22-Jun-2021

ବଲାଙ୍ଗିର (ପ୍ରେରଣା ଖବର) : ଓଡିଶାର ଜନପ୍ରୀୟ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ରାଜ୍ଯରେ ଆରମ୍ଭ ହୋଇଥିବା ଆଶିର୍ବାଦ ଯୋଜନା ଏକ ସମୟୋଚିତ ପଦକ୍ଷେପ ବୋଲି ବଲାଙ୍ଗିର ର ପୁର୍ବତନ ସାଂସଦ ତଥା ରାଜ୍ଯ ବିଜୁ ଜନତା ଦଳର ବରିଷ୍ଠ ସମ୍ପାଦକ  କଳିକେଶ ନାରାୟଣ ସିଂହଦେଓ ମନ୍ଓବ୍ଯ ଦେଇଛନ୍ତି । ୨୦୨୦ ଏପ୍ରିଲ ୧ ପରେ ଅନାଥ ହୋଇଥିବା ଶିଶୁଙ୍କୁ ଏହି ସୁବିଧା ମିଳିବ । ମୁଖ୍ଯତଃ କରୋନା ସମୟରେ ବାପା ମାଆଙ୍କୁ ହରାଇଥିବା ଶିଶୁ ପାଇଁ ପରିବାର ମୁଖ୍ଯ ଉପାର୍ଜନକାରୀଙ୍କୁ ହରାଇଥିବା ଶିଶୁ ମଧ୍ଯ ଏହି ଯୋଜନାରେ ଉପକୃତ ହେବେ । ଏହି ଯୋଜନାରେ ମାସିକ ୨୫ ଶହ ଟଙ୍କା ମିଳିବ । କେବଳ ମୁଖ୍ଯ ଉପାର୍ଜନକାରୀ ବାପା କିମ୍ବା ମାଆ ଙ୍କୁ ହରାଇଥିଲେ ୧୫୦୦ ଟଙ୍କା ମିଳିବ । ଏହାଛଡା ଏହି ଯୋଜନାର ବ୍ୟବସ୍ଥା ଅନୁଯାୟୀ ପିଲାମାନେ ସେମାନଙ୍କ ପିତାମାତାଙ୍କ ମୃତ୍ୟୁ ପୂର୍ବରୁ ଯେଉଁ ବିଦ୍ୟାଳୟରେ ପଢୁଥିଲେ ସେହି ବିଦ୍ୟାଳୟରେ ମଧ୍ୟ ପାଠପଢି ପାରିବେ । ତଥାପି, ଜଣେ ଶିଶୁର ଦାୟିତ୍ୱ ଗ୍ରହଣ କରିଥିବା ସମ୍ପର୍କୀୟ ଅନ୍ୟ କୌଣସି ସ୍ଥାନରେ ରୁହନ୍ତି, ସେହି ସ୍ଥାନରେ ବିଦ୍ୟାଳୟର ବ୍ୟବସ୍ଥା କରାଯିବ | ଆବଶ୍ୟକ ସ୍ଥଳେ ସରକାର ଆଦର୍ଶ ବିଦ୍ୟାଳୟ କିମ୍ବା କେନ୍ଦ୍ରୀୟ ବିଦ୍ୟାଳୟରେ ପିଲାମାନଙ୍କର ଆଡମିଶନରେ ସହାୟତା କରିବେ। ଜାତୀୟ ବା ରାଜ୍ଯଖାଦ୍ୟ ସୁରକ୍ଷା ଯୋଜନା , ବିଜୁ ସ୍ବାସ୍ଥ୍ଯ କଲ୍ଯାଣ ଯୋଜନା ତଥା ଉଚ୍ଚଶିକ୍ଷା ପାଇଁ ରାଜ୍ଯ ସରକାରଙ୍କ " ଗ୍ରୀନ ପ୍ଯାସେଜ " ଯୋଜନାରୁ ପାଇବେ ସୁବିଧା ।  ଏହି ଯୋଜନାରେ ଶିଶୁ କୁ ୧୮ ବର୍ଷ ହେବା ପର୍ଯ୍ଯନ୍ତ " ଆଶିର୍ବାଦ " ଯୋଜନାରେ ଅର୍ଥ ମିଳିବ ବୋଲି ସେ ସୁଚନା ଦେବା ସହ ବଲାଙ୍ଗିର ଓ ସୁବର୍ଣ୍ଣପୁର ଜିଲ୍ଲାର ଜନସାଧାରଣ ଏହି ଯୋଜନାର ଫାଇଦା ଉଠାଇବା ପାଇଁ ଅନୁରୋଧ କରିଛନ୍ତି । ମୁଖ୍ଯମନ୍ତ୍ରୀଙ୍କ ଏହି ହୃଦୟସ୍ପର୍ଷୀ ଅଭିନବ ପଦକ୍ଷେପକୁ କଳିକେଶ ଏକ ପ୍ରେସ ବିବୃତ୍ତିରେ ସ୍ବାଗତ ଜଣାଇବା ସହ କୃତଜ୍ଞତା ଜଣାଇଛନ୍ତି ।