୋର୍ଟିଂ କରିବା ପାଇଁ ଉଲ୍ଲେଖ ରହିଛି ।
ସମ୍ବଲପୁର ଭାରପ୍ରାପ୍ତ ଜିଲ୍ଲାପାଳ ସୁକାନ୍ତ ତ୍ରୀପାଠୀ ଙ୍କୁ ଭେଟି  ମାନ୍ୟବର ମୁଖ୍ୟମନ୍ତ୍ରୀ, ନବୀନ ପଟ୍ଟନାୟକଂକୁ ଏହି ସଂକ୍ରାନ୍ତରେ ଦାବୀ ପତ୍ର ପ୍ରଦାନ କରାଯାଇଛି। 
 ଆସନ୍ତା ସେପ୍ଟେମ୍ବର ୧୦ ତାରିଖ (ଶୁକ୍ରବାର) ରେ ଶ୍ରୀଗଣେଶ ପୂଜା, ୧୧ ତାରିଖ (ଶବିବାର) ନୂଆଁଖାଇ, ୧୨ ତାରିଖ ରବିବାର ପାଇଁ ଛୁଟି । ତତ୍ ସଙ୍ଗେ ସଙ୍ଗେ ନୂଆଁଖାଇ ପାଇଁ ଦୁଇ ଦିନ ପୂର୍ବରୁ ଲୋକେ ନିଜ ନିଜ ଘରକୁ ଆସିଥାନ୍ତି ଓ ନୂଆଁଖାଇ ର ପରବର୍ତ୍ତୀ ଦୁଇଦିନ ନିଜ ନିଜ କାର୍ଯ୍ୟ କ୍ଷେତ୍ରକୁ ଫେରି ଥାଆନ୍ତି । ଏହି ସମୟରେ +୩ ର ନାମଲେଖା ର କୌଣସି ପ୍ରକ୍ରିୟା ଛାତ୍ର ଛାତ୍ରୀ ଙ୍କୁ ଅସୁବିଧା ରେ ପକେଇ ପରେ ।
     ଏଣୁ +୩ ନାମ ଲେଖା ର ପ୍ରଥମ ଚୟନ ତାଲିକା ର ନାମ ଲେଖା ପ୍ରକ୍ରିୟା କୁ ନୂଆଁଖାଇ ପରେ ଆରମ୍ଭ କରିବା ପାଇଁ ପଶ୍ଚିମାଞ୍ଚଳ ଏକତା ମଞ୍ଚ  ଦାବୀ କରିଛି । ବିଷୟର ଗୁରୁତ୍ୱ ଓ ମହତ୍ତ୍ୱ କୁ ହୃଦୟଙ୍ଗମ କରି ଓ ଛାତ୍ର ଛାତ୍ରୀ ଙ୍କ ଉଜ୍ବଳ ଭବିଷ୍ୟତ ପାଇଁ ଆପଣ ଯଥା ଶୀଘ୍ର ଏହି ବିଜ୍ଞପ୍ତି କୁ ସଂଶୋଧିତ କରି ନୂତନ ବିଜ୍ଞପ୍ତି ଜାରି କରିବାକୁ ମଂଚ ପକ୍ଷରୁ  ଅନୁରୋଧ କରାଯାଇଛି ।
ପଶ୍ଚିମାଞ୍ଚଳ ଏକତା ମଂଚ ର ସମ୍ବଲପୁର ଶାଖା ସଂଯୋଜକ ରାହୁଲ ଗୁପ୍ତାଙ୍କ ନେତ୍ରୁତ୍ଵରେ ଯୁବ ସଂଯୋଜକ ଦେବାଶିଷ ବେହେରା,ଭକ୍ତ ପ୍ରସାଦ ପଣ୍ଡା, କାର୍ତିକ ପ୍ରସାଦ ବହିଦାର, କାନ୍ତି ମେହେର, ରାଜେଶ ସ୍ବାଇଁ,ପଂକଜିନୀ ମେହେର,ସ୍ବୟଂ ପ୍ରକାଶ ପଣ୍ଡା,ବବଲୁ ବାଗ, ଅଭିଷେକ ମହାରଣା, ମନଜିତ ଭୋଲ,ମୁଖ୍ୟ ସଂଯୋଜକ ମାନସ ରଂଜନ ବକ୍ସୀ, ସଂଚାଲକ ଭବାନୀଶ ଭୋଇ ସାମିଲ ହୋଇଥିଲେ।