24-Jul-2021

ଧର୍ମଗଡ଼(ଜ୍ୟୋତିରଞ୍ଜନ ବେମାଲ ): ଟାଏ ଟାଏ ଗ୍ରୀଷ୍ମପ୍ରବାହ ରେ ବି ରାସ୍ତାରେ ଜମିରୁହେ ଆଣ୍ଠୁଏ ପାଣି । ରାସ୍ତା ପାର ହେବାକୁ ହେଲେ ପହଁରି ପହଁରି ଯିବାକୁ ହୁଏ ଲୋକଙ୍କୁ l ଏବେ ପୁଣି ବର୍ଷା ଦିନ, ପରିସ୍ଥିତି ଅସମ୍ଭାଳ। ହେଲେ ପ୍ରଶାସନ ସମ୍ପୂର୍ଣ୍ଣ ସ୍ଥାଣୁ ପାଲଟିଛି।ବାରମ୍ବାର ଗାଁ ଲୋକ ଅଭିଯୋଗ କଲେ ବି ଖାତିର ନାହିଁ।ଏଭଳି ଅଭିଯୋଗ ଆସିଛି କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ବଡ଼ଘୁମର ଗାଁ ରୁ । ଗାଁ ମୁଣ୍ଡରୁ ପାର ଯାଏ ସବୁଠି ଜମି ରହିଛି  l ମଝିରାସ୍ତା ପାଣି ,ଏହି ଆର. ଡି ରାସ୍ତା ଦେଇ  ପୂର୍ବ ରେ ବୋଡେ଼ନ ଓ ଧର୍ମଗଡ଼ ଯିବା ସହ ପଶ୍ଚିମ ଭାଗରେ ପର୍ଲା ଭଳି ଗୁରୁତ୍ୱପୂର୍ଣ୍ଣ ସରକାରୀ ଅଫିସ ସହ ଡାକ୍ତରଖାନା ଯିବାକୁ ହୁଏ

ତେବେ ୨୦୧୧ ମସିହା ବେଳକୁ ଏହି ଆର. ଡ଼ି ରାସ୍ତାକୁ ପ୍ରଧାନମନ୍ତ୍ରୀ ସଡକ ଯୋଜନାରେ ସାମିଲ କରାଯାଇ ରାସ୍ତା ନିର୍ମାଣ ହୋଇଥିଲା । ତେବେ ନିମ୍ନମାନର କାମ ସାଙ୍ଗକୁ ପାଣି ନିଷ୍କାସନ ବ୍ୟବସ୍ଥା କରାଯାଇ ନଥିବା ଯୋଗୁଁ ରାସ୍ତା ବିପର୍ଯ୍ୟସ୍ତ ହେବାକୁ ବସିଥିଲା । ପାଣି ନିଷ୍କାସନ ହୋଇ ନ ପାରି ରାସ୍ତାରେ ପାଣି ଜମି ରହିଛି।ଏପରି କି ଯାତାୟତରେ ବାଧାପ୍ରାପ୍ତ ହେବା ସାଂଗେ ଲୋକେ ନାନା ପ୍ରକାର ଦୁର୍ଘଟଣାର ସମ୍ମୁଖୀନ ହେଉଥିବା ଦେଖାଯାଇଛି ।ତୁରନ୍ତ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି । ଅନ୍ୟପଟେ ଯୁଦ୍ଧକାଳୀନ ପରିସ୍ଥିତିରେ ରାସ୍ତା ନିର୍ମାଣ କରା ନଗଲେ ଆନ୍ଦୋଳନ ତିବ୍ରତାର କରାଯିବାକୁ ଗ୍ରାମବାସୀ ଚେତାବନୀ ଦେଇଛନ୍ତି ।