13-Jul-2021

ବଲାଙ୍ଗୀର(ପ୍ରେରଣା ଖବର) : ଗତ ୦୯ ତାରିଖ ଦିନ ବଲାଙ୍ଗିର ଜିଲ୍ଲାର ବିଭିନ୍ନ ପ୍ରାନ୍ତରେ କାର୍ଯ୍ୟରତ ମହିଳା ସ୍ୱସ୍ଥ୍ୟ କର୍ମୀ ମାନଙ୍କ ବଦଳିରେ ବ୍ୟାପକ ଅନିୟମିତତା ଓ ପାତରଅନ୍ତର ନୀତି ଅବଲମ୍ବନ କରାଯାଇଥିବା ଅଭିଯୋଗ ହୋଇଛି । ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟର ଚିଠି ନଂ୨୯୪୧ତା ଠ୯/ଠ୭/୨ଠ୨୧ରେ ଇସ୍ୟୁ ହୋଇଥିବା ଏହି ଟ୍ରାନ୍ସଫର ଲେଟେରରେ ୬୧ଜଣ ସ୍ୱାସ୍ଥ୍ୟ କର୍ମୀଙ୍କୁ ଜିଲ୍ଲାର ବିଭିନ୍ନ ପ୍ରାନ୍ତକୁ ବଦଳି କରାଯାଇଛି । ତବେ ଅନେକ ସ୍ୱାସ୍ଥ୍ୟ କର୍ମୀଙ୍କ ରିଟେୟାର୍ କରିବା ପାଇଁ ବର୍ଷେ ଦୁଇ ବର୍ଷ ଥିବା ବେଳେ ସେମାନଙ୍କୁ ଦୂରଦୁରାନ୍ତକୁ ବଦଳି କରାଯାଇଛି । ଏ ନେଇ କାର୍ଯ୍ୟରତ ସ୍ୱାସ୍ଥ୍ୟ କର୍ମୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଏହି ବଦଳି ପ୍ରକ୍ରିୟାରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟର କିଛି କିରାଣୀଙ୍କ ପ୍ରଛନ୍ନ ହାତ ରହିଥିବା ଅଭିଯୋଗ ହୋଇଛି । କିଛି କଂଟ୍ରାକଚୁଆଲ ସ୍ୱlସ୍ଥ୍ୟ କର୍ମୀ ମାନଙ୍କୁ  ୪୦-୫୦ କିମି ଦୂରକୁ ମଧ୍ୟ ବଦଳି କରାଯାଇଥିବା ଅଭିଯୋଗ ହୋଇଛି । ଆଜି ଜିଲ୍ଲାର ବିଭିନ୍ନ ବ୍ଲକରେ କାର୍ଯ୍ୟରତ ସ୍ୱାସ୍ଥ୍ୟ କର୍ମୀ ମାନେ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟରେ ପହଂଚି  ଏପରି ବେଆଇନ ଓ ଉଦ୍ଦେଶ୍ୟମୂଳକ ବଦଳିକୁ ରଦ୍ଦ କରିବା ପାଇଁ ଜିଲ୍ଲା ପ୍ରଶାସନ ନିକଟରେ ଦାବି ଜଣାଇ ଥିଲେ । ମହିଳା ସ୍ୱାସ୍ଥ୍ୟ କର୍ମୀ ମାନଙ୍କ ଏପରି ବଦଳି ସଂପର୍କରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀୀ ଡ଼ ଭୀମ ସାହୁଙ୍କୁ ସାହୁଙ୍କୁ ପଚାରିବାରୁ ସେ କୋଭିଡ଼ ମେନେଜମେଂଟଣ୍ଟ ପାଇଁ  ଜିଲ୍ଲାପାଳଙ୍କ ନିର୍ଦ୍ଦେଶରେ ଏପରି ପଦକ୍ଷେପ ନିଆଯାଇଛି ବୋଲି କହିଥିଲେ । ତେବେ ଅସନ୍ତୁଷ୍ଟ ସ୍ୱାସ୍ଥ୍ୟ କର୍ମୀ ମାନେ ପରେ ବଲାଙ୍ଗୀର ବିଧାୟକ ନରସିଂହ ମିଶ୍ରଙ୍କୁ ସାକ୍ଷାତ କରି ନିଜର ଗୁହାରୀ ଜଣାଇଥିଲେ । ବିଧାୟକ ଶ୍ରୀ ମିଶ୍ର ସ୍ୱlସ୍ଥ୍ୟା କର୍ମୀ ମାନଙ୍କୁ ଯୁକ୍ତି ଯଥାର୍ଥ ଅଟେେ ଓ ଏପରି ମହାମାରୀ ସମୟରେ ଏମାନଙ୍କୁ ବିଭିନ୍ନ ଦୁରାଦୁରାନ୍ତ କୁ ବଦଳି କରିବା ନୀତିକୁ ବିରୋଧ କରିଥିଲେ ।  ସେ ଯାହା ହେଉ ଜିଲ୍ଲା ପ୍ରଶାସନର ଏହି ଉଦ୍ଦେଶ୍ୟମୂଳକ ବଦଳି ବିରୁଦ୍ଧରେ ଗର୍ଜିଥିବା ଅସନ୍ତୁଷ୍ଟ ମହିଳା ସ୍ୱlସ୍ଥ୍ୟ କର୍ମୀ ମାନେ ନିଜର ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବେ ବୋଲି ଚେତାବନୀ ଦେଇଛନ୍ତି l