05-Aug-2021

କଳାହାଣ୍ଡି,ଜୁନାଗଡ଼( ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ ଚିଚୈଗୁଡ଼ା ଗ୍ରାମପଞ୍ଚାୟତ ଅନ୍ତର୍ଗତ ନୁଆଗୁଡ଼ା ଗ୍ରାମରେ ପ୍ରାୟ ୧୧୨୪ ଲୋକ ବାସ କରୁଥିବା ବେଳେ ସେଥମଧ୍ୟରୁ ଗୋଟିଏ ପ୍ରାଥମିକ ବିଦ୍ୟାଳୟ ଅଛି। କୋରୋନା ମହାମାରୀ ଯୋଗୁଁ ତାଲା ବନ୍ଦୀ ହୋଇଥିବାରୁ ଶିକ୍ଷା ଉପରେ ପ୍ରଭାବ ପଡ଼ିଥିଲା।ଯାହାଦ୍ଵାରା ସ୍କୁଲ ମଧ୍ୟ ବନ୍ଦ ହେବାରେ ଲାଗିଲା । ଆଉ ପ୍ରାଥମିକ ସ୍ତରର ପିଲାମାନେ ଶିକ୍ଷା ଠାରୁ ଦୂରେଇ ଗଲେ।ଯଥା:- ବିଭିନ୍ନ ପ୍ରକାର ଖେଳ ଏବଂ ଅନ୍ୟାନ୍ୟ କାର୍ଯ୍ୟ ରେ ଲିପ୍ତ ହେଲେ।ସମ୍ପୂର୍ଣ୍ଣ ଭାବରେ  ପ୍ରାୟ ୫୦ ରୁ ୬୦ ପିଲାମାନଙ୍କର ଜୀବନରେ ଶିକ୍ଷା ଭୁଶୁଡ଼ି ପଡ଼ିଲା।ଠିକ୍ ଏହି ସମୟରେ ମହିଳା ଶ୍ରମଜୀବୀ ମଞ୍ଚ,ଓଡ଼ିଶା ଏବଂ ଓଡ଼ିଶା ଶ୍ରମଜୀବୀ ମଞ୍ଚ ଆନୁକୁଲ୍ୟରେ ନାଗରିକ ବିକାଶ ସଂଗଠନ,କଳାହାଣ୍ଡି ତରଫରୁ ଏକ ପଦକ୍ଷେପ ନିଆଯାଇଥିଲା।

ଏଥିରେ ନାଗରିକ ବିକାଶ ସଂଗଠନ ଜୁନାଗଡ ବ୍ଲକ ର ସଂଯୋଜକ ଶ୍ରୀଯୁକ୍ତ ମଧୁସୂଦନ  ନାଏକ ଓ କର୍ମକର୍ତ୍ତା ଉମେଶ ଚନ୍ଦ୍ର ବାଗ ମାଧ୍ୟମରେ ଗ୍ରାମରେ ଶିକ୍ଷା ପାଇଁ ଏକ ବୈଠକ କରାଗଲା।ଯେଉଁଥିରେ ଗ୍ରାମର ପିଲାମାଙ୍କର ପିତା,ମାତା ଉପସ୍ଥିତ ଥିଲେ।ସେହି ବୈଠକରେ ଶିକ୍ଷା ସମ୍ବନ୍ଧରେ ବିଭିନ୍ନ ପ୍ରକାର ଆଲୋଚନା କରାଗଲା।ଯଥା:- ସ୍ବେଚ୍ଛାସେବୀ ଚୟନ କରିବା,ପାଠ ପଢ଼ାଇବା ପାଇଁ ସ୍ଥାନ ଚୟନ କରିବା ଇତ୍ୟାଦି।ତାପରେ ମୋ ଚାଟଶାଳୀ ଶିକ୍ଷା କେନ୍ଦ୍ର ନାମରେ ନାମିତ ହୋଇ କୋଭିଡ଼ -୧୯ ନିୟମ କୁ ମାନି ପିଲାମାନଙ୍କୁ ଶିକ୍ଷାଦାନ  ଦିଆ ଗଲା l ଚାଟଶାଳୀ କେନ୍ଦ୍ରରେ ରିତା ତନ୍ତୀ ଏବଂ ସୁମେଶ ବାଗ ଙ୍କୁ ସ୍ବେଛାସେବୀ ଶିକ୍ଷକ ଭାବରେ ଚୟନ କରାଗଲା l ବିଭିନ୍ନ ପ୍ରକାର ଦସ୍ତାବିଜ୍ ଯଥା:- ପ୍ରବେଶ ଗ୍ରହଣ ଉପସ୍ଥାନ ବହି,ଛାତ୍ର ଛାତ୍ରୀ ଙ୍କ ମୂଲ୍ୟାଙ୍କନ ବହି, ଗ୍ରାମ ନିର୍ଦ୍ଧାରଣ ଖାତା ପାଠ୍ୟସୂଚୀ ପର୍ଯ୍ୟାୟ ବହି ଇତ୍ୟାଦି ର ସହ ଆଦର୍ଶ ଚାଟଶାଳୀ ଆରମ୍ଭ ହୋଇ ପିଲାମାନଙ୍କର  ପ୍ରଥମ ମୂଲ୍ୟାଙ୍କନ ହୋଇ ୨୫ ଦିନକୁ ଥରେ ମୂଲ୍ୟାଙ୍କନ ହେଲା ।

ଏହି ମୋ ଚାଟଶାଳୀ କାର୍ଯ୍ୟକ୍ରମ ଆରମ୍ଭ କରିବା ଦ୍ଵାରା ପ୍ରଥମ ରୁ ପଞ୍ଚମ ଶ୍ରେଣୀ ର ବିଷୟ ବସ୍ତୁ ଗଣିତ ଏବଂ ଓଡ଼ିଆ ରେ ଗୁଣାତ୍ମକ ଶିକ୍ଷା ର ଉନ୍ନତି ହେଲା।ଯଥା:- ଓଡ଼ିଆ ରେ ଶ୍ରେଣୀଭୁକ୍ତ ଭାବରେ ଚିତ୍ର ଆଙ୍କିବା, ବାକ୍ୟ ଅଧ୍ୟୟନ କରିବା,ଶବ୍ଦ ବା ବାକ୍ୟ ଲେଖିବା,ଗପ କହିବା,ଗୀତ ଗାଇବା ଇତ୍ୟାଦି ଠିକ୍ ସେହିପରି ଗଣିତରେ ଶ୍ରେଣୀଭୁକ୍ତ ରେ ୨୦ ରୁ ୯୯୯ ଯାଏ ସଂଖ୍ୟା ଆବୃତ୍ତି କରିବା,ପଣିକିଆ ୫-୨୫ ସ୍ତର  ଯାଏ ଜାଣିବା।ବିଭିନ୍ନ ପ୍ରକାର ଅଙ୍କନ,ଦୂରତା,ହିସାବ ଗଣିବା ବା ଦେବା ନେବା ଇତ୍ୟାଦିରେ ବ୍ୟବଧାନ ଥିବା ଶିକ୍ଷା  ପରିପୂର୍ଣ୍ଣ ହେଲା।ଏହି ଚାଟଶାଳୀ କାର୍ଯ୍ୟରେ ଷ୍ଟେକ୍ ହୋଲ୍ଡର ମାନଙ୍କ ର ସାହାଯ୍ୟ ସହଯୋଗିତା ମଧ୍ୟ ସମ୍ପୂର୍ଣ୍ଣ ଭାବରେ  ଥିଲା। ଯଥା:- ଆଶା କର୍ମୀ ଭାନୁମତୀ ଖମାରୀ ଦ୍ଵାରା Mask,Sanitizer ଏବଂ Handwash, ସ୍ଥାନୀୟ ସରପଞ୍ଚ ଶ୍ରୀମତୀ ସୁଧିରା ମେହେର ଦ୍ଵାରା ଚାଟଶାଳୀ ବେନର, ଏବଂ କଳାପଟା,ସ୍ଥାନୀୟ ଶିକ୍ଷକ ମଧୁସୂଦନ ବିଶି ଦ୍ଵାରା ଚକ୍, ଡଷ୍ଟର ଏବଂ ଉଜ୍ଜଳ ବହି ତଥା ସଂଗଠନ ସଭ୍ୟା,ସଭ୍ୟ ଙ୍କ ଦ୍ଵାରା ବିଭିନ୍ନ ପ୍ରକାର ସାହାଯ୍ୟ ସହଯୋଗ ରେ ଏହି କାର୍ଯ୍ୟକ୍ରମ ପରିଚାଳନା ହେଉଅଛି ।