16-Aug-2021

ବିନିକା(ହିମାଂଶୁ ଶେଖର ପୁଟେଲ) ଗତକାଲି ୭୫ତମ ପବିତ୍ର ସ୍ୱାଧୀନତା ଦିବସ ଅବସରରେ ବିନିକାର ଅଗ୍ରଣୀ ଅନୁଷ୍ଠାନ ବିନିକା ସ୍ପୋର୍ଟସ କ୍ଲବ ତରଫରୁ ଏକ ମିନିମାରାଥନ ଦୌଡ଼ ପ୍ରତିଯୋଗୀତା ଅନୁଷ୍ଠିତ ହୋଇଥିଲା ଏଥିରେ ଅଞ୍ଚଳର ବିଭିନ୍ନ ଅନୁଷ୍ଠାନର ୪୦ଜଣ ପୁରୁଷ ଓ ମହିଳା ଭାଗ ନେଇଥିଲେ l ସ୍ଥାନୀୟ ଯୋଗେଶ୍ୱର ମନ୍ଦିର ଠାରୁ ଆରମ୍ଭ ଏହି ଦୌଡ ପ୍ରତିଯୋଗୀତାକୁ ବିନିକା ଥାନାର ସବ ଇନ୍ସପେକ୍ଟର ସୂର୍ଯ୍ୟକାନ୍ତ ସେଠୀ ପତାକା ଦେଖାଇ ଆନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ l ଏହି ଅବସରରେ ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ମହିଳା ଜୁନିଅର କଲେଜ ଅଧ୍ୟାପିକା ବିନ୍ଦୁଳତା କର,ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ପ୍ରମୁଖଙ୍କ ସମେତ ବହୁ ସଦସ୍ୟ ସାମିଲ ହୋଇଥିଲେ l ସମସ୍ତ ପ୍ରତିଯୋଗୀ ମୁଖ୍ୟ ରାସ୍ତାରେ ଦୋୖଡି କଲେଜ ଛକ,ନୂଆ ବଜାର,ବସଷ୍ଟାଣ୍ଡ ପରେ ସ୍ପୋର୍ଟସ କ୍ଳବକୁ ପହଞ୍ଚିଥିଲେ l ପରେ

ସ୍ପୋର୍ଟସ ସଭାଗୃହ ଠାରେ ସଭାପତି ସୋମନାଥ ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ ମୁଖ୍ୟ ଅତିଥି ଭାବେ ବିନିକା ବିଜ୍ଞାପିତ ପରିଷଦ କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ,ସମ୍ମାନିତ ଅତିଥି ଭାବେ ସୂର୍ଯ୍ୟକାନ୍ତ ସେଠୀ ଯୋଗଦେଇ ପ୍ରତିଯୋଗୀ ମାନଙ୍କୁ ମାନପତ୍ର ଦେଇ ସମ୍ମାନିତ କରିଥିଲେ l ଏଥିରେ ପୁରୁଷ ବିଭାଗରେ ଅଶୋକ ଭେଶ୍ରା(ପ୍ରଥମ),ତୋଳଚନ୍ଦ୍ର କର୍ଣ୍ଣ(ଦ୍ବିତୀୟ),ରାହୁଲ ତରିଆ(ତୃତୀୟ) ହୋଇଥିବା ବେଳେ ମହିଳା ବିଭାଗରେ ମାମିନା ବାରିକ(ପ୍ରଥମ),ଦିପ୍ତିମୟୀ ରଣା(ଦ୍ବିତୀୟ),ଟିଲି ପ୍ରଧାନ(ତୃତୀୟ) ସମ୍ମାନିତ ହୋଇଥିଲେ l କ୍କବର ସଂପାଦକ ମନୋଜ ଦାସ ସଭାକୁ ସଂଯୋଜନା କରିଥିବା ବେଳେ ଶେଷରେ ଉପସଭାପତି ବୁଲୁ ଦଣ୍ଡିଅା ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମରେ କ୍ଳବର ସମସ୍ତ ସଦସ୍ୟ ସକ୍ରିୟ ଭାବେ ସହଯୋଗ କରିଥିଲେ l