21-Jun-2021

କଣ୍ଟାବାଞ୍ଜି,( ଆନନ୍ଦ କୁମାର ମୋଟେ): ରାଜ୍ୟରେ କ୍ୟାମ୍ପେନ ମୋଡରେ ଆରମ୍ଭ ହୋଇଯାଇଛି କୋଭିଡ-୧୯  ଟିକା କରଣ ପ୍ରକ୍ରିୟା । ୧୮ ରୁ ୪୪ ବର୍ଷ ବୟସ୍କ ମାନଙ୍କୁ ଟିକା ଦେବାର କାର୍ଯକ୍ରମ ଆରମ୍ଭ ହୋଇଯାଇଛି । ରବିବାର ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଏନେଇ ଟୁଇଟ ଜରିଆରେ ସୁଚନା ଦେଇଥିଲେ । ଏହି ପରିପେକ୍ଷିରେ ସୋମବାର କଣ୍ଟାବାଞ୍ଜି ସହର ତଥା ବିଭିନ୍ନ ବ୍ଲକରେ ଟିକା କରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କଣ୍ଟାବାଞ୍ଜି ଏନଏସି ପକ୍ଷରୁ ସହରର ୩ ଟି ସ୍ଥାନକୁ ଟିକାକରଣ କେନ୍ଦ୍ର ଭାବେ ଚିହ୍ନଟ କରାଯାଇଛି । ସ୍ଥାନିୟ ହେମାଲ ଭବନ, ଲାୟନ୍ସ ପବ୍ଲିକ ସ୍କୁଲ ଏବଂ ମହିଲା ମହାବିଦ୍ୟାଳୟ । ତେବେ ଟିକା କରଣର ପ୍ରଥମ ଦିନରେ କୌଣସି ଯାନ୍ତ୍ରିକ ତ୍ରୃଟି ଯୋଗୁ କେବଳ ହେମାଲ ଭବନ ଠାରେ ଟିକା କରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଟିକା ନେବାକୁ ଯୁବ ପିଢି ମାନଙ୍କରେ ଉତ୍ସାହ ଦେଖିବାକୁ ମିଲିଥିଲା । ଗୋଟିେ ଟିକା କେନ୍ଦ୍ରରେ ଟିକା ଦେଉଥିବା ଯୋଗୁ ଭିଡ ମଧ୍ୟ ପରିଲକ୍ଷିତ ହୋଇଥିଲା । କଣ୍ଟାବାଞ୍ଜି ଏନଏସି କାର୍ଯ୍ୟନିର୍ବାହୀ ଅଧିକାରି ସମ୍ମି ଜୟଶ୍ରୀ ରେଡ୍ଡି ଖୋଦ ଟିକା କରଣ କେନ୍ଦ୍ରରେ ଉପସ୍ଥିତ ରହି ସୁବିଧା ଅସୁବିଧାର ତଦାରକ କରୁଥିଲେ । ଅପରାହ୍ନ ୨ ଟା ସମୟରେ ଯାଏ ୧୮୨ ଜଣ ଟିକା ନେଇଥିବା ଏନଏସି ନୋଡାଲ ଅଫିସର ଚନ୍ଦ୍ରଶେଖର ଭୋଇ ସୁଚନା ଦେଇଛନ୍ତି