13-Jun-2021

ଭୁବନେଶ୍ବର (ପ୍ରେରଣା ଖବର):  ଜୁନ ଶେଷ ସୁଦ୍ଧା ମାଟ୍ରିକ ଫଳ ପ୍ରକାଶ କରିବାକୁ ପ୍ରୟାସ ଚାଲିଛି ଓ ମାଟ୍ରିକ ମୂଲ୍ୟାୟନ ଜୋରଦାର ଚାଲିଛି ବୋଲି ଗଣ ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି । 
ଏହା ସହ ଆସନ୍ତା ୧୭ ରୁ ଆରମ୍ଭ ହେବ ନବନ ଓ ଦଶମ ଶ୍ରେଣୀ ପାଠପଢା। ୟୁ ଟ୍ୟୁବ ମାଧ୍ୟମରେ ୧୦.୪୫ ରୁ ୧ ଟା ପର୍ଯ୍ୟନ୍ତ ଚାଲିବ କ୍ଳାସ। ୪ ଟି ପିରିୟଡ଼ ପ୍ରତିଦିନ କରାଯିବ। ପ୍ରତି କ୍ଳାସ ୩୦ ମିନିଟ କରାଯିବ। ସୋମବାର ରୁ ଶୁକ୍ରବାର ଚାଲିବ ପାଠପଢା ଅନଲାଇନ ମାଧ୍ୟମରେ। ଉଭୟ ଶ୍ରେଣୀ ପାଇଁ ପ୍ରତି ବିଷୟରୁ ସପ୍ତାହ କୁ ୨୦ ଟି ପିରିୟଡ଼ ପାଠ ପଢା ହେବ। 
ସମସ୍ତ ଜିଲା ଶିକ୍ଷା ଅଧିକାରୀ ମାନେ ଏହି ପାଠପଢ଼ାର ଆନୁସାଙ୍ଗିକ ବ୍ୟବସ୍ଥା କରିବେ। କୋରୋନା କାଳରେ ସ୍କୁଲ କେବେ ଖୋଲିବ ସେ ନେଇ ଅନିଶ୍ଚିତତା ଲାଗି ରହିଛି। ଏଣୁ ପିଲାଙ୍କୁ ପାଠପଢ଼ିଆଇବା ପାଇଁ ଆମେ ଚେଷ୍ଟା କରୁଚୁ। ସଂଖ୍ୟାଧିକ ପିଲାଙ୍କ ପାଖରେ ପଂହଁଚିବାକୁ ଚେଷ୍ଟା କରିବୁ ବୋଲି  ଗଣ ଶିକ୍ଷା ମନ୍ତ୍ରୀ କହିଛନ୍ତି ।

ଯୁକ୍ତ୨ କମିଟି ରିପୋର୍ଟ ଆସିବା ପରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ମୂଲ୍ୟାୟନ ସମର୍କରେ ନିଷ୍ପତି ନେବ ବୋଲି ଗଣ ଶିକ୍ଷା ବିଭାଗ ପକ୍ଷରୁ ସ୍ପଷ୍ଟ କରାଯାଇଛି ।