25-Aug-2021

ସୋନପୁର (ମନୋରଞ୍ଜନ ତ୍ରିପାଠୀ) : ସୋନପୁର ମହାବିଦ୍ୟାଳୟ ଓଡିଆ ବିଭାଗ ତରଫରୁ ସ୍ବଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ଆଜି ଦିବା  ୧୧ଘଣ୍ଟା ସମୟରେ ପାଳିତ  ହୋଇଯାଇଛି। ବିଭାଗୀୟ ମୁଖ୍ୟ ଡକ୍ଟର ସୌରଭ ରଞ୍ଜନ ଖମାରୀଙ୍କ ପୌରହିତ୍ୟ ରେ ଆୟୋଜିତ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ରୂପେ ଇଂରାଜୀ ବିଭାଗ ପ୍ରାଧ୍ୟାପିକା  କଳ୍ପନା ମିଶ୍ର ଯୋଗଦେଇ ଗଙ୍ଗାଧର ମେହେରଙ୍କୁ ଏକ ବିଶ୍ଵ ଚେତନାର କବି ଭାବେ ଅଭିହିତ କରିଥିଲେ। ଛାତ୍ର ଛାତ୍ରୀ ମାନଙ୍କୁ ମଧ୍ୟରୁ ଶେଷ ବର୍ଷ ଓଡିଆ ସମ୍ମାନ ଛାତ୍ର କୃପାସିନ୍ଧୁ ବେହେରା ଓ ଆଲୋକ ମାଝୀ ଗଙ୍ଗାଧର ମେହେରଙ୍କ କାବ୍ୟ କୃତି ସମ୍ପର୍କରେ ବକ୍ତବ୍ଯ ରଖିଥିବା ବେଳେ ଛାତ୍ରୀ ଖୁସ୍ ବୁ ପ୍ରଧାନ, ଗୀତାରାଣୀ ମୁଣ୍ଡା, ଚୁମ୍କି ଭୋଇ, ପ୍ରାରମ୍ଭିକ ସଂଗୀତ ରେ କବିଙ୍କ  ରଚନା ବିଶ୍ବ ଦେଖ ମଧୁମୟ ସଂଗୀତ  ଗାନ କରିଥିଲେ । ଅଧ୍ୟାପକ ମୀନକେତନ କୁମ୍ଭାର  କାର୍ଯ୍ୟକ୍ରମ ପରିଚାଳନା ରେ ସହଯୋଗ ଓ ଛାତ୍ର ସତ୍ୟ ନାରାୟଣ ସେଠୀ ଧନ୍ୟବାଦ ଅର୍ପଣ କରିଥିଲେ ।ବିଭାଗର ଅନ୍ୟ ଛାତ୍ରଛାତ୍ରୀ ମାନେ କାର୍ଯ୍ୟକ୍ରମରେ ଉପସ୍ଥିତ ରହି ଏହାକୁ ସଫଳ କରିଥିଲେ।