22-Jun-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ଜଙ୍ଗଲକୁ ଗାଇ ଚରାଇବାକୁ ଯାଇଥିଲେ । ଏକ ବିଷଧର ସାପ ଗୋଡରେ  କାମୁଡି ଦେଲା । ଗ୍ରାମଂଚଳଠୁ ଅରମ୍ଭ କରି ଦାକ୍ତରଖାନାରେ ମଧ୍ୟ ଚିକିତ୍ସା କଲେ ହେଲେ ଗୋଡ ଭଲ ହେଲା ନାହିଁ । ଗୋଡକୁ ଭଲ କରିବାକୁ ହେଲେ ଅର୍ଥର ଆବଶ୍ୟକତା ରହିଛି । ହେଲେ ଅର୍ଥ ଅଭାବରୁ ଚିକିତ୍ସା ହୋଇନପାରି ଗୋଡର ଘାତ ବଢିବାରେ ଲାଗିଥିବାରୁ ଠିକ ଭାବରେ ଚାଲିପାରୁ ନାହାନ୍ତି । ଏଭଲି  ଏକ ଘଟଣା ଦେଖିବାକୁ ମିଲିଛି ଉଲୁଣ୍ଡା ବ୍ଲକ ଜଉଁରାଭଉଁରା ପଂଚାୟତର କୃଷ୍ଣପୁର ଗାଁରେ । ଏହି ଗାଁରେ ବସବାସ କରନ୍ତି ସତ କୁମାର ବାରିକ । ବାପା ମାଁ ଆରପାରିକୁ ଚାଲି ଗଲା ପରେ ସେ ଅଶହାୟ ଅବସ୍ଥାରେ ରହୁଛନ୍ତି । ଦୁଇ ବର୍ଷ ପୁର୍ବରୁ ସତ ଜଙ୍ଗଲକୁ ଗାଇ ଚରାଇବାକୁ ଯାଇଥିଲେ । ସେଠାରେ  ତାଙ୍କ ଗୋଡରେ ଏକ ବିଷଧର ସାପ କାମୁଡି ଦେଇଥିଲା । ଗ୍ରାମଂଚଲରେ   ଚିକିତ୍ସା କଲାପରେ ଭଲ ହେବା ବଦଳରେ ଆହୁରି ଗୋଡରେ ଘା ପଚି ଯାଇଥିଲା । ପରେ ସେ ବୁର୍ଲା ଦାକ୍ତରଖାନାକୁ ଯାଇ ଚିକିତ୍ସା କରାଇଥିଲେ ମଧ୍ୟ ଠିକ ହୋଇନଥିଲା । ଘରେ ଯାହା ଥିଲା ଖର୍ଚ କରି ଦେଇଥିବା ବେଳେ ଘୋଡ ଭଲ ହେବା ପାଇଁ ଆହୁରୀ ଅର୍ଥର ଆବଶ୍ୟକତା ରହିଛି । ହେଲେ ଆର୍ଥୀକ ଅନଟନ ଯୋଗୁଁ
 ଚିକିତ୍ସା ହୋଇନପାରି ଗୋଡର ଘା ପଚି ଯାଇ ଘାତକ ସୃଷ୍ଟି ହୋଇ ଗଲାଣି । ଫଳରେ ସେ ଏକ ଆଶା ବାଡି ସାହାରାରେ ଚାଲୁଛନ୍ତି । ଦିନକୁ ଦିନ ତାଙ୍କ ଅବସ୍ଥା ଗୁରୁତର ହେବାକୁ ଲାଗିଥିବା ବେଳେ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ପରିବାରରେ କେହି ନଥିବାରୁ  ଘରେ ରୋଷେଇ କରି ଖାଇବାକୁ ବାଧ୍ୟ ହେଉଛନ୍ତି । କ୍ରମଶଃ ଘା ବଢି ଯାଉଥିବା ବେଲେ ମାନିସିକ ଚିନ୍ତା ଲାଗି ରହିଛି । ଯଥାଶୀଘ୍ର ଉପଯୁକ୍ତ ଚିକିତ୍ସା ନକଲେ ଭବିଶ୍ୟତ ଅନ୍ଧାରକୁ ଠେଲି ହୋଇଜିବା ଆଶଙ୍କା କରାଯାଉଛି । ସ୍ୱାସ୍ଥ୍ୟ ବିଭାଗ ଏଥି ପ୍ରତି ତୁରନ୍ତ ଦୃଷ୍ଟି ଦେଇ ଚିକିତ୍ସା ପାଇଁ ସହାୟତା ଯୋଗାଇ ଦେବାକୁ ଦାବି ହେଉଛି ।