14-Jul-2021

ବଲାଙ୍ଗିର (ପ୍ରେରଣା ଖବର) : ଓଡିଶା ସାହିତ୍ୟ ଏକାଡେମୀ ର ପ୍ରତିଷ୍ଠା ଦିବସ ଅବସରରେ  ରାଜ୍ୟ ସ୍ତରୀୟ ପ୍ରତିଯୋଗିତା ପୂର୍ବରୁ  ସମଗ୍ର  ରାଜ୍ୟରେ  ଜିଲ୍ଲା ସ୍ତରୀୟ  ସାହିତ୍ୟ ସଂପର୍କୀୟ  ବକ୍ତୃତା,  ଦେଶାତ୍ମବୋଧ କବିତା  ଆବୃତ୍ତି  ଓ ସାହିତ୍ୟ  ସଂପର୍କୀୟ  ସାଧାରଣ ଜ୍ଞାନ ପ୍ରତିଯୋଗିତା ଅନୁଷ୍ଠିତ  ହୋଇଯାଇଛି । ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟାଳୟସ୍ଥ  ଜାତୀୟ ସୂଚନା ବିଜ୍ଞାନ କେନ୍ଦ୍ରରେ ଅନ ଲାଇନ   ମାଧ୍ୟମରେ  ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଜିଲ୍ଲା ସଂସ୍କୃତି ଅଧିକାରୀ ବିଜୟ ଶତପଥୀ ଙ୍କ ପରିଚାଳନା ରେ ହାଇସ୍କୁଲ ସ୍ତରରେ ଷଷ୍ଠ ରୁ ଅଷ୍ଟମ ଉ ନବମ ,ଦଶମ ଶ୍ରେଣୀ  ପାଇଁ  ଦୁଇଟି ବର୍ଗରେ ଉପରୋକ୍ତ ତିନୋଟି ପ୍ରତି ଯୋଗିତା  ଅନୁଷ୍ଠିତ ହୋଇଥିଲା ।ବିଚାରକ ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ସନାତନ ଠାକୁର , ଶୁଭ୍ରାଂଶୁ ଶେଖର ପଣ୍ଡା, ଆନନ୍ଦ ଚନ୍ଦ୍ର ସାହୁ, ସବିତା ମେହେରା , ସନ୍ଦୀପ କୁମାର କୁଅଁର  ବିଚାରକ ଭାବରେ ଯୋଗ ଦେଇଥିଲେ । ସାହିତ୍ୟ ଏକାଡେମୀ ର ବଲାଙ୍ଗୀର ଜିଲ୍ଲା ସଦସ୍ୟ  କବୟତ୍ରୀ  ଡାକ୍ତର ଜ୍ୟୋତିର୍ମୟୀ ସାହୁଙ୍କ ଉପସ୍ଥିତିରେ  ଆୟୋଜିତ ଏହି  ପ୍ରତିଯୋଗିତାରେ  କନିଷ୍ଠ ବିଭାଗ ରେ ବକ୍ତୃତା ରେ ତୁରେକେଲା ବ୍ଲକ ର ଓଡିଶା ଆଦର୍ଶ ବିଦ୍ୟାଳୟ ର ଛାତ୍ରୀ ସ୍ବାତୀ ସୁଚରିତା ପାତ୍ର,ଆବୃତ୍ତି ରେ ଖପ୍ରାଖୋଲ  ବ୍ଲକ ର ଓଡିଶା ଆଦର୍ଶ ବିଦ୍ୟାଳୟ ର ଛାତ୍ରୀ  ଆଲଭା ଭୋଇ,ସାହିତ୍ୟ ସଂପର୍କୀତ ସାଧାରଣ ଜ୍ଞାନରେ ଆଗଲପୁର ବ୍ଲକ ର  ଉଚ୍ଚ ପ୍ରାଥମିକ ବିଦ୍ୟାଳୟ ମୁରଶୁଣ୍ଢ,ର ଛାତ୍ରୀ ସୁନନ୍ଦାରାଣୀ ସାହୁ ପ୍ରଥମ ହୋଇ ରାଜ୍ୟ ସ୍ତରକୁ ମନୋନୀତ  ହୋଇଛନ୍ତି ।
ସେହିପରି   ବରିଷ୍ଠ ବିଭାଗ ରେ ବକ୍ତୃତା ରେ ସଇନ୍ତଲା  ବ୍ଲକ ର ଓଡିଶା ଆଦର୍ଶ ବିଦ୍ୟାଳୟ ର ଛାତ୍ରୀ ରାଜରାଣୀ ମହାନନ୍ଦ  ,ଆବୃତ୍ତି ରେ ବଲାଙ୍ଗୀର ପୌରାଞ୍ଚଳର ସରସ୍ବତୀ ଶିଶୁ ବିଦ୍ୟା ମନ୍ଦିର କଦମପଡା ର ଛାତ୍ରୀ  ଆର୍ଯ୍ୟା କୁମାରୀ ପୋଢ, ସାହିତ୍ୟ   ସଂପର୍କୀତ ସାଧାରଣ ଜ୍ଞାନରେ  ଡି ପି ଏଚ୍ ଏସ ବାଘମୁଣ୍ଡ , ଖପ୍ରାଖୋଲ  ବ୍ଲକ ର  ଛାତ୍ରୀ ଭାରତୀ ସାହୁ ପ୍ରଥମ ହୋଇ ରାଜ୍ୟ ସ୍ତରକୁ ମନୋନୀତ  ହୋଇଛନ୍ତି ।