30-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) : ଆଜି ସୁବର୍ଣ୍ଣପୁର ଜ଼ିଲ୍ଲା ପ୍ରଶାସନ ପକ୍ଷରୁ ଜ଼ିଲ୍ଲାପାଳଙ୍କ ସଭା ଗୃହ ଠାରେ ଜ଼ିଲ୍ଲାପାଳ  ଶ୍ରୀମତୀ ମୋନୀଷା ବାନାର୍ଜୀଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l  ଅତିରିକ୍ତ ଜିଲ୍ଲପାଳ ଶ୍ରୀ ସୂର୍ଯ୍ୟ ନାରାୟଣ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ବୀରମହାରାଜପୁର ଉପ- ଜ଼ିଲ୍ଲାପାଳ ଶ୍ରୀ ଅଶୋକ ଭୋଇ 

ସ୍ୱାଗତ  ଅଭିଭାଷଣ ପ୍ରଦାନ କରିଥିଲେ l ପି ଡ଼ି ଡି ଆର ଡ଼ି ଏ  ଶ୍ରୀ ଡୋଳାମଣି ପଟେଲ, ଅତିରିକ୍ତ ଏସ ପି  ଉତ୍କଳ କେଶରୀ ଦାଶ,  ବିଭିନ୍ନ ବିଭାଗର ଜ଼ିଲ୍ଲା ସ୍ତରୀୟ  ଅଧିକାରୀଙ୍କ ସମେତ  ଜ଼ିଲ୍ଲାର ସମସ୍ତ  ବି ଡ଼ି ଓ, ତହସିଲଦାର, ଜ଼ିଲ୍ଲାପାଳ ଅଫିସ ର ବରିଷ୍ଠ ଅଧିକାରୀ, କର୍ମଚାରୀ ଯୋଗ ଦେଇ ଜ଼ିଲ୍ଲାପାଳ ଶ୍ରୀମତୀ  ବାନାର୍ଜୀଙ୍କ କାର୍ଯ୍ୟଶୈଳୀ ଆଗାମୀ ଦିନରେ   ଆମ ସମସ୍ତ ଙ୍କୁ ପ୍ରେରଣା ଓ ଉତ୍ସାହ ପ୍ରଦାନ କରିବ  ବୋଲି ନିଜ ନିଜ ର ମତ ରଖି  ଉଜ୍ବଳ ଭବିଷ୍ୟତ ପାଇଁ ଶୁଭକାମନା ଜଣାଇଥିଲେ l  ପ୍ରଶାସନ ପକ୍ଷରୁ ପୁଷ୍ପ ଗୁଚ୍ଛ ସହିତ ଏକ ସ୍ମୁତି ଫଳକ  ପ୍ରଦାନ କରି  ଜ଼ିଲ୍ଲାପାଳ ଶ୍ରୀମତୀ ବାନାର୍ଜୀଙ୍କୁ ସମ୍ବର୍ଦ୍ଧିତ କରିଥିଲେ l ଶେଷରେ ଜ଼ିଲ୍ଲାପାଳ ଶ୍ରୀମତୀ ବାନାର୍ଜୀ  ଆପଣ ମାନଙ୍କ ସମସ୍ତଙ୍କ ଦୃଢ ମନୋବଳ,  ସହଯୋଗ ଓ କର୍ମ ତପ୍ତରତା ଲାଗି ଜ଼ିଲ୍ଲାର ସାମୁହିକ ବିକାଶ ସମ୍ଭବ ହୋଇ ପାରିଛି ବୋଲି ମତ ରଖି ସଭାରେ ଉପସ୍ଥିତ ସମସ୍ତ ଅଧିକାରୀ, କର୍ମଚାରୀଙ୍କୁ କୃତଜ୍ଞତା ଜଣାଇ ଏକତ୍ରିତ ହୋଇ କାର୍ଯ୍ୟ କରିବାକୁ ପରାମର୍ଶ କରିଥିଲେ l  ସୋନପୁର ଉପ ଜ଼ିଲ୍ଲାପାଳ ଶ୍ରୀ ନିହାର ରଞ୍ଜନ କହଁର  

ଧନ୍ୟବାଦ ଅର୍ପଣ କରିଥିଲେ l ଆଜି ଏବେ  ନୁଆଁ ଜ଼ିଲ୍ଲାପାଳ ସ୍ଥାନୀୟ ସର୍କିଟ ହାଉସ ଠାରେ  ପହଞ୍ଚି ଥିବା ଓ  ଆସନ୍ତା କାଲି ଦିବା 10 ଘଣ୍ଟା ବେଳେ ସୁବର୍ଣ୍ଣପୁର ର ନୂତନ ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଯୋଗ ଦେବେ ବୋଲି ଆଜି ସୂଚନା ଓ ଲୋକ ସମ୍ପର୍କ ବିଭାଗରୁ ସୂଚନା ମିଳିଛି l