01-Jul-2021

ବିନିକା (ହିମାଂଶୁ ଶେଖର ପୁଟେଲ) : କେତେବେଳେ ପ୍ରାକୃତିକ ବିପର୍ଯ୍ୟୟର ସାମନା ତ ଆଉ କେତେବେଳେ ପାଣି ସମସ୍ୟା ଏବଂ ଖରା, ବର୍ଷା ଓ ଶୀତ କୁ ସହି ହାଡ଼ଭଙ୍ଗା ପରିଶ୍ରମ କରି ବହୁ କଷ୍ଟରେ ଧାନ ଉପାର୍ଜନ କରି ଦୁନିଆ କୁ ଯୋଗାଉଥିବା ଆହାର ଚାଷୀଙ୍କ ଧାନବିକ୍ରି ସମସ୍ୟାର ସମାଧାନ ପ୍ରତି ନୀରବଦ୍ରଷ୍ଟା ଜିଲ୍ଲା ପ୍ରଶାସନ ଓ ନିଲ୍ଲଜ ରାଜ୍ୟସରକାର ଯେତେ ଦିନ ପର୍ଯ୍ୟନ୍ତ ସମାଧାନ ନ କରନ୍ତି ସେତେଦିନ ପର୍ଯ୍ୟନ୍ତ ଚାଷୀଙ୍କ ସ୍ବାର୍ଥ ପାଇଁ କଂଗ୍ରେସ ଦଳ ବିନିକା ତହସିଲ କାର୍ଯ୍ୟାଳୟକୁ ଅଚଳ କରି ଆନ୍ଦୋଳନ ଜାରି ରଖିବ ବୋଲି ପୁଣି ଆଜିଠାରୁ ବିନିକା ତହସିଲ ଦମ୍ଭୁଖରେ ବସିଥିବା ଧାରଣାରତ ଚାଷୀ ଓ କଂଗ୍ରେସ କର୍ମୀ ପ୍ରଶାସନ କୁ କଡ଼ା ଚେତାବନୀ ଦେଇ କହିଛନ୍ତି l ସୂଚନା ଯୋଗ୍ୟ ଯେ ଅଞ୍ଚଳରେ ଚାଷୀଙ୍କ ଧାନବିକ୍ରି ସମସ୍ୟା ନେଇ ଲଗାତାର ୬ଦିନଧରି ଧାରଣା,ବିନିକା ବନ୍ଦପାଳନ ତହସିଲ କାର୍ଯ୍ୟାଳୟ ଭିତରେ ଧାନବସ୍ତା ଭରି ଅଫିସକୁ ଅଚଳ ରଖିବା,ରାସ୍ତାରୋକ ଆନ୍ଦୋଳନ ଆଦି କରାଯାଇଥିବା ସତ୍ତ୍ବେ ବି ପ୍ରଶାସନ ପକ୍ଷରୁ ଅଦ୍ୟାବଧି  ଚାଷୀଙ୍କ ଧାନବିକ୍ରି ସମସ୍ୟା ସମାଧାନ ଦିଗରେ କୌଣସି ପଦକ୍ଷେପ ନିଆ ଯାଇ ନଥିବାରୁ ଦିନକୁଦିନ ପରିସ୍ଥିତି ଆହୁରି ଭୟଙ୍କର ହେବାରେ ଲାଗିଛି l ପ୍ରଶାସନ ତରଫରୁ ଦିଆଯାଇଥିବା ସମୟ ସୀମା ଅର୍ଥାତ୍ ୩୦ ଜୁନ ଚାଷୀଙ୍କ ଠୁ ଧାନ କିଣିବା ର ଶେଷଦିନ ଥିଲା l କିନ୍ତୁ ଅତ୍ୟନ୍ତ ପରିତାପର ବିଷୟ ବର୍ତ୍ତମାନ ବି ବିନିକା ତହସିଲ ଅଞ୍ଚଳର ବହୁ ଚାଷୀଙ୍କ ଧାନ ବିକ୍ରି ନ ହୋଇ ପଡିରହିଥିବା ରୁ ଚାଷୀ ଜଣ କରିବ,କିପରି ଶୁଝିବ ସାହୁକାରର ଋଣ,ଖରିଫ ଚାଷ କରି ପାରିବ କି ନାହିଁ ସେ ଚିନ୍ତାରେ ଏବେ ଚାଷୀମାନଙ୍କ ଅବସ୍ଥା ସାଙ୍ଘାତିକ ଆଡ଼କୁ ଗତି କଲାଣି l ଅନ୍ୟ ପକ୍ଷରେ ବଞ୍ଚିତ ଚାଷୀଙ୍କ ଧାନବିକ୍ରି ନ ହେବା ପର୍ଯ୍ୟନ୍ତ ଚାଷୀଙ୍କ ସ୍ବାର୍ଥ ପାଇଁ କଂଗ୍ରେସ ଦଳ ଦାବି ହାସଲ ଯାଏ ଲଢେଇ ଜାରି ରଖିବ ଏବଂ ଦରକାର ପଡ଼ିଲେ ଭୟାବହ ଆନ୍ଦୋଳନାତ୍ମକପନ୍ଥା ଅବଲମ୍ବନ କରିବ ବୋଲି ଦଳ ତରଫରୁ ନିଷ୍ପତି ନିଆଯାଇ ଆନ୍ଦୋଳନକୁ ଜୋରଦାର କରାଯିବ ବୋଲି ବ୍ଲକ କଂଗ୍ରେସ ସଭାପତି ରବିନ୍ଦ୍ର କୁମାର ହୋତା ସୂଚନା ଦେଇଛନ୍ତି l ଅନୁଷ୍ଟିତ ଏହି ଧାରଣାରେ ଜିଲ୍ଲା କିଶାନ କ୍ଷେତ ସଭାପତି ନରେନ୍ଦ୍ର ପଣ୍ଡା,ରାଜ୍ୟ ଛାତ୍ର କଂଗ୍ରେସ ସାଧାରଣ ସଂପାଦକ ଗୋବିନ୍ଦା ଝାଂକର,ବରିଷ୍ଠ କଂଗ୍ରେସ ନେତା ରାଘବ ଦାସ,ସୁଧାଂଶୁ ପଣ୍ଡା,ପ୍ରଦୀପ ସେଠୀ,ସୁମନ୍ତ ସାହୁ,ଗୋପୀନାଥ ପଣ୍ଡା, ଟିକୁ ହୋତା,ନରେନ୍ଦ୍ର ସାହୁ,ବିଜୟ ଭୋଇ,ରୁଦ୍ର ନାରାୟଣ ସାହୁ,ସପନେଶ୍ୱର ପୃଷ୍ଟି,ହରିହର ଛନ୍ଦ,ସୈାମିତ୍ରି ତରିଆ,ରାଧାମୋହନ ଭୋଇ,ଶିବ ପ୍ରସାଦ ଖମାରୀ,ମହେନ୍ଦ୍ର ଥନାପତି ପ୍ରମୁଖଙ୍କ ସମେତ ଅଞ୍ଚଳର ବିଭିନ୍ନ ସ୍ଥାନରୁ ବହୁ ଚାଷୀ ସାମିଲ ହୋଇଛନ୍ତି l