11-Jun-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା କୃଷକ ସଂଗଠନ ପକ୍ଷରୁ ବିଭିନ୍ନ ଦାବି ନେଇ  ଉଲୁଣ୍ଡା ବ୍ଲକ ହିକୁଡି ଠାରେ  ଶୁକ୍ରୁବାର ୧୨ ଘଂଟିଆ ରାସ୍ତାରୋକ କରିଥିଲେ । ପରେ ପ୍ରସାଶନ ପକ୍ଷରୁ    ସମସ୍ୟାର ସମାଧାନ ପାଇଁ  ଲିଖିତ ଭାବରେ ପ୍ରତିଶୃତି ଦେଲା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା ।  ଚାଷୀଙ୍କ ଦାବି ଅନୁସାରେ  ସରକାରଙ୍କ ନିର୍ଦେଶଥିଲେ ମଧ୍ୟ ଆଟ, ମାଳ, ବନ୍ଧ, ନାଳ ଆଦି ଜମି କିଶମକୁ ପଂଜିକରଣ କରାଯାଇନାହିଁ । ସେହିପରି ତୃଟିପୁର୍ଣ୍ଣ ତଦନ୍ତ ଯୋଗୁଁ  ବହୁ ଭାଗଚାଷି ନାମ ବାଦ ପଡିଅଛି । ଏମାନଙ୍କ ପୁନଃ ପଂଜକରଣ କରିବା ଦାବି ରହିଥିବା ବେଲେ ଅନ୍ୟପକ୍ଷରେ ପେକ୍ସ କିମ୍ବା ଏସଏଚଜିରେ ସିଧାସଳଖ ଧାନ କିଣା ନଯାଇ ମିଲର ଏବଂ ଦଲାଲି ମାଧ୍ୟମରେ ଧାନ କିଣା ଯାଉଥିବା ଯୋଗୁଁ ଚାଷି ଅସନ୍ତୋଷ ଲାଗି ରହିଛି । ଧାନ କିଣା ସ୍ଥାନରେ ଚାଷି ମାନଙ୍କ ଅଖା ବସ୍ତା, ପଲିଥିନ ବସ୍ତା ଫେରସ୍ତ କରାଯାଉନାହିଁ । ଖାଲି ଏତିକି ନୁହେଁ ଚାଷିଙ୍କ ଧାନ ବିକ୍ରି ନସରିବା ପୁର୍ବରୁ ଟାର୍ଗେଟ ଆଳ ଦେଖାଇ ମଣ୍ଡି ବନ୍ଦ କରାଯାଉଥିବାରୁ ଅଭାବି ବିକ୍ରି ଦେଖାଦେଇଛି । ଯାହାକି ଚାଷୀଙ୍କ ଧାନ ବିକ୍ରି ସରିବା ପର୍ଯ୍ୟନ୍ତ ମଣ୍ଡି ଅବଧିକୁ ବୃଦ୍ଧି କରିବା ସମେତ୮ ଦଫା ଦାବି ରହିଛି । ଏହି ସମସ୍ୟା ନେଇ ପୁର୍ବରୁ ଜିଲ୍ଲା କୃଷକ ସଂଗଠନ ପକ୍ଷରୁ ସମସ୍ୟାର ସମାଧାନ ପାଇଁ ସୁବର୍ଣ୍ଣପୁର ଜିଲ୍ଲାପାଲଙ୍କ ସମେତ ବିଭିନ୍ନ ଅଧିକାରୀଙ୍କୁ ଜିଲ୍ଲା କୃଷକ ସଂଗଠନ ତରଫରୁ ଦାବିପତ୍ର ଦିଆଯାଇ ୧୦ ତାରିଖ ସୁଦ୍ଧା ସମସ୍ୟାର ସମାଧାନ ନହେଲେ କଥିତ ସ୍ଥାନରେ ୧୨ ଘଂଟିଆ ରାସ୍ତାରୋକ କରାଜିବ ବୋଲି ସୂଚନା ଦିଆଯାଇଥିଲା । ମାତ୍ର  ପ୍ରସାଶନ ପକ୍ଷରୁ  ସମାଧାନ ପାଇଁ କୌଣସି ପଦେକ୍ଷପ ନନେବାରୁ ଆଜି ଜିଲ୍ଲା କୃଷକ ସଂଗଠନର ଉପସଭାପତି ବୈକୁଣ୍ଠନାଥ ଶତପଥିଙ୍କ ନେତୃତ୍ୱରେ ଚାଷୀ ମାନେ ହିକୁଡି ଛକଠାରେ ରାସ୍ତାରୋକ କରିଥିଲେ । ପରେ ଖବର ପାଇ ବୀରମହାରାଜପୁର ଉପଜିଲ୍ଲାପାଲ ଅଶୋକ ଭୋଇ, ଉଲୁଣ୍ଡା ତହସିଲଦାର ପୁର୍ଣ୍ଣଚନ୍ଦ୍ର ନାଏକ, ସିଏସଓ ପବିତ୍ର ସାହୁ, ଏସଡିପିଓ ଡୋଲାମଣୀ ଭୋଇ  ପହଂଚି ଚାଷିଙ୍କ ସହ ଆଲୋଚନା କରି ଯଥାଶିଘ୍ର ସମସ୍ୟାର  ସମାଧାନ କରାଜିବ ବୋଲି ଲିଖିତ ପ୍ରତିଶୃତି ଦେବାପରେ ପ୍ରାୟ ୧ଟା ସମୟରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା । ଏହି ରାସ୍ତାରୋକରେ ନରେନ୍ଦ୍ର ଆଚାର୍ଯ୍ୟ, ସତ୍ୟନାରାୟଣ ପଧାନ, ହିମାଂଶୁ ଭୋଇ,  ପ୍ରମୋଦ ଗୁରୁ,  ସୁଧିର ବଘାର, ପଦ୍ମଲୋଚନ ମିଶ୍ର, ଗୋବିନ୍ଦ ମିଶ୍ର, ଜିତେନ୍ଦ୍ର ମହାପାତ୍ରଙ୍କ ସମେତ ବହୁ ଚାଷୀ ସାମିଲ ହୋଇଥିଲେ ।