30-Jun-2021

ବିନିକା (ହିମାଂଶୁ ଶେଖର ପୁଟେଲ) : ଆଜି ମଧ୍ୟାହ୍ନ ସମୟରେ ବିନିକା ମହାନଦୀ ସେତୁ ଉପରୁ ପାଣିକୁ ଡେଇଁ ଆତ୍ମହତ୍ୟା କରୁଥିବା ଜଣେ ମହିଳାକୁ ବ୍ରିଜ ରାସ୍ତାରେ ଯାଉଥିବା ଡୋଳାମଣି ମେହେର ନାମକ ଜଣେ ବ୍ୟକ୍ତି ହାତ ଟାଣି ଉଦ୍ଧାର କରିଛନ୍ତି l ଖବରପାଇ ବିନିକା ପୋଲିସ ତୁରନ୍ତ ଘଟଣାସ୍ଥଳକୁ ପହଞ୍ଚି     ମହିଳାକୁ ଆଣି ସ୍ଥାନୀୟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି l ତେବେ ମହିଳାଙ୍କ ଦେହର ବିଭିନ୍ନ ସ୍ଥାନରେ ଆଘାତ ଲାଗିଥିବା ଜଣାପଡିଛି l ମିଳିଥିବା ଖବରରୁ ଜଣାଯାଏ ଯେ ମହିଳା ଜଣକ ବିନିକା ବ୍ଲକ ଅନ୍ତର୍ଗତ ସିଂହିଯୁବା ଗ୍ରାମର ଆଶାକର୍ମୀ ସସ୍ମିତା ନାଏକ l  ଘରୋଇ କଲହକୁ ସହ୍ୟ କରି ନ ପାରି ଆଜି ସକାଳେ ଘରୁ ଚାଲିଆସି ବିନିକା ମହାନଦୀ ସେତୁ ପାଚେରୀ ଉପରକୁ ଚଢି ତଳେ ଥିବା ପାଣିକୁ ଡେଇଁ

ଆତ୍ମହତ୍ୟା ପାଇଁ ପଦକ୍ଷେପ ନେଉଥିବା  ବେଳେ ସେହି ରାସ୍ତାରେ ଯିବା ଆସିବା କରୁଥିବା ଅନେକ ଲୋକ ମହିଳାଙ୍କ ଏପରି ଉଦ୍ୟମରେ ଭୟଭୀତ ହୋଇ ପଡ଼ିଥିଲେ  ହେଁ ଡୋଳାମଣି ନାମକ ଜଣେ ବ୍ୟକ୍ତି ଦୁଃସାହସିକ ସହ ପାଚେରୀ ଉପରୁ  ମହିଳାର ହାତକୁ ଟାଣି ଆଣିଥିଲେ l ମହିଳାଙ୍କ ଜୀବନ ବଞ୍ଚାଇବାରେ ଡୋଳାମଣିଙ୍କ ଉପସ୍ଥିତ ବୁଦ୍ଧିକୁ ସାଧାରଣରେ ପ୍ରଶଂସା କରାଯାଇଛି l