30-Aug-2021

ବୀରମହାରାଜପୁର(ବିନୋଦ ପାଣ୍ଡେ) : ସୋନପୁର ଜିଲ୍ଲା ବୀରମହାରାଜପୁର ଟାଙ୍ଗରସାହି ଏଭରଗ୍ରୀନ ଖେଳପଡିଆ ଆରେ ପ୍ରଥମ ସୁଦର୍ଶନ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ   ରବିବାର ଉଦଯାପିତ ହୋଇଯାଇଛି । ଫାଇନାଲ ମ୍ୟାଚ ବରଗଡ ଓ ଫୁଲବାଣୀ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଖେଳ ଶେଷ ପର୍ଯ୍ୟନ୍ତ କୌଣସି ଦଳ ଗୋଳ ଦେଇ ପାରିନଥିଲେ । ଟାଇବ୍ରେକର୍ ମାଧ୍ୟମରେ ବରଗଡ ଦଳ ଫୁଲବାଣୀ ଦଳକୁ ପରାସ୍ତ କରିଥିଲା ।  ଉଦଯାପନୀ ଉତ୍ସବରେ ଯୋଜନା ସଂଯୋଗ ଓ ବାଣିଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଉଭୟ

ଦଳକୁ ଟ୍ରଫି ଓ ନଗଦ ଅର୍ଥ ରାଶି ପୁରସ୍କୃତ କରିଥିଲେ । ଅନ୍ୟ ଅତିଥି ମାନେ ହେଲେ ବିନକା ବ୍ଲକ ଅଧ୍ୟକ୍ଷ ଅଶୋକ ନନ୍ଦ,  ବୀରମହାରାଜପୁର ବ୍ଲକ  ପୂର୍ବତନ ଅଧ୍ୟକ୍ଷ ରଞ୍ଜୀତ ରଥ,  ସତ୍ଯଞ୍ଜିପ ମିଶ୍ର, ଧୀରେନ୍ଦ୍ର ପଣ୍ଡା,  ଆଲୋକ ଦେହୁରୀ,  ପ୍ରିୟବ୍ରତ ସାହୁ, ରାଧାକାନ୍ତ ବାଘ ପ୍ରମୁଖ ମଞ୍ଚାସୀନ ଥିଲେ । ସିଦ୍ଧାର୍ଥ ପାତ୍ର,  କୌଶିକ ଭୋଇ, ସନ୍ତୋଷ ଓରାମ,  ରାଜ କୁମାର ମଣ୍ଡଳ , ରାଜେଶ ଜୟପୁରିଆ, ଗୋପି ଖେଲ ପରିଚାଳନା କରିଥିଲେ । ଅଭିମନ୍ୟୁ ବଗର୍ତ୍ତି ଧାରବିବରଣୀ ପ୍ରଦାନ କରିଥିଲେ । ପୁରଷ୍କାର ବିତରଣ ଉତ୍ସବରେ ନାରାୟଣ ଲୁହା ପରିଚାଳନା କରିଥିଲେ । ଅନୁଷ୍ଠାନ ସଭାପତି ବ୍ୟୋମକେଶ ପଣ୍ଡା, ଉପସଭାପତି ନାରାୟଣ ଲୁହା, ରାଜେନ୍ଦ୍ର ଜଗତ, ସବ୍ୟସାଚୀ ମିଶ୍ର,  ସମ୍ପାଦକ ଧର୍ମେନ୍ଦ୍ର ମେହର, ବାଗବର ସରପଞ୍ଚ ବ୍ୟୋମକେଶ ପଣ୍ଡା, କୃଷ୍ଣଚନ୍ଦ୍ର ମେହର ପ୍ରମୁଖ ସହଯୋଗ କରିଥିଲେ ।