30-Jun-2021

କଟକ, ସାଲେପୁର:ଗତକାଲି ସାଲେପୁର ବ୍ଲକ ଅନ୍ତର୍ଗତ ଅରବିନ୍ଦପୂର୍ଣ୍ଣାଙ୍ଗ ସ୍କୁଲରେ  ଛାତ୍ରଛାତ୍ରୀ ଓ ଅଭିଭାବକ ମାନେ ଧାରଣାରେ ବସିଥିଲେ  ପିଲାମାନଙ୍କର ମାଟ୍ରିକ ପରୀକ୍ଷାରେ ରେଜଲ୍ଟ କମିବା ନେଇ ।ସ୍କୁଲ ର ସେକ୍ରେଟେରି ଓ ପ୍ରଧାନ ଆଚାଯ୍ୟ ଏହାର ସମାଧାନ କରିବାକୁ କଥା ଦେଇଥିଲେ ।କିନ୍ତୁ  କିଛି ବୁଝିନଥିଲେ ।ଏଥିରେ ଅଭିଭାବକ ଓ ଛାତ୍ର ଛାତ୍ରୀ ମାନେ ଅସନ୍ତୋଷ ପ୍ରକାଶ କରି ଆଜି ଦିନ ୧୧ସମୟରେ  ସାଲେପୁର ବଜାରର ମୁଖ୍ୟ ରାସ୍ତା ଓ ବ୍ଲକ କାଯ୍ୟାଳୟ ସମୁଖରେ ଧାରଣା ଦେଇଥିଲେ । ଏଥିରେ ପ୍ରାୟ ୩୦ ମିନିଟ୍ ଗାଡି ମଟର ଚଳାଚଳ ବାଧାପ୍ରାପ୍ତ ହୋଇଥିଲା ।ସେଠାରେ  ସାଲେପୁର ପୋଲିସ ଘଟଣାସ୍ଥଳରେ ପହଞ୍ଚି ଧାରଣାରେ ବସିଥିବା ଅଭିଭାବକ ଓ ଛାତ୍ର ଛାତ୍ରୀ ମାନଙ୍କୁ ଟଣାଓଟରା କରି ଉଠାଇଥିଲା।କିଛି ସମୟ ପାଇଁ ପୋଲିସ ଓ ଅଭିଭାବକ ,ଛାତ୍ର ଛାତ୍ରୀ ମାନଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା ।ପିଲାମାନେ କିନ୍ତୁ ନିଜ ନିଷ୍ପତ୍ତି ରେ ଅଟଳ ରହିଥିଲେ ଓ କାନ୍ଦି କାନ୍ଦି ରାଜ୍ୟ ସରକାର ଓ ଆମ ସ୍କୁଲ କାହିଁକି ଆମ ଭବିଷ୍ୟତ ସହିତ ଖେଳ ଖେଳୁଛି ଏ ଅଧିକାର ତାଙ୍କୁ ଦେଲା କିଏ ? ଏତେ କମ  ରେଜଲ୍ଟ   ରେ ଆମେ   କେଉଁ କଲେଜରେ ନାମ ଲେଖାଇବୁ ।ଏହା ଆମ ପ୍ରତି ଅନ୍ୟାୟ କରୁଛନ୍ତି ସରକାର ଓ ସ୍କୁଲ ।୨୨ଟି ଓ ୨୩ ଟି ସ୍କୁଲର ରେଜଲ୍ଟ ବଢିଥିଲା  ବେଳେ ଆମର କଣପାଇଁ କମିଲା ବୋଲି ଅନୂରୁପ ଅ ଭିଯୋଗ କରିଛନ୍ତି ।ଯଦି ଆଗକୁ ଏହାର ସରକାର ଓ ସ୍କୁଲ କର୍ତ୍ତୃପକ୍ଷ କିଛି ସମାଧାନ ନ କରନ୍ତି ତେବେ ଏହି ଆନ୍ଦୋଳନ ଆଗକୁ ଆହୁରି ତୀବ୍ର ହେବ ବୋଲି କହିଛନ୍ତି ଛାତ୍ରଛାତ୍ରୀ ଓ ଅଭିଭାବକ ମାନେ । (ଦୀପକ କୁମାର ଷଡଙ୍ଗୀଙ୍କ ରିପୋର୍ଟ)