15-Aug-2021

 ଆଜି  ସରକାରଙ୍କ ଗାଇଡ ଲାଇନ ଅନୁଯାୟୀ ବିକାଶ ଆବାସିକ ବିଦ୍ୟାଳୟ ବରଗଡ଼ରେ ୭୫ ତମ ସ୍ଵାଧୀନତା ଦିବସ ପାଳିତ ହୋଇଯାଇଛି । ଏହି ସ୍ଵତନ୍ତ୍ରତା ଉତ୍ସବରେ ବିକାଶ ଗ୍ରୁପ ଓଫ ଇନଷ୍ଟିଚ୍ୟୁସନର ଚେୟାରମ୍ୟାନ ଶ୍ରୀ ଡି. ମୁରଳୀ କ୍ରୀଷ୍ଣା ପତାକା ଉତ୍ତୋଳନ କରିଥିଲେ । ଏହି ଅବସରରେ ବିକାଶ ଗ୍ରୁପ ଓଫ ଇନଷ୍ଟିଚ୍ୟୁସନର ଡାଇରେକ୍ଟର ଡ. ସମରେନ୍ଦ୍ର ନାଥ ପଣ୍ଡା ସ୍ଵାଗତ ଭାଷଣ ଦେବା ସହିତ ସମୃଦ୍ଧ ଭାରତ  ଗଠନରେ ପ୍ରତ୍ୟେକ ଛାତ୍ରଛାତ୍ରୀଙ୍କ ଯୋଗଦାନ ମହତ୍ଵ ପୂର୍ଣ ଅଟେ ବୋଲି ମତବ୍ୟକ୍ତ କରିଥିଲେ । ମୁଖ୍ୟ ଅତିଥି ବିକାଶ ଗ୍ରୁପ ଓଫ ଇନଷ୍ଟିଚ୍ୟୁସନର ଚେୟାରମ୍ୟାନ ଶ୍ରୀ ଡି. ମୁରଳୀ କ୍ରୀଷ୍ଣା ନିଜ ଅଭିଭାଷଣରେ ଦେଢ଼ ବର୍ଷରୁ ଅଧିକ କୋଭିଡ୍ ମହାମାରୀର କରାଳ ଛାୟା ମଧ୍ୟରେ ଛାତ୍ର ଓ ଶିକ୍ଷକ ମାନଙ୍କର ଶିକ୍ଷା ପ୍ରତି ଉତ୍ସର୍ଗ ଭାବନା ଉପରେ ଆଲୋକପାତ କରିଥିଲେ ତଥା ବିଦ୍ୟାଳୟର ବିଭିନ୍ନ କ୍ଷେତ୍ରରେ ବୋର୍ଡ ପରୀକ୍ଷାରେ

କିପରି ସଫଳତା ସହିତ ସର୍ବୋଚ ନମ୍ବରରଖି ଉତ୍ତିର୍ଣ୍ଣ ହୋଇଛନ୍ତି ତାହା ଛାତ୍ର ଛାତ୍ରୀଙ୍କ ଆଗରେ ଉଦବୋଧନ ମୂଳକ ରୂପେ ଉପସ୍ଥାପନ କରିଥିଲେ । ଏହି ଅବସରେ ବିକାଶ ଗ୍ରୁପ ଓଫ ଇନଷ୍ଟିଚ୍ୟୁସନର ମେନେଜିଙ୍ଗ ଡାଇରେକ୍ଟର ଜି. ଭାସ୍କର ରାଓ ସମସ୍ତ ଭାରତୀୟଙ୍କୁ ୭୫ ତମ ସ୍ଵାଧୀନତା ଦିବସ ଉପଲକ୍ଷେ ସୁଭେଚ୍ଛା ଜଣାଇବା ସହିତ ବର୍ତମାନ ପରିସ୍ଥିତିରେ କୋଭିଡ୍ ନିୟମ ପାଳନ ହିଁ ପ୍ରକୃତ ଦେଶ ଭକ୍ତିର ପରିଚୟ ବୋଲି ଅବିହିତ କରିଥିଲେ । ଏହି ଅବସରରେ ବିକାଶ ସିନିଅର ସେକେଣ୍ଡେରୀ ସ୍କୁଲର ଉପାଧ୍ୟକ୍ଷ ଶ୍ରୀ ଚିତ୍ତରଞ୍ଜନ ପତି ପୁରସ୍କାର ବିତରଣୀ ସଭାର କୃତି ପ୍ରତିଯୋଗୀ ମାନଙ୍କର ନାମ ଘୋଷଣା କରିଥିଲେ । କାର୍ଯକ୍ରମକୁ ରଙ୍ଗାରଙ୍ଗ ରୂପ ପ୍ରଦାନ ଉଦ୍ଧେଶ୍ୟରେ ବିଦ୍ୟାଳୟର ନୃତ୍ୟ ଶିକ୍ଷକ ଶ୍ରୀ ପ୍ରକାଶ ପଣ୍ଡାଙ୍କ ତତ୍ତ୍ଵାବଧାନରେ ଛାତ୍ରୀମାନେ ନୃତ୍ୟ ପରିବେଷଣ କରିଥିଲେ । ବିକାଶ ଆବାସିକ ବିଦ୍ୟାଳୟର ଅଧ୍ୟକ୍ଷ ଶ୍ରୀ ଶିଶିର ପ୍ରସାଦ ରାଉଳ ଏହି ଅବସରରେ ସମସ୍ତଙ୍କୁ ଧନ୍ୟବାଦ ଜ୍ଞାପନ ସହିତ ଆତ୍ମନିର୍ଭରଶୀଳ ଭାରତ ଗଠନ ଉପରେ ମତବ୍ୟକ୍ତ କରିବା ସହିତ ଜସ୍ନ  - ଏ - ଆଜାଦି ଦିବସରେ ସ୍ଵାଧୀନତାର ସ୍ଵାଦ ଚାଖି ବିଶ୍ଵାସ ଓ ନିଷ୍ଠାର ସହ କର୍ମ କଲେ ଜୀବନରେ ସଫଳତା ନିଶ୍ଚୟ ମିଳେ ବୋଲି ଛାତ୍ର ଛାତ୍ରୀ ମାନଙ୍କୁ କର୍ମ ତତ୍ପରତାର ମୂଳମନ୍ତ୍ର ପ୍ରଦାନ କରିଥିଲେ । ଏହି ଅବସରରେ ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ମୁରାରୀ ପ୍ରସାଦ ସାହୁ ,ବିକାଶ ଇନଷ୍ଟିଚ୍ୟୁସନ ଓଫ ଟେକନୋଲୋଜିର ଅଧ୍ୟକ୍ଷ ଶ୍ରୀ ଅଜୟ ମହାପାତ୍ର , ବିକାଶ ଆଇନ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ବି. କେ. ଦାଶ , ବିକାଶ ମଲ୍ଟି ସ୍ପେସାଲିଟି ହସ୍ପିଟାଲର ଡାଇରେକ୍ଟର ଡାକ୍ଟର ହିମାଂଶୁ ଶେଖର ମିଶ୍ର , ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ଏଡମିନିଷ୍ଟ୍ରେଟର ଅଫିସର ଶ୍ରୀଯୁକ୍ତ ଏସ. କେ. ରାଓ , ବିକାଶ ଡିଗ୍ରୀ କଲେଜ ଉପାଧ୍ୟକ୍ଷ ଆର. ଏସ. ଭି. କ୍ରୀଷ୍ଣା , ବିକାଶ  ଟେକନୋଲୋଜିର ଏଡମିନିଷ୍ଟ୍ରେଟର ଶ୍ରୀ ପୂର୍ଣ୍ଣେନ୍ଦୁ ମିଶ୍ର , ବିକାଶ ନର୍ସିଙ୍ଗ କଲେଜର ଉପାଧ୍ୟକ୍ଷା ଦୀପଞ୍ଜଳି ପଟେଲ ତଥା ବିକାଶ ଆବାସିକ ବିଦ୍ୟାଳୟର ଉପାଧ୍ୟକ୍ଷ ଶ୍ରୀ ପ୍ରଦୀପ କୁମାର ସାହୁ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଦ୍ଵାଦଶ ଶ୍ରେଣୀର ଛାତ୍ରୀ ଶୁଶ୍ରୀ ପ୍ରତିଭା ସାହୁ ପରିଚାଳନା କରିଥିଲେ କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ର ଛାତ୍ରୀ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ ।