22-Jun-2021

 ସୋନପୁର(ମନୋରଞ୍ଜନ ତ୍ରିପାଠୀ) : ବିଗତ ବର୍ଷରୁ ତଥା କୋଭିଡ଼ ଭଳି ସଙ୍କଟ ବେଳେ  ପିତାମାତା ଉଭୟଙ୍କୁ ହରାଇଥିବା ଅନାଥ ଶିଶୁଙ୍କ ଥଇଥାନ ପାଇଁ କାଲି ବଡ଼ ଘୋଷଣା କରିଛନ୍ତି ରାଜ୍ୟ ସରକାର ତଥା ରାଜ୍ୟ ପ୍ରଶାସନ l ଉଭୟଙ୍କୁ ହରାଇଥିବା ଅନାଥ ଶିଶୁଙ୍କ ଲାଳନ ପାଳନ ଓ ପାଠ ପଢା ପାଇଁ କେୟାର ଟେକରଙ୍କ ଏକାଉଣ୍ଟ ରେ ମାସିକ    ୨୫୦୦ ଟଙ୍କା  ଜମା କରାଯିବାକୁ  ନିଷ୍ପତ୍ତି ହୋଇଥିବା ବେଳେ ପିତା କିମ୍ବା ମାତା ଜଣଙ୍କୁ ହରାଇଥିବା ଅନାଥ ଶିଶୁଙ୍କୁ ମିଳିବ ୧୫୦୦  ଟଙ୍କା l ପିଲାଙ୍କ ଶିକ୍ଷା, ଭରଣ ପୋଷଣ ଓ ଯତ୍ନ ପାଇଁ  18 ବର୍ଷ ଯାଏ ଏଇ ସହାୟତା ରାଶି କେୟାର ଟେକରଙ୍କ  ଆକାଉଣ୍ଟ ରେ ପ୍ରତି ମାସ  ଜମା କରିବ ଜ଼ିଲ୍ଲା ପ୍ରଶାସନ l ଏହା ବ୍ୟତୀତ  ରାଜ୍ୟ ସରକାରଙ୍କ ସ୍ୱାସ୍ଥ୍ୟ  ବୀମା ଯୋଜନା  ଓ  ଖାଦ୍ୟ ସୁରକ୍ଷା  ଯୋଜନାରେ ଶିଶୁ କୁ  ଅନ୍ତର୍ଭୁକ୍ତ କରାଯାଇ କେନ୍ଦ୍ରୀୟ ବିଦ୍ୟାଳୟ  କିମ୍ବା ଆଦର୍ଶ ବିଦ୍ୟାଳୟରେ ଶିଶୁ ପଢିବାକୁ ଚାହିଁଲେ ଜ଼ିଲ୍ଲା ପ୍ରଶାସନ ପକ୍ଷରୁ ମାଗଣାରେ ଶିକ୍ଷା ଲାଭ ପାଇଁ ତାକୁ ପ୍ରଥମେ  ଅଗ୍ରାଧିକାର ଦିଆଯିବ  ଏବଂ  କେୟାର ଟେକରଙ୍କୁ ମଧ୍ୟ ପ୍ରଶାସନ ପକ୍ଷରୁ ସମସ୍ତ ସରକାରୀ ସୁବିଧା ଯୋଗାଇ ଦିଆଯିବାକୁ ଓ ଏଭଳି  ଅସମୟରେ ପିତା ମାତାଙ୍କୁ ହରାଇଥିବା ଜଣେ ବି ଅନାଥ ଶିଶୁ ଯେମିତି "ଆଶୀର୍ବାଦ ଯୋଜନା ରୁ ବାଦ" ନ ପଡିବେ ସେଥିପ୍ରତି ଧ୍ୟାନ ଦେବା ସହ ତତ୍ପରତା ପ୍ରକାଶ କରିବାକୁ ମୁଖ୍ୟମନ୍ତ୍ରୀ ଜିଲ୍ଲାପାଳ 

ମାନଙ୍କୁ କଡା ନିର୍ଦ୍ଦେଶ କରିଛନ୍ତି l ମୁଖ୍ୟମନ୍ତ୍ରୀଙ୍କ ଏଇ ଆଶୀର୍ବାଦ ଯୋଜନା ଭଳି ଏକ ଐତିହାସିକ ପଦକ୍ଷେପକୁ  ଓ  ତାଙ୍କ ମହାନତାକୁ ଓଡିଶା ସାମ୍ବାଦିକ ସଂଘ, ସୁବର୍ଣ୍ଣପୁର ଶାଖା ସମେତ ଜ଼ିଲ୍ଲାର ବରିଷ୍ଠ ନାଗରିକ, ବୁଦ୍ଧିଜୀବୀ ତଥା ସବୁ ମହଲରେ ଭୂୟସୀ ପ୍ରଶଂସା କରି କୃତଜ୍ଞତା ଜଣାଇଛନ୍ତି  l  କୋଭିଡ ରେ ପିତାଙ୍କୁ ହରାଇଥିବା  ସୁବର୍ଣ୍ଣପୁରର ଏଇ କୁନି ଅନାଥ ବାଳିକାଙ୍କ ଭଳି ରାଜ୍ୟର ଶହ ଶହ ଅନାଥ ପିଲା ଏହି ଯୋଜନାରେ ଉପକୃତ ହେବେ ବୋଲି କହିଛନ୍ତି l