03-Aug-2021

କଣ୍ଟାବାଞ୍ଜି (ଆନନ୍ଦ ମୋଟେ )  ବଲାଙ୍ଗିର ଜିଲ୍ଲା କଣ୍ଟାବାଞ୍ଜିରେ ନୁତନ ଉପଖଣ୍ଡ ଆରକ୍ଷୀ ଅଧିକାରି ଭାବେ ଡ. ହୃଷିକେଶ ମେହେର ଯୋଗ ଦେଇଛନ୍ତି । କଣ୍ଟାବାଞ୍ଜି ବିଭିନ୍ନ ଅନୁଷ୍ଠାନ ଏବଂ ରାଜନୈତିକ ଦଳ ତାଙ୍କୁ  ସ୍ୱାଗତ ସମ୍ବର୍ଦ୍ଧନା ଦେଇଛନ୍ତି । କଣ୍ଟାବାଞ୍ଜି ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜାଙ୍କ ନେତୃତ୍ୟରେ କାର୍ଯ୍ୟକାରି ସଭାପତି ସୁରଦାସ ବାଗ, ଉପସଭାପତି ମନୋଜ ଶର୍ମା, ପରାମର୍ଶଦାତା ଆନନ୍ଦ ମୋଟେ, ଆଶିଷ ଖଇତାନ, କାର୍ଯ୍ୟକାରି ସଦସ୍ୟ ରୋହନ ମହତ ପ୍ରମୁଖ ପୁଷ୍ପଗୁଚ୍ଛ ଦେଇ ଶ୍ରୀ ମେହେରଙ୍କୁ ସ୍ୱାଗତ ସମ୍ବର୍ଦ୍ଧନା ଦେଇଥିଲେ । ପ୍ରେସ କ୍ଲବ କଣ୍ଟାବାଞ୍ଜି ତଥା ଆଖପାଖ ଅଂଚଳରେ ସମାଜ ସେବାରେ ନିୟୋଜିତ ଥିବା କଥା ଜାଣିବା ପରେ ଏସଡିପିଓ ଶ୍ରୀ  ମେହେର ଏଭଲି ସମାଜ ସେବା କାମ ଆଗକୁ ମଧ୍ୟ ଜାରି ରଖନ୍ତୁ ବୋଲି ଖୁସି ବ୍ୟକ୍ତ କରିଥିଲେ । ସହରରେ ଦେଖାଯାଇଥିବା ଆଇନ ଶୃଂଖଲା ଉପରେ ମଧ୍ୟ କିଛି ସମୟ ଆଲୋଚନା କରାଯାଇଥିଲା । ଏସଡିପିଓ ଶ୍ରୀ ମେହେର କଣ୍ଟାବାଞ୍ଜି ପୁର୍ବରୁ ଓଡିଶା ଷ୍ଟେଟ ଏଚଆରପିସି, କଟକ ଡିଏସପି ଭାବେ ନିଜର ଦାୟିତ୍ୱ ତୁଲାଉଥିଲେ । ୨୦୦୦ ମସିହାରେ ପ୍ରଥମ ଥର ପାଇଁ ଶ୍ରୀ ମେହେର ଏସଆଇ ଭାବେ କଣ୍ଟାବାଞ୍ଜି ଥାନାରେ ରହିଥିବା ବେଳେ ଆଖ ପାଖ ଅଂଚଳରେ ଥାନା ଅଧିକାରି ଭାବେ ନିଜର ଦାୟିତ୍ୱ ସୁଚାରୁ ରୁପେ ସଂପାଦନ କରି ଆସିଛନ୍ତି । ପୋଲିସ ସବୁ ସମୟରେ ଜନ ସାଧାରଣଙ୍କ ସେବା କରିବା ଦିଗରେ କାମ କରୁଛି । ଅପରାଧ ନିୟନ୍ତ୍ରଣ ଏବଂ ଆନ ଶୃଂଖଳା ରକ୍ଷା ଦିଗରେ କାର୍ଯ୍ୟ କରିବେ ବୋଲି ସେ ନିଜ ପ୍ରତିକ୍ରିୟାରେ କହିଥିଲେ ।