28-Sep-2020

ଅଗଲପୁର,୨୮/ଠ୯(ମହେନ୍ଦ୍ର ଦର୍ଜି )  ନିର୍ଦ୍ଧାରିତ ସଂଖ୍ୟା ଠାରୁ କମ ସଂଖ୍ୟକ ଛାତ୍ରଛାତ୍ରୀ ଥିବା ସ୍କୁ ଗୁଡିକୁ ବନ୍ଦ କରିଦେବା ପାଇଁ ରାଜ୍ୟ ସରକାର ଘୋଷଣା କଲେ । ଏବେ ସରକାରଙ୍କ ଏହି ନିଷ୍ପତିରେ ବଳିପଡିଛନ୍ତି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଖଲିଆପାଲି ପଂଚାୟତର ନୁନିଆପାଲି ଗ୍ରାମବାସୀ । ପିଲା ମାନେ ନିଜ ଗାଁ ରେ ରହି ହିଁ ପାଠ ପଢ଼ିବେ । ଦୂର ଗାଁ କୁ ଯାଇ ପାଠ ପଢ଼ିବା ତାଙ୍କ ପକ୍ଷରେ ସମ୍ଭବ ନୁହେଁ । ବାଟରେ ହାତୀର ଭୟ । ଏପରି ପରିସ୍ଥିତିରେ ପିଲା ମାନେ ବିପଦକୁ ବରଣ କରି ସ୍କୁଲ କିପରି ଯାଇପାରିବେ ବୋଲି ପ୍ରଶ୍ନ କରିଛନ୍ତି ଗ୍ରାମବାସୀ । ଏ ନେଇ ସେମାନେ ଆଗଲପୁର ବ୍ଲକ ଶିକ୍ଷାଧିକାରୀ  ଓ ଆଗଲପୁର ବ୍ଲକ ବିଡିଓଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ସରକାର ନିଷ୍ପତ୍ତି ପରିବତ୍ତନ କରି ନୁନିଆପାଲି ଗାଁ ରେ ହିଁ ସ୍କୁଲ ଚଲାନ୍ତୁ ବୋଲି ଗ୍ରମବାସୀ ମାନେ ଅନୁରୋଧ କରିଛନ୍ତି । ଆଗାମୀ ଦିନରେ ସରକାର ନିଜର ନିଷ୍ପତ୍ତି ପରିବର୍ତ୍ତନ ନକଲେ ଭୟାବହ ଆନ୍ଦୋଳନ ହେବ ବୋଲି ନୁନିଆପାଲି ଗ୍ରାମବାସୀ ଚେତାବନୀ ଦେଇଛନ୍ତି । ଆଜି ନୁନିଆଁପାଲି ଗ୍ରାମର ଧିରେନ୍ଦ୍ର ପ୍ରଧାନ, ପରକ୍ଷୀତ ଭୋଇ, ଚୂଡାମଣି ପ୍ରଧାନ, ସଦାଶିବ ବାଗ, ଆଲୋକ ପ୍ରଧାନ, ରାଜେଶ ପ୍ରଧାନଙ୍କ ସମେତ ବହୁ ଗ୍ରାମବାସୀ ଉଭୟ ଆଗଲପୁର ବ୍ଲକ ବିଇଓ ଓ ବିଡିଓଙ୍କୁ ଦାବିପତ୍ର ପ୍ରଦାନ କରିଛନ୍ତି ।