16-Aug-2021

ବିନିକା(ହିମାଂଶୁ ଶେଖର ପୁଟେଲ)  କରୋନା ଯୋଗୁଁ ଦୀର୍ଘ ଦେଢବର୍ଷ ଧରି ସ୍କୁଲ ବନ୍ଦ ରହିବା ଯୋଗୁଁ ଛାତ୍ରଛାତ୍ରୀଙ୍କ ଭବିଷ୍ୟତ ଏକ ପ୍ରକାର ଅନ୍ଧକାରମୟ ଆଡକୁ ଗତି କରୁଥିବା ଜାଣି ଶେଷରେ ସରକାରଙ୍କ ଶିକ୍ଷା ବିଭାଗ ପକ୍ଷରୁ ଶିକ୍ଷାସେତୁ କାର୍ଯ୍ୟକ୍ରମ ଆରମ୍ଭ କରାଯାଇ ଘରକୁ ଘର ପ୍ରଶ୍ନପତ୍ର ଶିକ୍ଷକ ମାନେ ଛାତ୍ରଛାତ୍ରୀଙ୍କୁ ଦେଇ ତାଙ୍କ ଜ୍ଞାନ ଆହରଣ କରୁଛନ୍ତି l ଏହି କାର୍ଯ୍ୟକ୍ରମର ଅଗ୍ରଗତି ନେଇ ଆଜି ବିନିକା ବ୍ଲକ ଅନ୍ତର୍ଗତ ଚରଦା ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଶିକ୍ଷୟତ୍ରୀ,ଅଭିଭାବକ ଅଭିଭାବିକା ମାନଙ୍କୁ ନେଇ ଏକ ଵୈଠକ ଅନୁଷ୍ଠିତ ହୋଇଥିଲା l ସରପଞ୍ଚ ସଦାନନ୍ଦ ଥନାପତି ଏଥିରେ ଅଧ୍ୟକ୍ଷତା କରିଥିବା ବେଳେ ବରିଷ୍ଠ ତଥା ସ୍କୁଲର ପ୍ରଧାନଶିକ୍ଷକ ରାମଜୀ ବାବୁ ସଭାକୁ ସଂଯୋଜନା କରିଥିଲେ l କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିନିକା ଗୋଷ୍ଟି ଶିକ୍ଷା ଅଧିକାରୀ ଶଶିଭୂଷଣ ସେଠୀ ଯୋଗଦେଇ ଶିକ୍ଷାସେତୁର ଆବଶ୍ୟକତା ଉପରେ ଆଲୋକପାତ କରିଥିଲେ l ସମ୍ମାନିତ ଅତିଥି ଭାବେ ଏବିଇିଓ ସନ୍ତୋଷ କୁମାର ସାହୁ ମୋ ସ୍କୁଲ ଅଭିଯାନ ଓ ଶିକ୍ଷାଦର୍ପଣ ଉପରେ ମତ ରଖିଥିଲେl ସେହିପରି ଅତିଥି ସିଆରସିସି ଜୟନାରାୟଣ ପୁଝାରୀ ମୋ ସ୍କୁଲର ସଫଳତା ପାଇଁ ଗୋଷ୍ଟି ଓ ପ୍ରାକ୍ତନ ଛାତ୍ରଛାତ୍ରୀଙ୍କ ସହଭାଗିତା ଉପରେ କହିବା ସହ ମୋ ସ୍କୁଲ ଅଭିଯାନକୁ ୧ହଜାର ପ୍ରଦାନ କରିଥିଲେ l ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ,ସିଆରସିସି ପ୍ରେମାନନ୍ଦ ଦାସ,ନlଏକ ସରପଞ୍ଚ ରବୀନ୍ଦ୍ର ବାଘ ପ୍ରମୁଖଙ୍କ ସମେତ ଗ୍ରାମର ୩୫ଜଣ ଅଭିଭାବକ ଅଭିଭାବିକା ଯୋଗଦେଇଥିଲେ l