26-Jun-2021

କେନ୍ଦ୍ରପଡା (ପ୍ରେରଣା ଖବର ବ୍ୟୁରୋ) :କେନ୍ଦ୍ରାପଡ଼ା ଜିଲ୍ଲା ଜମ୍ବୁ ସାମୁଦ୍ରିକ ଥାନା ଅଧୀନସ୍ଥ ଜମ୍ବୁ ପଞ୍ଚାୟତର କଣ୍ଡରାପାଟିଆ ଓ ଉତ୍ତର ଜମ୍ବୁ ମଝି ନିଛାଟିଆ ରାସ୍ତାରେ ଶୁକ୍ରବାର ବିଳମ୍ବିତ ରାତ୍ରୀରେ ଦୁର୍ବୃତ୍ତ ମାନେ ଜଣେ ଅଚିହ୍ନା ମହିଳାଙ୍କ ଗଳା କାଟି ହତ୍ୟାକରି ଫିଙ୍ଗି ଦେଇଥିଲେ । ଏପରିକି ମା କୁ ଅମାନୁଷିକ ଭାବେ ମାରିବା ପରେ ଦୁଇ ବର୍ଷର ଶିଶୁ ପୁତ୍ରକୁ ପାଖରେ ଥିବା ବିଦ୍ୟୁତ୍ ଖୁଣ୍ଟରେ ଛେଚି ମୂମୂର୍ଷ ଅବସ୍ଥାରେ ଛାଡ଼ି ଚାଲି ଯାଇଥିଲେ । ସକାଳୁ ଲୋକ ମାନେ ବିଭିନ୍ନ କାମ ପାଇ ଯିବ ଆସିବା କରିବା ସମୟରେ ରକ୍ତାକ୍ତ ଅବସ୍ଥାରେ ମୃତ ମହିଳାଙ୍କୁ ଦେଖିବା ସହିତ କିଛି ଦୂରରେ ଗୁରୁତର ଶିଶୁପୁତ୍ର କୁ ଦେଖି ସନ୍ଦେହ ଘନେଉଇଥିଲା । ଏନେଇ ଜମ୍ବୁ ପଞ୍ଚାୟତର ସରପଞ୍ଚ ପଞ୍ଚମୀ ମଣ୍ଡଳ ଙ୍କୁ ଓ ଜମ୍ବୁ ଥାନାକୁ ଖବର ଦିଆଯାଇଥିଲା । ସେପଟେ ଗ୍ରାମବାସୀ ମାନେ ମୁମୂର୍ଷ ଶିଶୁପୁତ୍ରକୁ ଉଦ୍ଧାର କରି 108 ଆମ୍ବୁଲାନ୍ସ ଯୋଗେ ବାବର୍ ମେଡିକାଲ୍ କୁ ନେଇଥିଲେ ଓ ପରେ ପରେ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ଖବର ପାଇ ଜମ୍ବୁ ଥାନା ଅଧିକାରୀ ମହେଶ୍ୱର ସେଠୀ ଘଟଣା ସ୍ଥଳରେ ପହଞ୍ଚି ପାରିପାର୍ଶିକ ସ୍ଥିତିକୁ ପରଖି ସନ୍ଧାନ ଜାରି ରଖିଥିବାବେଳେ ଶାସନପେଟା ଥାନା ଅଧିକାରୀ ଜ୍ୟୋତିପ୍ରକାଶ ସ୍ୱାଇଁ ସହଯୋଗୀ ଭାବେ ଉପସ୍ଥିତ ଥାଇ ତଦନ୍ତ ଜାରି ରଖିଛନ୍ତି । ଅନ୍ୟପଟେ କେନ୍ଦ୍ରାପଡ଼ା SDPO ରାଜୀବ ଲୋଚନ ପଣ୍ଡା କଣ୍ଡରାପାଟିଆ ଠାରେ ପହଞ୍ଚି ବିଚ୍ ରାସ୍ତାରେ ମହିଳାଙ୍କର ମୃତ ଘଟଣାର ତଦନ୍ତ କୁ ଆହୁରି କଡାକଡି କରୁଥିବା ବେଳେ ମୃତ ମହିଳା ଓ ଦୁଇ ବର୍ଷ ଶିଶୁ ପୁତ୍ରର ପରିଚୟ ମିଳିପାରିନାହିଁ । ଏହି ଘଟଣାକୁ ନେଇ ସାରା ମହାକାଳପଡା ରେ ଦୁଃଖର ବାତାବରଣ ଖେଳି ଯାଇଛି ।