01-Nov-2020

ଯାତ୍ରୀଙ୍କ ସୁବିଧା ପାଇଁ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌କୁ ଟାଟା, ଆଦ୍ରା, ଝାରସୁଗୁଡ଼ା ଦେଇ ଚଳାଚଳ କରିବ। ଯାହା ପୂର୍ବରୁ କେବଳ ଟାଟା ଦେଇ ଚଳାଚଳ କରୁଥିଲା । ଡିସେମ୍ବର ୧ ତାରିଖରୁ ପ୍ରତି ସପ୍ତାହରେ ଭୁବନେଶ୍ୱର ନୂଆଦିଲ୍ଲୀ ରାଜଧାନୀ ସୋମବାର, ମଙ୍ଗଳବାର, ଗୁରୁବାର ଓ ଶୁକ୍ରବାର ଭୁବନେଶ୍ୱରରୁ ଛାଡିବ!! ସେହିପରି ଡିସେମ୍ବର ୨ ତାରିଖରୁ ପ୍ରତି ସପ୍ତାହରେ ମଙ୍ଗଳବାର, ବୁଧବାର, ଗୁରୁବାର ଓ ଶନିବାର ନୂଆଦିଲ୍ଲୀରୁ ଛାଡିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି। ଏହି ଟ୍ରେନ୍‌ ଭୁବନେଶ୍ୱରରୁ ସକାଳ ୯ଟା୩୦ରେ ଏବଂ ନୂଆଦିଲ୍ଲୀରୁ ଅପରାହ୍ନ ୫ଟା ୫ରେ ଛାଡିବ। ଏଣିକି ଅତିରିକ୍ତ ଷ୍ଟପେଜ୍‌ ମୁରି, ଏନଏସସି ଗୋମୋ ଓ କୋଡରମାରେ ରହିବ। ସେହିପରି ଆଦ୍ରା ଦେଇ ଚଳାଚଳ କରୁଥିବା ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ସ୍ପେଶାଲ୍‌ ଟ୍ରେନ୍‌ ଡିସେମ୍ବର ୨ରୁ ଭୁବନେଶ୍ୱର ଷ୍ଟେସନରୁ ପ୍ରତି ବୁଧବାର ଓ ରବିବାର ଛାଡିବ!! ଡିସେମ୍ବର ୪ରୁ ପ୍ରତି ସୋମବାର ଓ ଶୁକ୍ରବାର ଛାଡ଼ିବ। ଏହା ବ୍ୟତୀତ ଝାରସୁଗୁଡ଼ା ଓ ରାଉରକେଲା ଦେଇ ଚଳାଚଳ କରୁଥିବା ଭୁବନେଶ୍ୱର-ନୂଆଦିଲ୍ଲୀ ସ୍ପେଶାଲ୍‌ ଟ୍ରେନ୍‌ ଡିସେମ୍ବର ୫ ତାରିଖରୁ ଭୁବନେଶ୍ୱର ଷ୍ଟେସନରେ ପ୍ରତି ଶନିବାର ଛାଡ଼ିବ। ଯାହା ଡିସେମ୍ବର ୬ ତାରିଖରୁ ପ୍ରତି ରବିବାର ଦିଲ୍ଲୀରୁ ଛାଡ଼ିବ । ଉଭୟ ଟ୍ରେନ୍‌ର ପୂର୍ବ ନିର୍ଦ୍ଧାରିତ ଷ୍ଟପେଜ୍‌ ଓ ସମୟ ଅନୁସାରେ ଚଳାଚଳ କରିବ ବୋଲି ପୂର୍ବତଟ ରେଳପଥର ବରିଷ୍ଠ ଅଧିକାରୀ ସୂଚନା ଦେଇଛନ୍ତି!!