03-Aug-2021

ବିନିକା (ହିମାଂଶୁ ଶେଖର ପୁଟେଲ): ହିନ୍ଦୁରାଷ୍ଟ୍ର ଭାରତ ବର୍ଷରେ ବର୍ତମାନ ହିନ୍ଦୁଧର୍ମ ଅପେକ୍ଷା ବଭିନ୍ନ ଧର୍ମର ପ୍ରଚାର ପ୍ରସାର ପାଇଁ ଓ ଧର୍ମ ପରିବର୍ତନ କରିବା ପାଇଁ ଗୁପ୍ତ ସୂତ୍ରରୁ ଅଜସ୍ର ଟଙ୍କାର
ପ୍ରଲୋଭନ ଦେଖାଇ ଧର୍ମ ପରିବର୍ତନକରିବା ପାଇଁ କିଛି ଅସାଧୁ ଲୋକ ବିଭିନ୍ନ ସ୍ଥାନକୁ ଯାଇ ଲୋକଙ୍କୁ ଆକର୍ଷିତ କରୁଥିବା ପ୍ରୟାସ ଚଳାଇଛନ୍ତି l ଯାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲାର ବିନିକା ଅଞ୍ଚଳରେ l ଖବର ନେବାରୁ ଜଣାପଡିଛି ଯେ ବିନିକା ବ୍ଲକ ଅନ୍ତର୍ଗତ  ସିଂଘିଯୁବା ପଂଚାୟତ ଅଧୀନରେ ଥିବା ଘାଟିଜାମପାଲି ଗ୍ରାମକୁ  ଆଜି କେତେକ ଅସାଧୁ ବ୍ୟକ୍ତି ଆସି ହିନ୍ଦୁ ଧର୍ମାବଲମ୍ବୀ କିଛି ଗରିବ ଲୋକଙ୍କୁ ଟଙ୍କାର ପ୍ରଲୋଭନ ଦେଖାଇ ଜବରଦସ୍ତ ଭାବେ ଖ୍ରୀଷ୍ଟ ଧର୍ମରେ ପରିବର୍ତନ କରିବା ପାଇଁ ବରାବର ଉଦ୍ୟମ କରିଥିଲେ l ବିଶ୍ଵସ୍ଥ ସୂତ୍ରରୁ ଖବର ପାଇ ସୁବର୍ଣ୍ଣପୁର ଜିଲ୍ଲା ବଜରଙ୍ଗ ଦଳର କର୍ମୀ ମାନେ ଘଟଣାସ୍ଥଳକୁ ପହଞ୍ଚି ଗରିବ ଲୋକଙ୍କୁ  ବୁଝାଇ ଧର୍ମ ପରିବର୍ତ୍ତନକୁ ଭଣ୍ଡୁର କରିବା ପରେ ତାଙ୍କୁ ଗଙ୍ଗାଜଳ ଓ ଗୋବର ଛିଞ୍ଚି ପୁଣି ହିନ୍ଦୁ ଧର୍ମକୁ ପରିବର୍ତନ କରିବାରେ ସଫଳ ହୋଇଥିଲେ l ଏନେଇ ବଜରଙ୍ଗଦଳ କେତେକ ସଦସ୍ୟ ଧର୍ମ ପରିବର୍ତ୍ତନର ମୁଖ୍ୟ ଅଭିଯୁକ୍ତ ଗୋବିନ୍ଦ ମୁଣ୍ଡାଙ୍କ ନାମରେ ଫୋନ ମାଧ୍ୟମରେ ବିନିକା ଥାନା ଅଧିକାରୀଙ୍କୁ ଜଣାଇଥିଲେ l ତେବେ ଘଟଣାସ୍ଥଳରୁ ବଜରଙ୍ଗଦଳର ସଦସ୍ୟ ମାନେ ଗୋଟିଏ ବାଇକ, ବାଇବେଲ ପୁସ୍ତକ,ବାଦ୍ୟ ସାମଗ୍ରୀ ଏବଂ ବେନର ଜବତ କରାଯାଇଥିବା ଜଣାପଡିଛି l