22-Jul-2021

ବଲାଙ୍ଗିର (ପ୍ରେରଣା ଖବର) : ଆଜି ପଶ୍ଟିମ ଓଡ଼ିଶା ଯୁବା ମଞ୍ଚ, ବଲାଙ୍ଗୀର ତରଫରୁ ପ୍ରଧାନମନ୍ତ୍ରୀ ଆବାସ ଯୋଜନା ଆବଣ୍ଟନରେ ପଶ୍ଚିମ ଓଡ଼ିଶାକୁ ଅବହେଳା କରାଯାଇଥିବା ଅଭିଯୋଗ ନେଇ ଏକ ବିଶାଳ ପଦଯାତ୍ରା ସକାଳ ୧୦:୩୦ରେ ଟାଉନ ହଲ୍ ଠାରୁ ବାହାରି ଜିଲ୍ଲାପାଳ କାର୍ଯ୍ୟାଳୟ ପର୍ଯ୍ୟନ୍ତ ଆସିଥିଲା।
ଦୀର୍ଘ ସମୟ ଧରି ଯୁବା ମଞ୍ଚର ସଦସ୍ୟମାନେ ଜିଲ୍ଲାପାଳ ଅଫିସ ଘେରାଉ ସହ ନାରାବାଜି କରିଥିଲେ। ଜିଲ୍ଲାପାଳ ଶ୍ରୀ ଚଞ୍ଚଳ ରାଣା ଙ୍କୁ ଭେଟି ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ୬ଦଫା ଦାବିପତ୍ର ପ୍ରଦାନ କରିଥିଲେ। ସରକାରଙ୍କ ସହ ରଖାଯାଇଥିବା ଦାବି ତଥା ଜିଲ୍ଲାରେ ଆବଶ୍ୟକ ଆବାସ ଯୋଜନା ଅନୁଦାନ ବିଷୟରେ ଆଲୋଚନା କରାଯାଇ ସମସ୍ୟା ସବୁର ସମାଧାନ ଦିଗରେ ପଦକ୍ଷେପ ନିଆଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଥିଲେ।
ଆଗାମୀ ଦିନରେ ଯଦି ପଶ୍ଚିମ ଓଡ଼ିଶା ପ୍ରତି ଏମିତି ବୈମାତୃକ ମନୋଭାବ ପୋଷଣ କରାଗଲା ତେବେ ଶାନ୍ତିପୂର୍ଣ୍ଣ ପଦଯାତ୍ରା ଭୟାବହ ଆନ୍ଦୋଳନର ରୂପ ନେବ। ଆଉ ସେଥିପାଇଁ କେବଳ ସରକାର ହିଁ ଦାୟୀ ରହିବେ ବୋଲି ଆବାହକ ଅଭିଷେକ ଦାଶ କହିଛନ୍ତି।
ଏହି ପଦଯାତ୍ରା ରେ ପଶ୍ଚିମ ଓଡ଼ିଶା ଯୁବା ମଞ୍ଚ ର ଗୋପବନ୍ଧୁ ପଟେଲ, ରମ୍ୟ ସାହୁ, ଜୟନ୍ତ ସାହୁ, ରିକୁନ ମିଶ୍ର, ଥବିର କର୍ମୀ, ଖଗେଶ୍ବର ପଧାନ, ସୁରେଶ କମ୍ପ,  ଅଙ୍କିତ ବିଶି, ଗଣେଶ ପଧାନ, ସନ୍ତୋଷ ପଲିତା, କିଶୋର ଗୁରାଣ୍ଡି, ଲିଙ୍ଗରାଜ ସେଠ, ଦେବ ପଣ୍ଡା, ବିରେନ୍ଦ୍ର ପାଣ୍ଡେ, ସରୋଜ ପଧାନ, ଦେବେନ୍ଦ୍ର ପଟେଲ, ସୌମ୍ୟଜିତ ମିଶ୍ର ଙ୍କ ସହ କୋଶଲ ରାଜ୍ୟ ସମନ୍ୱୟ ସମିତି, କୋଶଲ ଯୁବ ସମନ୍ୱୟ ସମିତି, ବଲାଙ୍ଗୀର ସ୍ବେଚ୍ଛାସେବୀ ଓ ଅନ୍ୟାନ୍ୟ ବରିଷ୍ଠ ବ୍ୟକ୍ତି  ଉପସ୍ଥିତ ରହିଥିଲେ।