15-Aug-2021

ବଲାଙ୍ଗିର , (ପ୍ରେରଣା ଖବର) - ରାଷ୍ଟ୍ର ପ୍ରଥମ ଓ ସର୍ବଦା ପ୍ରଥମ ରହିବ ।  ୧୯୪୭ ଅଗଷ୍ଟ ୧୫ ତାରିଖ ବ୍ରିଟିଶ ଶାସନରୁ ମୁକ୍ତ ହୋଇ ଭାରତ ଏକ ସ୍ୱାଧୀନ ରାଷ୍ଟ୍ର ଭାବରେ ପରିଚିତ ହୋଇଥିଲା । ସ୍ୱାଧୀନ ଭାରତ ୭୫ତମ ବର୍ଷ ପଦାର୍ପଣ ଶୁଭ ଅବସରକୁ ଆଜାଦୀ କା ଅମୃତ ମହୋତ୍ସବ ନାମରେ ପାଳନ କରିବା ପାଇଁ ମାନ୍ୟବର ପ୍ରଧାନମନ୍ତ୍ରୀ  ଆହ୍ୱାନ କରିଛନ୍ତି । ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ କୋଭିଡ-୧୯ ନିୟମାନୁସାରେ ନିରାଡମ୍ବର ଭାବରେ ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କ ତ୍ରିରଙ୍ଗା ପତାକା ଉତ୍ତୋଳନ କରି  ୭୫ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । କୋଭିଡ-୧୯ ମହାମାରୀ ଏବେ ମଧ୍ୟ ରହିଛି । ତେଣୁ ଆମକୁ ସର୍ବଦା ସତର୍କ ରହିବାକୁ ପଡିବ । କୋଭିଡ ନିୟମ କଡାକଡି ଭାବରେ ପାଳନ କରିବାକୁ ପଡିବ । କୋଭିଡ ମୁକାବିଲା ଲାଗି ଟୀକା ହେଉଛି ଗୁରୁତ୍ୱପୂର୍ଣ୍ଣ ଉପାୟ ବୋଲି ପ୍ରଧାନ ଶିକ୍ଷକ ଶ୍ରୀମିଶ୍ର ମତ ପ୍ରକାଶ               କରିଥିଲେ । କରୋନା ମହାମାରୀ ଯୋଗୁଁ ବିନା ଶିକ୍ଷାର୍ଥୀରେ

କାର୍ଯ୍ୟକ୍ରମ ହେଉଥିବାରୁ ଏହି ଅବସରରେ ଦୁଃଖ ପ୍ରକାଶ କରିଥିଲେ । ବରିଷ୍ଠ ଶିକ୍ଷକ ବ୍ରଜମୋହନ ମାଝି କରୋନା ମହାମାରୀ ସମୟରେ କିପରି ଶୈକ୍ଷିକିକ କାର୍ଯ୍ୟକ୍ରମ ଠିକ୍ ଭାବରେ ଚାଲି ପାରିବ ସେ ବିଷୟରେ ସମ୍ୟକ ସୂଚନା ପ୍ରଦାନ କରିଥିଲେ । ପରେ ଗ୍ରାମବାସୀମାନଙ୍କ ପାଖକୁ ଯାଇ କରୋନା ସଚେତନତା ସହ ମାସ୍କ ବଣ୍ଟନ କାର୍ଯ୍ୟକ୍ରମ ଶିକ୍ଷକ ବିଶ୍ୱନାଥ ମେହେର, ଜୁନିୟର ରେଡକ୍ରସ କାଉନ୍ସେଲର ରାମ ନାରାୟଣ ଦାଶ ଓ ସ୍କାଉଟ ମାଷ୍ଟର ହିମାଂଶୁ ଶେଖର ବିଶ୍ୱାଳଙ୍କ ଦ୍ୱାରା ସମ୍ପାଦିତ ହୋଇଥିଲା । କାର୍ଯ୍ୟକ୍ରମରେ ଶିକ୍ଷକ ସୁଦର୍ଶନ ଦାଶ, ଶିକ୍ଷୟତ୍ରୀ ଗାୟତ୍ରୀ ବାରିକ, ରେଣୁକା ସାହୁ, ଭାରତୀ ପଧାନ, ଯଶୋବନ୍ତୀ ସୁନା,  ଦ୍ରୋପଦୀ ଭୋଇ, କାନ୍ତୀ ଭୋଇ, ଅଙ୍ଗନୱାଡି କର୍ମୀ ଲିନୁ ସାହୁ, ସୁବିଧା ମାଝି ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଶିକ୍ଷକ ଆଦିତ୍ୟ ରଣା ପରିଚାଳନା କରିଥିବା ବେଳେ ଶିକ୍ଷକ ଲିଙ୍ଗରାଜ ନନ୍ଦ ଧନ୍ୟବାଦ ଅର୍ପଣ କରିଥିଲେ ।