29-Jun-2021

ପାଟଣାଗଡ଼,(ପ୍ରେରଣା ଖବର)-  ପାଟଣାଗଡରୁ ପ୍ରକାଶିତ  ପାକ୍ଷିକ ପତ୍ରିକା ‘ଜନତାର ସ୍ୱର’ ପକ୍ଷରୁ ଏକ ନୂତନ ୱେବ୍ ନ୍ୟୁଜ୍ ପୋର୍ଟାଲ(www janataraswralive. com) ଉଦ୍‌ଘାଟିତ ହୋଇଯାଇଛି । ଏହି ଅବସରରେ ସ୍ଥାନୀୟ ମାରୱାଡି ଧର୍ମଶାଳା ଠାରେ ଅନୁଷ୍ଠିତ ଏକ ସଭାରେ ମୁଖ୍ୟ ଅତିଥି ଭାବରେ ପାଟଣାଗଡ଼ ବିଧାୟକ ସରୋଜ ମେହେର ଯୋଗ ଦେଇ ଏହି ନୂତନ ନ୍ୟୁଜ୍ ପୋର୍ଟାଲକୁ ଉଦ୍‌ଘାଟନ କରିଥିଲେ । ପାଟଣାଗଡ ନିର୍ବାଚନ ମଣ୍ଡଳୀକୁ ଉନ୍ନତି ପଥରେ ଆଗେଇ ନେବା ପାଇଁ ସମାଜର ସବୁ ସ୍ତରର ଲୋକେ ଆଗକୁ ଆସିବାକୁ ପଡିବ ଏ ଏଥି ପାଇଁ ସମସ୍ତଙ୍କ ସହଯୋଗ ଆବଶ୍ୟକ । ଏହି ଅଞ୍ଚଳର ବିଭିନ୍ନ ସମସ୍ୟା ଓ ଏହାର ସମାଧାନ ଦିଗରେ ଗଣମାଧ୍ୟମ ପ୍ରତିନିଧି ମାନେ ନିଷ୍ଠାର ସହ କାର୍ଯ୍ୟ କରିବାକୁ ଶ୍ରୀ ମେହେର ପରମାର୍ଶ ଦେଇଥିଲେ । ବରିଷ୍ଠ ସାମ୍ବାଦିକ ଲକ୍ଷ୍ମୀକାନ୍ତ ମିଶ୍ରଙ୍କ ସଂଯୋଜନାରେ ଅନୁଷ୍ଠିତ ଏହି ସଭାରେ ମୁଖ୍ୟ ବକ୍ତା ଭାବରେ ପାଟଣାଗଡ଼ ଏସ୍‌ଡିପିଓ ଜ୍ୟୋତିର୍ମୟ ଭୁକ୍ତା ଓ ସମ୍ମାନିତ ଅତିଥି ଭାବରେ ଦର୍ପଗଂଜନ ପଟ୍ଟନାୟକ ମଂଚାସୀନ ରହି ଏହି ନ୍ୟୁଜ୍ ପୋର୍ଟାଲର ଉନ୍ନତି କାମନା କରିଥିଲେ । ଜନତାର ସ୍ୱର ତଥା ନୂତନ ୱେବ୍ ନ୍ୟୁଜ୍

ପୋର୍ଟାଲ ର ସଂପାଦକ ରାଜେଶ କୁମାର ଚାନ୍ଦ ସଭାର ଉଦ୍ଦେଶ୍ୟ ଜ୍ଞାପନ କରିବା ସହ ଏହି ୱେବ୍ ନ୍ୟୁଜ୍ ପୋର୍ଟାଲ ର ପ୍ରଚାର ପ୍ରସାର ପାଇଁ ସମସ୍ତଙ୍କ ସହଯୋଗ କାମନା କରିଥିଲେ । ଏହି ସଭାରେ ପାଟଣାଗଡ଼ ସହରର ବହୁ ସାମ୍ବାଦିକ, ସଚେତନ ନାଗରିକ ଜନତାର ସ୍ୱର ପରିବାରର ସଦସ୍ୟ ମାନେ ଯୋଗ ଦେଇଥିଲେ ।