14-Jul-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା): ଅତି ଗରିବ ନିରୀହ ବାସହୀନ ବ୍ୟକ୍ତିଙ୍କୁ ଚିହ୍ନଟ କରି ଘର ଖଣ୍ଡିଏ ଯୋଗେଇ ଦେବାପାଇଁ ତିଆରି ହୋଇଛି ଆବାସ ଯୋଜନା l ସରକାର ଏଥିପାଇଁ ଖର୍ଚ୍ଚ କରୁଛନ୍ତି କୋଟି କୋଟି ଟଙ୍କା ହେଲେ ଏବେ ବି ପ୍ରଶାସନର ଆଢୁଆଳରେ ରହୁଛନ୍ତି ପ୍ରକୃତ ହିତାଧକାରୀ l ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି,କଳାହାଣ୍ଡି ଜିଲ୍ଲା କୋକସରା ବ୍ଲକ ଅନ୍ତର୍ଗତ କାଉଡୋଳା ଗ୍ରାମପଞ୍ଚାୟତ ଅଧିନରେ ଥିବା ବଡକେନ୍ଦୁଗୁଡା ଗ୍ରାମ ରେ lଗୌତମ ନାଗ,ପତ୍ନୀ ଅମୃତା ନାଗ, ତାଙ୍କ ଚାରି ଝିଅ ଓ ଗୋଟିଏ ପୁଅ । ଗୌତମ ତାଙ୍କ ପରିବାର ପ୍ରତିପୋଷଣ କରିବା ପାଇଁ କୁଲି ମଜୁରି କରି ଦୁଇଓଳି ଦୁଇ ମୁଠା ଖାଇବାକୁ ଯୋଗାଇ , ଛୁଆ ମାନଙ୍କୁ ପାଠ ପଢାଇବା କଷ୍ଟକର ହେଉଥିବା ବେଳେ  ଘର ଖଣ୍ଡିଏ କରିବା ତାଙ୍କ ପକ୍ଷରେ ଅସମ୍ଭବ। ଏତେବଡ଼ ପରିବାରକୁ ନେଇ କଷ୍ଟରେ ଚଳୁଥିବା ବେଳେ ଗୌତମ  ଝାଟିମାଟିର ଏକ ଚାଳଛପର କୋଠରୀରେ ଦିନ ରାତି, ଖରା ବର୍ଷା ଶୀତ କାକର , ଝଡ ତୋଫାନରେ ଦିନ କାଟୁଛନ୍ତି। 

  ଏଠାରେ ପ୍ରଶ୍ନ ଉଠେ ଯେ ସରକାରଙ୍କ ଆବାସ ଯୋଜନା କାହା ପାଇଁ ? ଯୋଗ୍ୟ ହିତାଧିକାରୀଙ୍କୁ ମିଲି ପାରୁ ନାହିଁ ସରକାରଙ୍କ ଆବାସ ଯୋଜନା। ଦାରିଦ୍ର୍ୟ ସୀମାରେଖା ତଳେ ଥିବା ବ୍ୟକ୍ତିଙ୍କ ନାମ ତାଲିକାରେ ନଥିଲେ ମଧ୍ୟ ଗ୍ରାମାଞ୍ଚଳରେ ବାସ କରୁଥିବା ପ୍ରକୃତ ଗରୀବ ପରିବାରକୁ ବାସଗୃହ ଯୋଗାଇ ଦିଆଯାଏ। ସରକାରଙ୍କ ଅନେକ ଯୋଜନା, ବିଜୁପକ୍କାଘର,ମୋ କୁଡିଆ, ପ୍ରଧାନମନ୍ତ୍ରୀ ଆବାସ , ଇନ୍ଦିରା ଆବାସ ଯୋଜନା , ମାନ ଥିବା ସତ୍ତ୍ବେ ମଧ୍ୟ ଦୀର୍ଘଦିନରୁ ବଞ୍ଚିତ ହୋଇ ରହିଛନ୍ତି ଗୌତମ ନାଗ  । ଯଦି ସରକାରଙ୍କ ଆବାସ ଯୋଜନାରେ  ଅନ୍ତର୍ଭୁକ୍ତ କରି ଘର ଖଣ୍ଡିଏ ଯୋଗାଇ ଦେଲେ  ଗୌତମଙ୍କ ପରିବାର ଉପକୃତ ହେବେ ବୋଲି ଲୋକମାନେ ସରକାରଙ୍କ ପାଖରେ ନିବେଦନ କରିଛନ୍ତି l