23-Jul-2021

ବଲାଙ୍ଗୀର(ପ୍ରେରଣା ଖବର ବ୍ୟୁରୋ) : ଇତି ମଧ୍ୟରେ ଓଡ଼ିଶା ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଙ୍କ ପତ୍ର ସଂଖ୍ୟା ୧୫୯୧୩/୧୧.୬.୨୦୨୧ ଅନୁଯାୟୀ ଜିଲ୍ଲାରେ କାର୍ଯ୍ୟରତ ସରକାରୀ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷକ/  ପ୍ରଧାନ ଶିକ୍ଷୟତ୍ରୀ ଏବଂ ଶିକ୍ଷକ/ଶିକ୍ଷୟତ୍ରୀ ମାନେ ବିଭିନ୍ନ ସ୍କୁଲ କୁ ବଦଳି ପାଇଁ ସରକାରୀ ପୋର୍ଟାଲ ରେ  ୨୨.୬.୨୦୨୧ ରୁ ୧୫.୭.୨୦୨୧ ପର୍ଯ୍ୟନ୍ତ  ଆବେଦନ କରିପାରିବେ । ଶିକ୍ଷା ବିଭାଗ ଶିକ୍ଷକ/ଶିକ୍ଷୟତ୍ରୀ ମାନଙ୍କ ସୁବିଧା ନିମନ୍ତେ ସଦା ସର୍ବଦା ତପ୍ତର । ସରକାରୀ ସ୍କୁଲ ରେ ଉଚ୍ଚ ମାନର ଶିକ୍ଷ୍ୟା ପ୍ରଦାନ ନିମନ୍ତେ ସରକାରୀ ତହବିଲ ରୁ ବର୍ଷକୁ ଲକ୍ଷ ଲକ୍ଷ ଟଙ୍କା ଆସୁଛି । ହେଲେ ଜିଲ୍ଲା ଶିକ୍ଷାଧିଶ ଙ୍କ ପ୍ରତ୍ୟକ୍ଷ ତତ୍ବାବଧାନ ଅଭାବରୁ ସେତେଟା ଫଳପ୍ରଦ ହେଉ ନ ଥିବା ପରିଲକ୍ଷିତ ହୁଏ । 
   ଓଡ଼ିଶା ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଙ୍କ ବିଜ୍ଞପ୍ତି ପରେ ଶିକ୍ଷକ/ଶିକ୍ଷୟତ୍ରୀ ମାନେ ନିଜ ନିଜ ସୁବିଧା ସ୍କୁଲ ମାନଙ୍କୁ ଯିବା ପାଇଁ ପୋର୍ଟାଲ ରେ ଆବେଦନ ମଧ୍ୟ କରିଛନ୍ତି । କିନ୍ତୁ ଦୁଇଜଣ ଶିକ୍ଷକ ଙ୍କୁ ବଲାଙ୍ଗୀର ଡି ଇ ଓ ଧ୍ରୁବ ଚରଣ ବେହେରା କାହିକି ଅଫ ଲାଇନ୍ ରେ ତାଙ୍କ ଆବେଦନ କୁ ତରବରିଆ ଭାବେ ଦାଖଲ ଅବଧି ପୂର୍ବରୁ ଅର୍ଥାତ୍ ୨୮.୬.୨୦୨୧ ରେ ପତ୍ର ସଂଖ୍ୟା ୪୭୧୩ ଏବଂ୪୭୧୫ ଡି ଏସ ଇ (ଓ) ଭୁବନେଶ୍ୱର କୁ ଲେବଡା ହାଇସ୍କୁଲ ର ଶିକ୍ଷକ କେ.ସି. ପଣ୍ଡା ଏବଂ ଲୁହାସିଂହା ହାଇସ୍କୁଲ ର ଶିକ୍ଷକ ଅଶ୍ଵିନୀ ଷଡ଼ଙ୍ଗୀ ଙ୍କ ଅଫ ଲାଇନ୍ ଆବେଦନ କୁ ଓଡ଼ିଶା ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ କୁ ପଠାଇଛନ୍ତି । ଏହି ବିଷୟ କୁ ନେଇ ବଲାଙ୍ଗୀର ଜିଲ୍ଲା ଶିକ୍ଷାଧିଶ ଙ୍କ କାର୍ଯ୍ୟାଳୟରେ ନୂତନ ସରକାରୀ ବିଦ୍ୟାଳୟ ଦାୟିତ୍ଵ ରେ ଥିବା କଲ୍ୟାଣ ଉଦ୍ଗାତା ଙ୍କୁ ପଚାରିଥିବା ବେଳେ ସେ ଏ ବିଷୟରେ ଜାଣି ନ ଥିବା କହିଥିଲେ । ଚର୍ଚ୍ଚା ହୁଏ ଡି ଇ ଓ ଅଫିସ ର ଜଣେ କରିତକର୍ମା କିରାଣୀ ଏ ସମସ୍ତ ବିଷୟ କରିବାରେ ପାରଙ୍ଗମ । ଦୀର୍ଘ ବର୍ଷ ରୁ ଅଶ୍ଵିନୀ ଷଡ଼ଙ୍ଗୀ ବଲାଙ୍ଗୀର ଡି ଇ ଓ ଅଫିସ ରେ କିରାଣୀ କାମ କରି ଆସୁଥିବା ବେଳେ ତାଙ୍କ ପ୍ରତି ଡି ଇ ଓ ଅହେତୁକ ଅନୁକମ୍ପା ଦେଖାଉଥିବା ଚର୍ଚ୍ଚା ହେଉଛି । ପୂର୍ବତନ ଡି ଇ ଓ କାର୍ତିକେଶ୍ୱର୍ ଲେଙ୍କା ଅଫ ଲାଇନ୍ ବଦଳି କରି ହରଡ଼ଘଣାରେ ପଡ଼ିଥିବା ବେଳେ କେଉଁ ସ୍ୱାର୍ଥରେ ଡି ଇ ଓ ପୁନରାବୃତ୍ତି କରିଛନ୍ତି । ଶିକ୍ଷା ବିଭାଗ ଅଫ ଲାଇନ୍ ବଦଳି ପାଇଁ ମନା କରୁଥିବା ବେଳେ ଅଶ୍ଵିନୀ ଷଡ଼ଙ୍ଗୀ ଏବଂ କେ.ସି.ପଣ୍ଡା ଙ୍କ ଆବେଦନ କୁ ଅଫ ଲାଇନ୍ ରେ ପଠାଯାଇଥିବା ତଦନ୍ତ ସାପେଖ୍ୟ । ଇତି ମଧ୍ୟରେ ସରକାର ସ୍କୁଲ ଛାତ୍ର/ଛାତ୍ରୀ ମାନଙ୍କ ପାଇଁ ୟୁ ଟ୍ୟୁବ୍ କ୍ଲାସ କାର୍ଯକ୍ରମ ଚଳାଇଥିବା ବେଳେ ଅଶ୍ଵିନୀ ଷଡ଼ଙ୍ଗୀ ଏବଂ ଅନିଲ ନନ୍ଦ ଙ୍କୁ ଏହି କାର୍ଯ୍ୟକ୍ରମରେ ଜିଲ୍ଲା ଶିକ୍ଷାଧିଶ ସାମିଲ କରିଛନ୍ତି । ତେବେ ଏହି କ୍ଲାସ ସମୟରେ ଶିକ୍ଷକ ମାନେ ନିଜ ସ୍କୁଲ ରେ ରହି ଘରେ ବସି ୟୁ ଟ୍ୟୁବ୍ କ୍ଲାସ କରୁଥିବା ଛାତ୍ର/ଛାତ୍ରୀ ମାନଙ୍କୁ ଗାଇଡ କରିବା ପରିବର୍ତ୍ତେ କେଉଁ କାରଣରୁ ଏହି ଦୁଇ ଜଣ ଶିକ୍ଷକ ଙ୍କୁ ଏହିଠାରେ ଅବସ୍ଥାପିତ କରାଯାଇଛି । ଏମାନେ ନିଜ ପ୍ରକୃତ କାର୍ଯ ରୁ ଦୂରେଇ ରହି କିରାଣୀ କାମ କରିବା ଯଥାର୍ଥ କୀ ବୋଲି ଚର୍ଚ୍ଚା ହୁଏ ।ତେବେ ଏହି ଦୁଇ ଜଣ କିରାଣୀ ଡି ଇ ଓ ଙ୍କ ଅତି ପ୍ରିୟ କି ? ଡି ଇ ଓ ନିଜକୁ ଅତି ଚତୁର ମନେ କରୁଛନ୍ତି । ଚର୍ଚ୍ଚା ହୁଏ କୁଆଡେ ଡି ଇ ଓ ବଲାଙ୍ଗୀର ସହରର ଏକ ସ୍କୁଲ ରେ ଥିବା ବେଳେ ଅନେକ ହଟହଟା ହୋଇଥିଲେ ।ଏବେ ମଧ୍ୟ ତାଙ୍କ ବ୍ୟବହାର ପରିବର୍ତନ କରୁନାହାନ୍ତି । ତାଙ୍କ କାର୍ଯ୍ୟାଳୟକୁ ସାକ୍ଷାତ୍ କରିବାକୁ ଯାଉଥିବା ବ୍ୟକ୍ତି ବିଶେଷ ଙ୍କୁ ଉଚିତ୍ ବ୍ୟବହାର ଦେଉ ନ ଥିବା ଚର୍ଚ୍ଚା ହୁଏ । ଏଣୁ ଜିଲ୍ଲାପାଳ ଶିକ୍ଷକ ବଦଳି ପ୍ରତି ଦୃଷ୍ଟି ଦେଲେ ଶିକ୍ଷ୍ୟା ବିଭାଗରେ ଚାଲିଥିବା ମେରୀମର୍ଜି ଶାସନ ଦମନ ହେବ ।