03-Aug-2021

କଣ୍ଟାବାଞ୍ଜି , (ଆନନ୍ଦ ମୋଟେ ) , ଗତ କିଛି ବର୍ଷ ବଲାଙ୍ଗିର ଜିଲ୍ଲା  କଣ୍ଟାବାଞ୍ଜି ନିର୍ବାଚନ ମଣ୍ଡଳିରେ ମୁରିବାହାଲ, ତୁରେକେଲା, ବଙ୍ଗୋମୁଣ୍ଡା ବ୍ଲକ ଅଂଚଳର ଅସଲି ଚାଷୀଙ୍କ ଜମିରେ ନକଳି କୃଷି ବୀମା ହେଉଥିବା ଅଭିଯୋଗ ଆସୁଛି । ପ୍ରଶାସନ ପକ୍ଷରୁ କୌଣସି ନକଲି ଚାଷୀଙ୍କ ବିରୁର୍ଦ୍ଧରେ ଦୃଢ କାର୍ଯ୍ୟନୁଷ୍ଠାନ ନେଇ ନଥିବା ଯୋଗୁ ଆରାମରେ ନକଲି ଚାଷୀ ଅନ୍ୟ ଲୋକଙ୍କ ଚାଷରେ ଜମିରେ ବୀମା କରାଇ ଲକ୍ଷାଧିକ ଟଂକା ହଡପ କରୁଛି । ଏ ଅଂଚଳର ଏକର ଏକର ଚାଷ ଜମିରେ କିଛି ବକ୍ତି ଏକ ରାକେଟ  ଚଲାଇଲା ଭଲି କାମ କରୁଛନ୍ତି । ଜଣେ ଲୋକଙ୍କ ଜମିରେ ଅନ୍ୟ ଜଣେ ବୀମା କରି ସେହି ବୀମା ଟଂକା ହଡପ କରୁଛନ୍ତି । ଯାହା ଫଳରେ ଅସଳି ଚାଷୀ କଙ୍ଗାଳ ହେଉଥିବା ବେଳେ ନକଲି ମାଲେମାଲ  ହେଉଛି । ପ୍ରକୃତ ଚାଷି ନିଜ ଅଂଚଳର ତହସିଲଦାର, ଥାନା ସହ କୃଷି କାର୍ଯ୍ୟାଳୟରେ ବାରମ୍ବାର ଅଭିଯୋଗ କରୁଛି ହେଲେ ଫଳ କିଛି ମିଲିନାହିଁ । କଣ୍ଟାବାଞ୍ଜି ବିଜେଡି ନେତା ଏଭଲି ଅଭିଯୋଗ ନେଇ ତୁରେକେଲା ଅଂଚଳର ଚାଷି ଏବଂ ବିଜେଡି କର୍ମୀଙ୍କ ସହ ସ୍ଥାନିୟ ବ୍ଲକ କୃଷି  କାର୍ଯ୍ୟଳୟ ଜବାବ ଦିଅ କାର୍ଯ୍ୟକ୍ରମ ଜରିଆରେ ଘେରାଉ କରିଥିଲେ । ଶହ ଶହ ଚାଷି ଏକ ଜୁଟ ହୋଇ ଏକ ଶୋଭାଯାତ୍ରାରେ କୃଷି କାର୍ଯ୍ୟଳୟ ପହଂଚିଥିଲେ । ସ୍ଥାନିୟ କୃଷି ବିଭାଗର ଅଧିକାରି, ବୀମା କମ୍ପାନି ସହ କିଛି ଦଲାଲ ଚାଷୀ ମାନଙ୍କ ହଜାର ହଜାର ଏକର ଚାଷ ଜମିରେ ବୀମା କରିଛନ୍ତି । ଯାହା ଫଲରେ ପ୍ରକୃତ ଚାଷୀ ବୀମା କରିବାକୁ ଗଲେ ନିଜ ଜମିରେ ସେ ବୀମା କରି ପାରୁନାହାନ୍ତି । କେନ୍ଦ୍ର ସରକାରଙ୍କ ବୀମା କମ୍ପାନି ପ୍ରୀତି ଯୋଗୁ ଏଭଲି ହେଉଥିବା ବିଜେଡି ନେତା ଅଜୟ ଦାସ ଅଭିଯୋଗ କରିଥିଲେ । ପୁର୍ବରୁ ଚାଷୀ ମାନେ ବ୍ୟାଙ୍କକୁ ଯାଇ ବୀମା କରୁଥିଲେ ହେଲେ କେନ୍ଦ୍ର ସରକାର ଅନଲାଇନ ବୀମା କରୁଥିବା ଯୋଗୁ ଏଭଲି ଅବସ୍ଥା ହେଉଥିବା ଏହି ଘେରାଉ ସମୟରେ ବିଜେଡି ନେତା ଅଭିଯୋଗ କରିଥିଲେ ।