29-Jul-2021

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ସମ୍ବଲପୁରର ଇତିହାସ ୨ ହଜାର ବର୍ଷ ପୁରଣା I ୨ ଶହ ଶତାବ୍ଦୀ ରେ ଏହି ଅଂଚଲରେ ଉନ୍ନତ ସଭ୍ଯତା ରହିଥିବା ନେଇ ପରିବ୍ରାଜକ ମାନେ ଲେଖିଯାଇଛନ୍ତି। ଟଲେମି ୨ ଶହ ଶତାବ୍ଦୀରେ ସମ୍ବଲପୁର ସମ୍ବଲକ ନାମରେ ମହାନଦୀ କୁଲରେ ରହିଥିବା ବର୍ଣ୍ଣନା କରିଥିବା ବେଲେ ହ୍ବେଂଗସାଂଗ ମଧ୍ଯ ସମ୍ବଲ ଭାବରେ ସମ୍ବଲପୁରକୁ  ବର୍ଣ୍ଣନା କରିଛନ୍ତି I ବୌଦ୍ଧ ଧର୍ମ ଏବଂ ତନ୍ତ୍ର କ୍ଷେତ୍ର ଭାବରେ ସମ୍ବଲପୁରର ଇତିହାସ ରେ ବେଶ କ୍ଷାତି ରହିଥିଲା I ଭାରତୀ ସମାଜ ପକ୍ଷରୁ ସମ୍ବଲପୁରର ଇତିହାସ ର ଅଧ୍ୟୟନ ପାଇଁ ବିଗତ କିଛି ବର୍ଷ ହେବ ଉଦ୍ଯମ କରାଯାଇ ଆସୁଛି I ଏହି କ୍ରମରେ ସମ୍ବଲପୁରରୁ ତିବ୍ବତ  ଏବଂ ହିମାଚଲ ପ୍ରଦେଶ ର ବୌଦ୍ଧ ପୀଠ ଗୁଡିକ ସହ ସମ୍ପର୍କ ଯୋଡିବା ପାଇଁ ଉଦ୍ୟମ କରାଯାଉଛି I ଏଥିପାଇଁ ସମ୍ବଲପୁରରୁ ୨ ଜଣିଆ ଟିମ ବାଇକ ରେ ଲଦ୍ଦାଖ ପର୍ୟ୍ଯନ୍ତ ଯାତ୍ରା ଆରମ୍ଭ କରିଛନ୍ତି I ଭାରତୀ ସମାଜ ପକ୍ଷରୁ ଭେଂକଟ ରମଣ ଦୋରା ଏବଂ ରଜତ ବେହେରା ଏହି ଅଭିଯାନ ରେ ସାମିଲ ହୋଇଛନ୍ତି I ସେମାନେ ସମ୍ବଲପୁରର ଗୌରବମୟ ଇତିହାସ ଏବଂ ପର୍ଯଟନ ସ୍ଥଲି ଗୁଡିକ ବିଷୟ ରେ ପ୍ରଚାର କରିବେ। ତା ସହ ବିଭିନ୍ନ ବୌଦ୍ଧ ପୀଠ ସହ ଯୋଗାଯୋଗ ସ୍ଥାପନ କରିବେ। ସମ୍ବଲପୁରରେ ଗୁରୁ ପଦ୍ମ ସମ୍ଭବ ଜନ୍ମ ହୋଇ ଥିବା ତଥ୍ଯ କୁ ବୌଦ୍ଧ ପୀଠ ମାନଂକ ସହ ଆଲୋଚନା କରି ସେମାନଙ୍କ  ଠାରୁ ଅଧିକ ତଥ୍ଯ ସଂଗ୍ରହ କରିବେ। ଏଥିରେ ବିଭିନ୍ନ ସ୍ଥାନରେ ଥିବା ଭାରତୀ ସମାଜ ସଦସ୍ଯ ସହଯୋଗ କରିବେ।  ଉଭୟ ମାଁ ସମଲେଇଂକ  ଏବଂ ପାଟନେଶ୍ବରୀଂକ ଠାରୁ ଆଶିର୍ବାଦ ନେଇ ତାଙ୍କର ଯାତ୍ରା ଆରମ୍ଭ କରିଛନ୍ତି। ଭାରତୀ ସମାଜ ର ସଂଚାଲକ ଭବାନୀଶ ଭୋଇ ଏବଂ କୋଷାଧ୍ୟକ୍ଷ ସୁବୋଧ ଦୋରା,କ୍ଷୀର ପ୍ରଧାନଂକ ସହ ଅନ୍ୟ ମାନେ  ସମଲେଇ ମନ୍ଦିର ଠାରେ ଉପସ୍ଥିତ ରହି ଉଭୟଂକୁ ଯାତ୍ରା ପାଇଁ ଶୁଭେଚ୍ଛା ଜଣାଇଛନ୍ତି I