08-Jul-2021

ବିନିକା (ହିମାଂଶୁ ଶେଖର ପୁଟେଲ) : ଦିନେ ନୁହେଁ କି ମାସେ ନୁହେଁ ଦୀର୍ଘ ୧୦ ବର୍ଷ ହେଲା ଜଣେ ଯୁବକର ହାତ ଓ ଗୋଡ଼କୁ ଲୁହାଶିକୁଳିରେ ବାନ୍ଧି ଘର ବାଡିପଟ ଗଛ ମୁଲେ ରଖିବାକୁ ବାଧ୍ୟ ହୋଇଛନ୍ତି ପରିବାର l ଦେଖିବାକୁ ମିଳିଛି ବିନିକା ବ୍ଲକ ମହଦା ପଞ୍ଚାୟତ ଅଧିନସ୍ଥ ଶିଆଳି ଗ୍ରାମରେ l ଖବର ନେବାରୁ ଜଣାପଡିଛି ଯେ ଉକ୍ତ ଗ୍ରାମର ଜିବର୍ଦ୍ଧନ କୁମ୍ଭାର ଓ ଅମ୍ବିକା କୁମ୍ଭାରଙ୍କ ପୁଅ ଅନ୍ତ କୁଆଡେ ମାନସିକ ରୋଗରେ ଆକ୍ରାନ୍ତ l ଯେତେବେଳେ ଅନ୍ତର ସ୍ବାସ୍ଥ୍ୟ ଠିକ ଥିଲା ସେତେବେଳେ ତାର ଚାଲିଚଳନ ଠୁଁ ଆରମ୍ଭ କରି ସମସ୍ତଙ୍କ ସହିତ ମିଶି ରହୁଥିଲା l କିନ୍ତୁ ହଠାତ ଦଇବ ତା ଉପରେ ଦାଉ ସାଧିଲା l ଧୀରେ ଧୀରେ ତା ମନରେ ପରିବର୍ତ୍ତନ ଘଟିଲା ମୁଣ୍ଡ କାମ କଲାନାହିଁ l ପୁଅର ଏପରି ଲକ୍ଷଣ ଦେଖି ବାପା,ମା ଓ ପରିବାରରେ ଚିନ୍ତା ବଢିଲା l ପୁଅ ଅନ୍ତ ଘରେ ନ ରହି ପ୍ରାୟ ବାହାରେ ବୁଲିଲା l ରାସ୍ତାରେ ପଡ଼ିଥିବା ମାଟିମୁଣ୍ଡl,ପଥର,ଗେଟି,ବାଲି ଯାହାବି ମିଳିଲା ତାକୁ ହାତରେ ଧରି ଯାହାକୁ ଦେଖିଲା ତା ଉପରକୁ ଫୋପାଡିଲା l ଏପରିକି ପଶୁ,ପକ୍ଷୀ ବି ତା ପଥର ମାଡ଼ର ଶିକାର ହେଲେ l ଦିନକୁ ଦିନ ପୁଅ ଅନ୍ତର କାର୍ଯ୍ୟକଳାପ ବଡ଼ିବାରୁ ସାଧାରଣ ଲୋକେ ତାର ଭାବଢଙ୍ଗ ଦେଖି ଅତିଷ୍ଠ ଓ ଭୟଭୀତ ହୋଇ ପଡ଼ିଲେ l ଘରକୁ ଅଭିଯୋଗ ଆସିଲା l କଲବଲ କୋଶଲ କ୍ରମେ ପୁଅ ଅନ୍ତକୁ ପରିବାର ଲୋକେ ଘରେ ରଖି ଜଗିରହିଲେ l ହେଲେ ସେ ମାନିଲା ନାହିଁ l ପରିବାର ସହିତ ହୋହାଲ୍ଲା କରି ଯେନେତେନେ ପ୍ରକାରେ ଘରୁ ବାହାରି ଚାଲିଯାଏ l ତାର ମାନସିକ ରୋଗର ସୁଧାର ପାଇଁ ପରିବାର ଲୋକେ ଡାକ୍ତରଖାନା ନେଇ ଚିକିତ୍ସା କରି ଔଷଧ ଖାଇବାକୁ ଦେଲେ l ହେଲେ କୋନସି ପରିବର୍ତ୍ତନ ଆସିଲା ନାହିଁ l ଅଧିକ ଚିକିତ୍ସା ନିମନ୍ତେ ଅର୍ଥର ଆବଶ୍ୟକତା ଥିବାରୁ ପରିବାର ପାଇଁ ଚିନ୍ତା ବଢ଼ିଛି l ଫଳରେ ପୁଅର କାର୍ଯ୍ୟକଳାପରେ ଲୋକଙ୍କ ଠୁଁ ବଦନାମ ନ ଶୁଣିବାକୁ ବାଧ୍ୟ ହୋଇ ଶେଷରେ ପରିବାର ଲୋକେ ତାର ହାତ ଓ ଗୋଡ଼ରେ ଲୁହାଶିକୁଳି ପକାଇ ଘର ବାଡ଼ି ପଛପଟ ଏକ ଗଛମୂଳେ ବାନ୍ଧି ରଖିବାକୁ ପଡୁଛି ବୋଲି ଦୁଃଖଭରା କଣ୍ଠରେ ଆଖିରୁ ଲୁହ ଗଡ଼ାଇ ବାପା ମା କହନ୍ତି l ସରକାର ଯଦି ପୁଅର ଚିକିତ୍ସା ପାଇଁ ଆର୍ଥିକ ସହାୟତା ଯୋଗାଇ ଦିଅନ୍ତେ ତେବେ ମାନସିକ ଆକ୍ରାନ୍ତ ପୁଅ ଅନ୍ତ ଭଲ ହୋଇଯିବ ବୋଲି ଆଶା କରାଯାଉଛି l