12-Aug-2021

ସୋନପୁର(ମନୋରଞ୍ଜନ ତ୍ରିପାଠୀ): ଗତ କାଲି ସୁବର୍ଣ୍ଣପୁର ଜ଼ିଲ୍ଲାପାଳ ଙ୍କ ସମ୍ମିଳନୀ କକ୍ଷ ରେ ଜ଼ିଲ୍ଲାପାଳ ଅବୋଲି ସୁନୀଲ ନରୱେଣେ  ଙ୍କ ଅଧ୍ୟକ୍ଷତା ରେ ଏକ ଗୋ ଶ୍ରଦ୍ଧା ବୈଠକ ଅନୁଷ୍ଠିତ ହୋଇଯାଇଛି l ଏହା ନିଶ୍ଚିତ ଭାବରେ ସ୍ୱାଗତ ଯୋଗ୍ୟ l  କିନ୍ତୁ ବିଡମ୍ବନା ର ବିଷୟ ଏହିକି ଯେ ଉକ୍ତ ବୈଠକ

କୁ ଗୋ ସୁରକ୍ଷା ଓ ଗୋ ସମୃଦ୍ଧି କରଣ ପାଇଁ କାର୍ଯ୍ୟ କରୁଥିବା ସହର ବିଭିନ୍ନ ଅଗ୍ରଣୀ ସଂଗଠନ କୁ ଡ଼କା ନ ଯିବା,  ଅଣଦେଖା କରିବା ଦୁର୍ଭାଗ୍ୟଜନକ, ନିନ୍ଦନୀୟ, ଓ କାର୍ଯ୍ୟକ୍ରମ ର ସଫଳ ରୂପାୟନ ଉପରେ ପ୍ରଶ୍ନବାଚୀ ସୃଷ୍ଟି କରିଛି l ପ୍ରକାଶ ଥାଉ କି ଯେ ନୂତନ ଜ଼ିଲ୍ଲାପାଳ ଶ୍ରୀମତୀ ନରୱେଣେ ଜ଼ିଲ୍ଲା ରେ ଯୋଗଦାନ ପରେ ପରେ ସ୍ୱଚ୍ଛ ଭାରତ ସଂଗଠନ ସୋନପୁର -ମନମୁଣ୍ଡା ତରଫରୁ ସହର ରେ ବୁଲା ଗାଈଗୋରୁ ଙ୍କ ସଂରକ୍ଷଣ ସହ ଦୁର୍ଘଟଣା ଏଡାଇବାକୁ ଦୃଷ୍ଟି ଆକର୍ଷଣ ପରେ ଜ଼ିଲ୍ଲାପାଳ ତ୍ୱରିତ ପଦକ୍ଷେପ ସ୍ୱରୂପ ପୌର ପରିଷଦ କୁ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଧେଶ ଦେବା ପରେ ପୌର ପରିଷଦ ର କୁମ୍ଭକର୍ଣ୍ଣ ନିଦ୍ରା ଭଙ୍ଗ ହୋଇ କାଞ୍ଜିହାଉସ ନିର୍ମାଣ କାର୍ଯ୍ୟ ଆରମ୍ଭ କରାଯାଇଛି l ତାକୁ ସଫଳ କ୍ରିୟାନୟନ ପାଇଁ ଜ଼ିଲ୍ଲାପାଳ ସହର ର ସମସ୍ତ ସଂଗଠନ କୁ ସାମିଲ କରିବା ପାଇଁ ପୌର ପରିଷଦ କୁ ପରାମର୍ଶ ଦେଇଥିଲେ l କିନ୍ତୁ ପ୍ରକୃତ ରେ ଗୋ-ସୁରକ୍ଷା ଓ ସଚେତନ  ପାଇଁ କାମ କରୁଥିବା ରାଷ୍ଟ୍ରୀୟ ସ୍ୱୟଂ ସେବକ ସଂଘ, ବଜରଙ୍ଗ ଦଳ, ଗୋ ସୁରକ୍ଷା ସମିତି, ପରିବର୍ତ୍ତନ ସଂଗଠନ, ସ୍ୱଚ୍ଛ ଭାରତ ସଂଗଠନ, ସେବା ଭାରତୀ, କେଶରୀଆ ହିନ୍ଦୁ ବାହିନୀ, ବୁଢାରାଜା ୟୁଥ କ୍ଲବ, ତଥା ଆହୁରି ଅନେକ ସଂଗଠନ କୁ ସାମିଲ ନ କରିବା ପୌର ପ୍ରଶାସନ ର ଏକ ଜ୍ୱଳନ୍ତ ଚଞ୍ଚକତା l ଧର୍ମ କୁ ଆଖିଠାର ପରି ଜ଼ିଲ୍ଲାପାଳ ଙ୍କୁ ଆଢୁଆଳ ରେ ରଖିବା ପୌର ପ୍ରଶାସନ ର ଏହା ଏକ ସୁଚିନ୍ତିତ ଉଦ୍ୟମ ନୁହେଁ ତ ?  ପ୍ରକାଶ ଥାଉ କି ଯେ ଜ଼ିଲ୍ଲାପାଳ ଙ୍କୁ ସଠିକ ସମସ୍ୟା ଓ ସହର ତଥା ଜ଼ିଲ୍ଲା ରେ କାର୍ଯ୍ୟ କରୁଥିବା ବ୍ୟକ୍ତି ବିଶେଷ,  ସାମାଜିକ ସଂଗଠନ ମାନଙ୍କ ସମ୍ପର୍କ ରେ  ସହର ଓ ଜ଼ିଲ୍ଲା ର ଉନ୍ନୟନ ପାଇଁ ତଥ୍ୟ ଓ ସଠିକ ମାର୍ଗଦର୍ଶକ ଦେବା ପ୍ରତ୍ୟକ ବିଭାଗୀୟ ଅଧିକାରୀ ଙ୍କ  ଏକ ମୌଳିକ କର୍ତ୍ତବ୍ୟ l କାରଣ ନୂତନ ଜ଼ିଲ୍ଲାପାଳ ଓ ପ୍ରଶାସନିକ ଅଧିକାରୀ ଙ୍କୁ ଜନସାଧାରଣ ଙ୍କ ସମସ୍ୟା ତଥା  ଜ଼ିଲ୍ଲା ର ଗୌରବ ବୃଦ୍ଧି ପାଇଁ ସଠିକ ଦିଗଦର୍ଶନ ଦେବା ବିଭାଗୀୟ ଅଧିକାରୀ ମାନଙ୍କ ନିତିଗତ ଦାୟିତ୍ୱ ମଧ୍ୟ l ଏବଂ ଜ଼ିଲ୍ଲା ର ସର୍ବାଙ୍ଗୀନ ଓ  ଦ୍ରୁତ ବିକାଶ ଏ ସମସ୍ତ ଅଧିକାରୀ ଙ୍କ ଉପରେ ହିଁ  ସମ୍ପୂର୍ଣ  ନିର୍ଭର କରେ l କିନ୍ତୁ ଏଠି ଦେଖା ଯାଉଛି ଯେ ଜ଼ିଲ୍ଲାପାଳ ଙ୍କୁ ଆଢୁଆଳ ରେ ରଖି ବିଭିନ୍ନ ସମସ୍ୟା ସମାଧାନ ଦିଗରେ  ଉତ୍ସାହୀ ,  ଜ୍ଞାନୀ, ଅନୁଭବୀ, ବରିଷ୍ଠ ନାଗରିକ ମାନଙ୍କୁ ଦୁରେଇ ରଖା ଯିବା ଫଳ ରେ ଜ଼ିଲ୍ଲା ପ୍ରଶାସନ ଅନ୍ଧାର ରେ ରହି ଆଶାତୀତ ଉନ୍ନୟନ ପାଇଁ ପଦକ୍ଷେପ ନେଇ ପାରୁନାହାନ୍ତି l ଏଣୁ ଏଥିପ୍ରତି ମାନନୀୟl ନୂତନ 

ଜ଼ିଲ୍ଲାପାଳ ତୀକ୍ଷ୍ଣ ଦୃଷ୍ଟି ଦେବା ପାଇଁ  ଓ  ପ୍ରତ୍ୟକ ଉନୟନ କାର୍ଯ୍ୟ ର ତଦାରଖ ପାଇଁ ଆଗୁଆ ସୂଚନା ନ ଦେଇ ଅଚାନକ ପରିଦର୍ଶନ କରିବାକୁ ଏବଂ ପବ୍ଲିକ ସହିତ ଯୋଡି ହୋଇ କାମ କରିବାକୁ  ସହର ର ବୁଦ୍ଧିଜୀବୀ ଓ ସାମାଜିକ ସଂଗଠନ ମାନେ ଦାବି କରିଛନ୍ତି l