16-Jun-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗୀର ଜିଲ୍ଲାରେ କିଛିଦିନ ହେଲା ମୋଟରସାଇକେଲ ଚୋରି ଲାଗିରହିଥିଲା। ଏହି ଚୋର ମାନଙ୍କ ଟେର ପାଇ ପାରୁନଥିଲା ପୋଲିସ। ତେବେ ବହୁ ଦିନ ପରେ ବାଇକ ଚୋର ମାନଙ୍କୁ କାବୁ କରିବାରେ ବଲାଙ୍ଗିର ପୋଲିସ ସଫଳ ହୋଇଛି l ଆଜି ୫ ଜଣ ମୁଦାଲାଙ୍କୁ କୋର୍ଟ ଚାଲାଣ କରିଛି ବଲାଙ୍ଗିର ପୋଲିସ।         ସୂଚନା ଅନୁଯାୟୀ ତା ୨୮.୦୫.୨୦୨୧ ଦିନ ଗଜବାହାଲ୍ ଗ୍ରାମର ପୁର୍ଣ୍ଣଚନ୍ଦ୍ର ପଣ୍ଡା  ଭୀମଭୋଇ ମେଡିକାଲ ହସ୍ପିଟାଲକୁ ଚିକିତ୍ସା ପାଇଁ ଆସିଥିଲେ। ନିଜର ପେସନ ପ୍ରୋ ଗାଡି (ନଂ ଓଡି ୦୩ଡି ୩୪୫୩) କୁ ପାର୍କିଂ କରି ଓପିଡି କୁ ଚିକିତ୍ସା ପାଇଁ ଯାଇଥିଲେ। ସେ ଫେରିଲା ପରେ ପାର୍କିଂ ସ୍ଥାନରେ ତାଙ୍କ ଗାଡି ନଥିବାରୁ ଆଖପାଖ ଅଞ୍ଚଳରେ ଖୋଜାଖୋଜି କରିଥିଲେ ହେଲେ ପାଇନଥିଲେ। ତା ୦୧.୦୬.୨୦୨୧ ରେ ଟାଉନ ଥାନାରେ ରେ ଏଫ୍ଆଇଆର ଦେଇଥିଲେ। ତାଙ୍କ ରିପୋର୍ଟ ପଞ୍ଜିକୃତ କରି ପୋଲିସ ପକ୍ଷରୁ ଅନୁସନ୍ଧାନ କରାଯାଇଥିଲା।     ବଲାଙ୍ଗୀର ଏସ୍.ପି ନିତିନ କୁସଲକରଙ୍କ ନିର୍ଦ୍ଦେଶରେ ସଦର ଏସଡିପିଓ ତୋଫାନ ବାଗ, ଟାଉନ ଥାନା ଆଇଆଇସି କେ.ପ୍ରିୟଙ୍କା ରାଉତ ରାୟ  ଏବଂ ତୁଷୁରା ଆଇଆଇସି ବି.ରୁଦ୍ରିଆ, ଆଇଆଇସି ତୁଳସୀ, ଏସ୍ ଆଇ ବି.କେ ବେହେରା,ଏସ୍ ଆଇ ଏ. ନାଆ, ଏସ୍ ଆଇ ପି ଓରାମ , ଏସ୍ ଆଇ  କେ. ଖୈସଲା, ଏସ୍ ଆଇ ଏସ୍. ଶ୍ରୀ ଛତ୍ରୀୟାଙ୍କ ନେତୃତ୍ୱରେ ଏକ ଦଳ ଗଠନ କରାଯାଇଥିଲା | ଏକାଧିକ ସ୍ଥାନରେ ଚଢାଉ କରି ବାଇକ ଚୋରୀ ଘଟଣାରେ ସମ୍ପୃକ୍ତ ୫ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ୨୨ ଟି ମଟର ସାଇକେଲ ଓ ୨ ଟି ପିକ୍ଅଫ୍ ଭାନ୍ ଜବତ କରାଯାଇଥିବା ସୂଚନା ଦେଇଛି ।