11-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) : ରବି ଋତୁ ଚାଷୀଙ୍କ  ଟୋକନ ଲେପ୍ସ ଆଦୌ ନ କରିବା, ପେକ୍ସରେ  ଦଲାଲରାଜକୁ ବନ୍ଦ କରିବା, ବିଭିନ୍ନ ଆଳରେ କଟନି ଛଟନି କରି ଚାଷୀଙ୍କୁ ଶୋଷଣ  ନ କରିବା, ସମ୍ପୂର୍ଣ ଜମିକୁ ପଞ୍ଜିକରଣ କରିବା,  ପଞ୍ଜିକରଣରୁ ବାଦ ପଡ଼ିଥିବା ଚାଷୀଙ୍କ ପୁନଃ ପଞ୍ଜିକରଣ କରିବା, କେନ୍ଦ୍ର ସରକାର ଦେଉଥିବl ବସ୍ତା ଓ ପରିବହନ ଇତ୍ୟାଦି ଖର୍ଚ ଚାଷୀଙ୍କୁ ଦେବା, ଧାନ ରଖିବା ପାଇଁ ମଣ୍ଡି ରେ ସ୍ଥାୟୀ ଓ ସୁ ବ୍ୟବସ୍ଥା କରିବା  ଆଦି ପ୍ରମୁଖ ଆଠ ଦଫା ଦାବି ନେଇ ଆଜି ସୁବର୍ଣ୍ଣପୁର ଜ଼ିଲ୍ଲାର ଚାଷୀ ସଂଗଠନ ମହାନଦୀ ଟୋଲ ଗେଟ ହିକୁଡି ଛକ ଠାରେ 12 ଘଣ୍ଟିଆ ରାସ୍ତାରୋକ କରି ଥିଲେ l  ଧାନ ବିକ୍ରିରେ ଅବ୍ୟବସ୍ଥା ଓ ଅଚଳlବସ୍ଥାରେ ପ୍ରଶାସନର ଅପାରଗତାକୁ ଭର୍ସନା କରି କୃଷି ଓ  ଚାଷୀର ବିକାଶ ଆମ ଏକ ମୌଳିକ ଦାୟୀତ୍ବ ବୋଲି ଡିଣ୍ଡିମି ପିଟୁଥିବା ରାଜ୍ୟ ସରକାର କେବଳ ଭାଷଣ ଓ ଘୋଷଣାରେ ସୀମିତ ବୋଲି ଚାଷୀ ନେତା ବୈକୁଣ୍ଠ ଶତପଥି ମତ ରଖିଛନ୍ତି l  ସରକାରଙ୍କ  ଯଦି ଚାଷୀଙ୍କ ଉପରେ ଦରଦ ଅଛି କି ଚାଷୀର  ବିକାଶ ମୌଳିକ ଦାୟୀତ୍ବ କହୁଛି  ତାହେଲେ  ପ୍ରତି ବର୍ଷ ଚାଷୀ ଙ୍କୁ ରାଜ ରାସ୍ତାରେ  କାହିଁକି ହଟହଟା କରୁଛି ବୋଲି ପ୍ରଶ୍ନ କରିଛନ୍ତି l  ଆଜି ଦୀର୍ଘ ସମୟ  ସୋନପୁର -ସମ୍ବଲପୁର ଏନ୍ ଏଚ   ରାସ୍ତାରୋକ ଯୋଗୁଁ  ଲୋକେ ନାହିଁନଥିବା ଅସୁବିଧା ଭୋଗିଛନ୍ତି l ଶେଷରେ ବି. ଏମ ପୁର ଉପ-ଜ଼ିଲ୍ଲାପାଳ, ଏସ. ଡ଼ି ପି ଓ, ଉଲୁଣ୍ଡା ତହସିଲଦାର, ଓ ଜ଼ିଲ୍ଲା ଯୋଗାଣ ଅଧିକାରୀ ଘଟଣା ସ୍ଥଳକୁ ପହଞ୍ଚି ଚାଷୀଙ୍କୁ ବୁଝାସୁଝା କରି ଚାଷୀଙ୍କ ଅମଳ ଧାନ ସବୁ ଆସନ୍ତା 25 ତାରିଖ ଭିତରେ ନିଶ୍ଚିତ ଉଠାଯିବ ବୋଲି ପ୍ରତିଶୃତି ଦେଲା ପରେ ଚାଷୀ ମାନେ ଧାରଣାରୁ ଉଠି ଥିଲେ l ଏଥିରେ କୃଷକ ନେତା ଶ୍ରୀ ଶତପଥି, ସମ୍ପାଦକ ହିମାଂଶୁ ବାବୁ, କୋଷାଧକ୍ଷ ପଦ୍ମ ଲୋଚନ ମିଶ୍ରଙ୍କ  ସମେତ ଦୁଇ ଶହରୁ ଉର୍ଦ୍ଧ୍ୱ ଚାଷୀ ସାମିଲ ହୋଇ ବିକ୍ଷୋଭ ପ୍ରଦର୍ଶନ କରିଥିଲେ l