26-Jun-2021

କଣ୍ଟାବାଞ୍ଜି (ଆନନ୍ଦ କୁମାର ମୋଟେ) କରୋନା ଯୋଗୁଁ ସପ୍ତାହନ୍ତ ତାଲାବନ୍ଦୀରେ ହରିଶଙ୍କର ସମ୍ପୂର୍ଣ୍ଣ ଭାବେ ବନ୍ଦ ରହିଛି।ଏହି ଅବସରରେ ସେଠାରେ ଥିବା ଆଶ୍ରିତ ପଶୁପକ୍ଷୀ ପ୍ରାୟତଃ ମାଙ୍କଡମାନେ ଖାଇବାକୁ ନପାଇ ଭୋକଉପାସରେ ପଡିରହିଛନ୍ତି।ମନ୍ଦିର ବନ୍ଦ ଯୋଗୁଁ ଦର୍ଶକ ମଧ୍ୟ ଆସୁନାହାନ୍ତି ଯାହା ଫଳରେ ମାଙ୍କଡମାନେ ଖାଇବାକୁ ପାଉନାହାନ୍ତି।

ସେମାନଙ୍କୁ ଖାଦ୍ୟ ଯୋଗାଇ ଦେବାକୁ ପ୍ରକୃତିବନ୍ଧୁ ତଥା ବିରଞ୍ଚି ନାରାୟଣ ଦାଶ ଚେଷ୍ଟା ଜାରି ରଖିଛନ୍ତି।ପୂର୍ବରୁ ତିନିଥର ଖାଦ୍ୟ ଦେବାପରେ ଆଜି ଚତୁର୍ଥ ଥର ଖାଦ୍ୟ ନେଇ ଖାଇବାକୁ ଦେଇଥିଲେ।ଆଜିର ଖାଦ୍ୟ ପାଇଁ କଣ୍ଟାବାଞ୍ଜିର ବ୍ୟବସାୟୀ କିଶୋର ଡାଲମିଆ ତାଙ୍କ ପୁତ୍ର ପିୟୂଷ ଡାଲମିଆଙ୍କ ଜନ୍ମଦିନ ଅବସରରେ ଆର୍ଥିକ ସାହାଯ୍ୟ କରିଥିଲେ।ଏହି କାର୍ଯ୍ୟକ୍ରମରେ ସମାଜସେବୀ ଆଶିଷ ଜୈନ ସହଯୋଗ କରିଥିଲେ।ଶ୍ରୀ ଦାଶ ହରିଶଙ୍କରକୁ ଆସି ଆଶ୍ରିତ ପଶୁପକ୍ଷୀମାନଙ୍କୁ ଖାଦ୍ୟ ଯୋଗେଇଦେବାକୁ ଜନସାଧାରଣଙ୍କୁ ସୋସିଆଲ ମିଡିଆରେ ଅନୁରୋଧ କରିଥିଲେ।