31-Jul-2021

କୋକସରା ( ତ୍ରିନାଥ ଵେଶ୍ରା) : ଏଇ କେତେ ଦିନ ଭିତରେ ଗଞ୍ଜେଇ ମାଫିଆ କଳାହାଣ୍ଡି ଜିଲ୍ଲାରେ ସକ୍ରିୟ ହୋଇଥିବା ଜଣାପଡିଛି l ଏହାକୁ ଦୃଷ୍ଟିରେ ରଖି ପୋଲିସ ପକ୍ଷରୁ କଡାକଡି ଭାବେ ପେଟ୍ରୋଲିଂ କରାଯାଉଛି।  ଆଜି ଏହି ପେଟ୍ରୋଲିଂ ବେଳେ ନବରଙ୍ଗପୁର ପଟରୁ ଏକ ବଲେରୋ ଗାଡି ଆସୁଥିବା ଦେଖି କାର୍ଯ୍ୟରତ ପୋଲିସ ଗାଡିକୁ ଅଟକାଇ ଥିଲେ, ହେଲେ ଗାଡିଚାଳକ ଗାଡି କୁ ଅଟକାଇବା ବଦଳରେ ଦ୍ରୁତ ଗତିରେ ଗାଡି ନେଇ ଯାଉଥିବା ଦେଖି ପୋଲିସର ସନ୍ଦେହ ହୋଇଥିଲା।ପରେ ପୋଲିସ ପିଛା କରି  ଟେମେରା ମଦ ଭାଟି ନିକଟରେ ଗଞ୍ଜେଇ ଭର୍ତି ଗାଡିକୁ କାବୁ କରିଥିଲା l ତେବେ ଡ୍ରାଇଭର ପଳେଇ ଯିବାରେ ସକ୍ଷମ ହୋଇଥିବା ବେଳେ ଗାଡ଼ିରେ ଥିବା ତିନି ଜଣ ଙ୍କୁ ପୋଲିସ କାବୁ କରିନେଇଥିଲା।

ଗାଡି ଯାଞ୍ଚ ବେଳେ ସେଥିରେ ଗଞ୍ଜେଇ ଥିବା ସ୍ପଷ୍ଟ ହୋଇଥିଲା l ବଲେରୋ ସହ ତିନି ଜଣକୁ ଥାନାରେ ଆଣି ପଚରା ଉଚରା କରିବା ସହ ପୋଲିସ ତଦନ୍ତ ଜାରି ରଖିଛି।

  ସୂଚନାଯେ, ଗାଡିରୁ ୪୫,୩୭୫ କେଜି ଗଞ୍ଜେଇ ଥିବା ଜଣାପଡିଛି।ଏନେଇ କୋକସରା ଥାନାରେ କେଶ ନମ୍ବର ୧୫୬,ଏନ ଡି ପି ଏସ (୨୦)ବି, ଆଇଆଇସି ଅନୁଯାୟୀ କେଶ ରୁଜୁ କରି ତିନି ଜଣଙ୍କୁ ପୋଲିସ ଗିରଫ କରିଛି। ଗିରଫ ହୋଇଥିବା ଅଭିଯୁକ୍ତ ମାନଙ୍କ ମଧ୍ୟରେ କୋରାପୁଟ ଜିଲ୍ଲା ପାଡ଼ୁଆ ଗାଁ ର ଭିକାରୀ ଖରା, ଗୋବିନ୍ଦ ପୁଝାରି ହୋଇଥିବା ବେଳେ ଅନ୍ୟଜଣେ ହେଲେ ଅଠାଗୁଡା ଗ୍ରାମର ଶଙ୍କରା ଓକୁଡ଼ା ବୋଲି ଜଣାପଡିଛି। ତେବେ ଆସନ୍ତା କାଲି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି।