16-Aug-2021

ସୋନପୁର (ମନୋରଞ୍ଜନ ତ୍ରିପାଠୀ) : ଆଜି ସୁବର୍ଣ୍ଣପୁର ର ଅଧିଷ୍ଠାତ୍ରୀ ଦେବୀ ମାଁ ସୁରେଶ୍ୱରୀ ଙ୍କ ମନ୍ଦିର ଶମ୍ବୁଖ ରୁ ଜ଼ିଲ୍ଲା ପ୍ରଶାସନ ଓ ପୌର ପ୍ରଶାସନ ପକ୍ଷରୁ ଗୋ -ସୁରକ୍ଷା ଅଭିଯାନ ର ଶୁଭାରମ୍ଭ କରାଯାଇଅଛି l ଅତିରିକ୍ତ ଜ଼ିଲ୍ଲାପାଳ ଶ୍ରୀ ସୂର୍ଯ୍ୟ ନାରାୟଣ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ ଏହି

ଅଭିଯାନ ର ଶୁଭାରମ୍ଭ କରିଥିବା ବେଳେ ସମ୍ମାନିତ ଅତିଥି ଭାବରେ ଉପ -ଜ଼ିଲ୍ଲାପାଳ ନିହାର ରଞ୍ଜନ କହଁର , ପ୍ରାଣୀ ଚିକିତ୍ସାଧିକାରୀ ଡାକ୍ତର ରମେଶ ଚନ୍ଦ୍ର ପ୍ରଧାନ,  ଡାକ୍ତର ସୁନୀଲ ମହାପାତ୍ର, ତହସିଲଦାର ନବୀନ ପାଢୀ, ପୌର ଅଧିକାରୀ ଶୁଭ୍ରାଂଶୁ ରୁଟ,  ସୂଚନା ଲୋକସମ୍ପର୍କ ଅଧିକାରୀ ଅଶ୍ଵିନୀ ଭୋଇ  ଯୋଗ ଦେଇ ପୌର କର୍ମଚାରୀ  ଓ  ବିଭିନ୍ନ  ସ୍ବେଛାସେବୀ ଙ୍କୁ ଉତ୍ସାହିତ କରିଥିଲେ l ଆଜି ପ୍ରଥମ ଦିନ ରେ କିଛି  ବୁଲା ଗାଈ ଗୋରୁ ଙ୍କୁ ଧାରା ଯାଇ  ସ୍ଥାନୀୟ ପଟାଭାଡ଼ି କୋଲପଡ଼ା ସ୍ଥିତ  କାଞ୍ଜି ହାଉସ  କେୟାର ସେଣ୍ଟର ରେ ଭର୍ତ୍ତି କରା ଯାଇଛି l ପୌର ପ୍ରଶାସନ ନିର୍ବାହୀ ଅଧିକାରୀ ଶ୍ରୀ ରୁଟ, ସୂଚନା ଅଧିକାରୀ  ଶିବ ପ୍ରସାଦ ସାହୁ,  ନୋଡାଲ ଅଫିସର ଅଜିତ ନାଏକ  ଙ୍କ ତତ୍ୱାବଧାନ ରେ ସମସ୍ତ କାର୍ଯ୍ୟକ୍ରମ କୁ ପରିଚାଳନା କରାଯାଇଥିବା ବେଳେ ବିଶିଷ୍ଟ  ସମାଜ ସେବୀ ଶ୍ରୀ ବତ୍ସ ମଲ୍ଲିକ, ବଜରଙ୍ଗ ଦଳ, କେଶରୀଆ ହିନ୍ଦୁ ବାହିନୀ, ଆର ଏସ ଏସ, ସ୍ୱଚ୍ଛ ଭାରତ,  ରାମଧୁନ କ୍ଲବ, ଚନ୍ଦ୍ରଶେଖର ପାଠାଗାର,ୟୁଥ ଫର ଏକ୍ସନ,  ବୁଢା ରାଜା ୟୁଥ କ୍ଲବ, ସମେତ ସହର ର ପ୍ରମୁଖ ସ୍ବେଛାସେବୀ ସଂଗଠନ ଏହି ମହତ ଅଭିଯାନ ରେ ପ୍ରଶାସନ କୁ ପୂର୍ଣ୍ଣ ସହଯୋଗ କରି ଜନସାଧାରଣ ଙ୍କୁ ସଚେତନ ମଧ୍ୟ କରିଥିଲେ  l ଏ ଅଭିଯାନ କୁ ସଫଳ କରିବା  ପାଇଁ ଗତ ସପ୍ତାହ ରେ 

ପ୍ରଶାସନ ପକ୍ଷରୁ ବିଭିନ୍ନ ସାମାଜିକ ସଂଗଠନ, ବୁଦ୍ଧିଜୀବୀ ଙ୍କୁ ନେଇ ଜ଼ିଲ୍ଲାପାଳ, ଏ ଡ଼ି ଏମ, ପୌର ଅଧିକାରୀ ଅଧ୍ୟକ୍ଷତା ରେ  ବାରମ୍ବାର  ପ୍ରସ୍ତୁତି ବୈଠକ କରାଯାଇଥିବା ବେଳେ ଗତ କାଲି ସହର ପ୍ରାୟ ସମସ୍ତ ୱାର୍ଡ ମାନଙ୍କ ରେ ପ୍ରଶାସନିକ ଅଧିକାରୀ ମାନଙ୍କ ଉପସ୍ଥିତି ରେ ୱାର୍ଡ କମିଟି ମାନ ଗଠନ କରାଯାଇଛି l