14-Jun-2021

କଳାହାଣ୍ଡି,ଧର୍ମଗଡ଼ (ଜ୍ୟୋତିରଞ୍ଜନ ବେମାଲ): ସୁଧୁରୁନି ମଣ୍ଡି ବ୍ୟବସ୍ଥା, ଖରିପ ପରେ ରବି ଋତୁରେ ବି ପିଛା ଛାଡୁନି ଚାଷୀଙ୍କ ସମସ୍ୟା, ଏବେବି ଖୋଲା ଆକାଶ ତଳେ ପଡି ରହିଛି ଜିଲ୍ଲାର ବିଭିନ୍ନ ମଣ୍ଡିରେ ହଜାର ହଜାର କୁଇଣ୍ଟାଲ୍ ଧାନ  l କିଛି ଦିନ ଧରି ଲାଗି ରହିଥିବା ଲଘୁଚାପ ଜନିତ ବର୍ଷା ଯୋଗୁଁ ଧାନ ଗଜା ହେବା ଦେଖାଦେଇଛି l ଦୀର୍ଘ ଦିନ ଧରି ମଣ୍ଡି ରେ ଧାନ ପଡି ରହୁଥିବା ଯୋଗୁଁ ନିର୍ଦ୍ଧାରିତ ସମୟରେ ଧାନ ଉଠି ପାରୁନି ଫଳରେ ଚାଷୀଙ୍କ ଟୋକନ ଲେପସ ହେବାର ଲାଗିଛି l ଧାନ କ୍ରୟ ସଂସ୍ଥା ଓ ମିଲର୍ସଙ୍କ ମନୋମୁଖୀ କାର୍ଯ୍ଯ ଯୋଗୁଁ ଚାଷୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି l ମଣ୍ଡି ମାନଙ୍କରେ ଦେଖାଦେଇଥିବା ବିଭିନ୍ନ ସମସ୍ୟାର ସମାଧାନ,   ଶୀଘ୍ର ଧର୍ମଗଡ଼ ଉପଖଣ୍ଡର ବିଭିନ୍ନ ମଣ୍ଡିରେ ପଡି ରହିଥିବା ସମସ୍ତ ଚାଷୀଙ୍କ ଧାନ ଉଠାଇବାକୁ ଆଜି ଜିଲ୍ଲା କଂଗ୍ରେସ ପକ୍ଷରୁ ଉପଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏଗାର ଦଫା  ସମ୍ବଳିତ ଏକ ଦାବି ପତ୍ର ପ୍ରଦାନ କରାଯାଇଛି ।