10-Jul-2021

ବଲାଙ୍ଗିର(ସନ୍ତୋଷ କୁମାର ଠାକୁର) : ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ବଲାଙ୍ଗିର ସିଭିଲ କୋର୍ଟ ପରିସରରେ ଜିଲ୍ଲା ଦୌରାଜର୍ଜ ତଥା ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଲୋକନାଥ ମହାପାତ୍ରଙ୍କ ଅଧ୍ୟକ୍ଷତାରେ  ରାଷ୍ଟୀୟ ଲୋକ ଅଦାଲତ ଅନୁଷ୍ଟିତ ହୋଇଯାଇଛି।ଏହି ରାଷ୍ଟୀୟ ଲୋକ ଅଦାଲତ ରେ ୨୮୪ ଗୋଟି ମକଦ୍ଦମା ର ଫଇଲସା କରାଯାଇଥିଲା |ତନ୍ନମଧ୍ୟରୁ ୨୧ ଗୋଟି ଦେୱାନୀ ମକଦ୍ଦମା ର ଫଇସଲା କରାଯାଇ କ୍ଷତିପୁରଣ ବାବଦରେ ୩ ଲକ୍ଷ ୯୩ ହଜାର ଟଙ୍କା ଆଦାୟ କରାଯାଇଥିଲା। ୯ଗୋଟି ବ୍ୟାଙ୍କ ଜନିତ ମାମଲାର ସମାଧାନ କରାଯାଇ ୨୪ ଲକ୍ଷ ୨୭ ହଜାର ୯୧ ଟଙ୍କା ଆଦାୟ ହୋଇଥିଲା |  ସେହିପରି ୨୦ ଗୋଟି ମଟର ଦୁର୍ଘଟଣା ଜନିତ ମାମଲା ର ଫଇସଲା କରାଯାଇ ମୋଟ ୧ କୋଟି ୨୪ ଲକ୍ଷ ୩୦ ହଜାର ଟଙ୍କା କ୍ଷତିପୁରଣ ଦେବା ପାଇଁ ଆଦେଶ କରାଯାଇଥିଲା | ୧୫୫ ଗୋଟି ଫୌଜଦାରୀ ମାମଲାର ଫଇସଲା କରାଯାଇ ଜରିମାନା ବାବଦରେ ୬ ଲକ୍ଷ ୫ ହଜାର ୪୦୦ ଟଙ୍କା ଆଦାୟ ହୋଇଥିଲା | ୬୬ ଗୋଟି ପ୍ରାକ ମକୋଦ୍ଦମା ମାମଲାରେ ସମାଧାନ କରାଯାଇ ୩୪ ଲକ୍ଷ ୪୧ ହଜାର ୯୮୯ ଟଙ୍କା ଆଦାୟ ହୋଇଥିଲା।ସେହିପରି ୧୩ ଗୋଟି ପାରିବାରିକ ମିଲାମିଶା ମାମଲାର ଫଇସଲା କରାଯାଇଥିଲା | ଏହି ଲୋକ ଅଦାଲତକୁ  ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଦେବାଶିଷ ଦାଶ ଏବଂ କୋର୍ଟ ମେନେଜର ପ୍ରୀତି ରାଣୀ ନାଗ ପରିଚାଲନା କରିଥିଲେ | ଏହି ରାଷ୍ଟ୍ରୀୟ ଲୋକ ଅଦାଲତରେ ସ୍ଥାୟୀ ଲୋକ ଅଦାଲତ ଜର୍ଜ ପ୍ରସାନ୍ତ କୁମାର ଦାସ , ପଥାମିଲି କୋର୍ଟ ଜର୍ଜ ପ୍ରଶାନ୍ତ କୁମାର ନାୟକ, ଭିଜିଲାନ୍ସ କୋର୍ଟ ଜର୍ଜ ଅଜନ୍ତା ଷଡଙ୍ଗୀ , ଅତିରିକ୍ତ ଜିଲ୍ଲା ଜର୍ଜ ପ୍ରଥମ ଦେବାଶିଷ ରାଉତ ଜର୍ଜ ଦ୍ୱିତୀୟ ପ୍ରଜ୍ଞା ପରିମିତା ରାଉଲ , ଏସସି ଓ ଏସଟି ପ୍ରିଜାଡିଂ ଅଫିସର ସରୋଜ କୁମାର ଦାଶ, ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ ଅଭିଲାଶ ସେନାପତୀ , ସିଭିଲ କୋର୍ଟ ରେଜିଷ୍ଟାର ଅମିତ କୁମାର ବାରିକ, ସିଭିଲ ଜର୍ଜ (ବରିଷ୍ଠ )ଜୌତିରଞ୍ଜନ ଦାଶ , ଅତିରିକ୍ତ ସିଭିଲ ଜର୍ଜ (ବରିଷ୍ଟ) ସ୍ମିତା ନନ୍ଦିନୀ ତ୍ରୀପାଠୀ, ଏସ୍ ଡି ଜେ ଏମ୍ ବଲାଙ୍ଗିର କୈଳାଶ ଚନ୍ଦ୍ର ସାହୁ, ସିଭିଲ ଜର୍ଜ (କନିଷ୍ଠ) ସସ୍ମିତା ସେଠୀ, ସ୍ପେଶାଲ ଜୁଡିସିଆଲ ମାଜିଷ୍ଟ୍ରେଟ ରମେଶ ଚନ୍ଦ୍ର ରାୟଗୁରୁ, ପବ୍ଲିକ ପ୍ରସିକ୍ୟୁଟର, ଜିଲ୍ଲା ଜର୍ଜ କୋର୍ଟ ସୁବାଷ ଚନ୍ଦ୍ର ମହାନ୍ତ ଙ୍କ ସମେତ ଓକିଲ ମାନେ ଉପସ୍ଥିତ ଥିଲେ |