23-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ସରକାରୀ ଯୋଜନା ତଥା ସହାୟତା ରାଶି ର ଲାଭବାନ ହେବାପାଇଁ ଗ୍ରାମାଞ୍ଚଳ ରେ ସାଧାରଣ ଜନତା ବିଭିନ୍ନ ପ୍ରକାର ଦଲାଲ ମାନଙ୍କ ଶିକାର ହେଉଛନ୍ତି | ଏପରିକି କୌଣସି ଯୋଜନା ରେ ସାମିଲ ହେବାପାଇଁ ଆବଶ୍ୟକୀୟ ପ୍ରମାଣ ପତ୍ର ଗୁଡିକ ଦାଖଲ କରିବା ତଥା ସରକାରୀ ନିୟମାବଳୀ ମୁତାବକ ଅନଲାଇନ ପଞ୍ଜିକରଣ କରିବା ବିଷୟରେ ଅଜ୍ଞ ବ୍ୟକ୍ତି ବିଶେଷ ଠକେଇ ର ଶିକାର ହେଉଛନ୍ତି |ଏହିଭଳି ଏକ ଘଟଣା ଘଟିଛି ନୟାଗଡ଼ ସଦରମହକୁମା ରେ |ନୟାଗଡ଼ ଜିଲ୍ଲା ଟାଉନଥାନା ଅନ୍ତର୍ଗତ ଶିମିଳିସାହି ଓ ହାଟଦ୍ୱାର ଅଞ୍ଚଳରେ ଜଣେ ବ୍ୟକ୍ତି ଶତାଧିକ ବ୍ୟକ୍ତିଙ୍କୁ କିସାନ ସେବା କାର୍ଡ଼ ନାମରେ ଠକେଇ କରିଥିବା ଅଭିଯୋଗ ହୋଇଛି । ବ୍ୟକ୍ତି ଜଣଙ୍କ ଏହି କାର୍ଡ ବାବଦକୁ ଲୋକଙ୍କଠାରୁ ୨ ଶହ ଟଙ୍କା ଲେଖାଏଁ ଆଦାୟ କରିଛନ୍ତି । ଶିମିଳିସାହି ଗ୍ରାମ ଲୋକଙ୍କୁ କାର୍ଡ଼ ଦେଇ ୨ ଶହ ଲେଖାଏଁ ନେଇଥିବା ବେଳେ ଗତକାଲି ହାଟଦ୍ୱାର ଗ୍ରାମବାସୀଙ୍କୁ କାର୍ଡ଼ ଦେବାକୁ ଯାଇଥିଲେ । ଗ୍ରାମବାସୀ ତାଙ୍କ କାର୍ଯ୍ୟ କଳାପକୁ ସନ୍ଦେହ କରି ଉକ୍ତ କାର୍ଡ ବିଷୟରେ ତଦନ୍ତ କରିବାପରେ ପୋଲିସ କୁ ଜଣାଇ ଥିଲେ । ଅନ୍ୟପକ୍ଷେ, ଠକେଇର ଶୀକାର ହୋଇଥିବା ନେଇ ଶିମିଳିସାହି ଗ୍ରାମବାସୀ ଥାନାରେ ଅଭିଯୋଗ କରିଛନ୍ତି । ଗ୍ରାମରୁ ନିରୀହ ବ୍ୟକ୍ତି ମାନଙ୍କ ଠାରୁ ୨୦ ହଜାର ଟଙ୍କା ଠକି ନେଇଥିବା ଅଭିଯୋଗ ହୋଇଛି । ଏନେଇ ଟାଉନଥାନା ପୁଲିସ ଉକ୍ତ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଥିବା ବେଳେ ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସୂଚନା ଦେଇଛନ୍ତି ।