23-Oct-2020

ବଲାଙ୍ଗିର, ୨୩.୧୦ -ପୁଇଁନ୍ତଲା ବ୍ଲକ ସ୍ତରୀୟ ଓଷ୍ଟା ଟେଷ୍ଟ ପେପର ବଣ୍ଟନ କାର୍ଯ୍ୟକ୍ରମ ଡିବିରି ଅନୁଷ୍ଠାନ ତରଫରୁ ଚେଷ୍ଟା କାର୍ଯ୍ୟକ୍ରମ ଜରିଆରେ ବିଲେଇସର୍ଡା ହାଇସ୍କୁଲ ଠାରେ ଅନୁଷ୍ଠିତ ହୋଇଯାଇଛି । ଭାଲେର ହାଇସ୍କୁଲର ପ୍ରଧାନ ଶିକ୍ଷକ ଲୋକନାଥ ସୁନାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ଯୋଗ ଦେଇ ଶିକ୍ଷାର ସ୍ତର ସଦା ସର୍ବଦା ସମୟ ଭିତ୍ତିକ ଓ ଆଦର୍ଶ ଯୁକ୍ତ ହେବା ଆବଶ୍ୟକ ତେବେ ଯାଇ ଶିକ୍ଷାର ମୁଳ ଲକ୍ଷ୍ୟ ପୂରଣ ହୋଇପାରିବ ବୋଲି ନିଜ ବକ୍ତବ୍ୟରେ କହିଥିଲେ । ମୁଖ୍ୟ ବକ୍ତା ଭାବେ ବିଇଓ ପୁଇଁନ୍ତଲା ନେପାଲ ଚନ୍ଦ୍ର ବାଗ ନିଜ ବକ୍ତବ୍ୟରେ ନିଷ୍ଠାପର ତଥା ନିରବଚ୍ଛିନ୍ନ ପ୍ରୟାସରେ ସମାଜର ବିକାଶ ସମ୍ଭବ  ବୋଲି କହିବା ସହ ଶାନ୍ତ ସ୍ଥିର ମନରେ ନିରନ୍ତର ପ୍ରୟାସ କଲେ ଲକ୍ଷ୍ୟ ସ୍ଥଳରେ ନିଶ୍ଚିତ ରୂପେ ପହଞ୍ôଚ ପାରିବା ବୋଲି କହିଥିଲେ । ସମ୍ମାନୀତ ଅତିଥି ଭାବେ ପ୍ରଧାନ ଶିକ୍ଷକ ଆଦିତ୍ୟ ବଡପଣ୍ଡା, ସଂଯୋଜକ ଡିବିରି ଅନୁଷ୍ଠାନ ଯୋଗିନ ନାଏକ, ଆଗଲପୁର ଓଷ୍ଟା ସମ୍ପାଦକ ତାରାକାନ୍ତ ମିଶ୍ର, ପୁଇଁନ୍ତଲା ଓଷ୍ଟା ସମ୍ପାଦକ ପୁର୍ଣ୍ଣଚନ୍ଦ୍ର ମେହେର, ଅଧ୍ୟକ୍ଷ ରାଧାଶ୍ୟାମ ଉଚ୍ଚ ମାଧ୍ୟମିକ ବିଦ୍ୟାଳୟ, ବିଲେଇସର୍ଡା ପୁରୁଷୋତ୍ତମ ଭଞ୍ଜ ପ୍ରମୁଖ ଯୋଗଦେଇିଥିଲେ । କାର୍ଯ୍ୟକ୍ରମକୁ ଶିକ୍ଷକ ନାରାୟଣ ମିଶ୍ର ସଂଯୋଜନା କରିଥିବା ବେଳେ ଧନ୍ୟବାଦ ଦେଇଥିଲେ ଶିକ୍ଷକ ରଞ୍ଜିତ ମିଶ୍ର । ବିଲେଇସର୍ଡା ହାଇସ୍କୁଲର ସୌମ୍ୟ ରଞ୍ଜନ ବଣିଆ ଓ ରାଜ କୁଶଲ ମୁଖ୍ୟ ଅତିଥିଙ୍କ ଠାରୁ ଓଷ୍ଟା ଟେଷ୍ଟ ପେପର ଗ୍ରହଣ କରିଥିଲେ । କାର୍ଯ୍ୟକ୍ରମରେ ସହଯୋଗ କରିଥିଲେ ଶିକ୍ଷକ ସୁଧାଂଶୁ ଶେଖର ପଧାନ, ପ୍ରମୋଦ ବିଶ୍ୱାଳ, ଡିବିରି ଅନୁଷ୍ଠାନର କର୍ମକର୍ତ୍ତା କୁନୁ ଦନ୍ତା, ସନ୍ତୋଷ କର୍ମୀ, ଜିତୁ, ବିଦ୍ୟାଳୟର ଛାତ୍ର ମିଲନ ତ୍ରିପାଠୀ, ପୁରାତନ ଛାତ୍ର ଶିବୁ ଭାଟି, ସୁଶାନ୍ତ ସାହୁ, ଗଙ୍ଗାଧର ଭୁଏ । ପୁଇଁନ୍ତଲା ବ୍ଲକର ବିଭିନ୍ନ ବିଦ୍ୟାଳୟର ପ୍ରଧାନ ଶିକ୍ଷକ ଉପସ୍ଥିତ ଥିଲେ ।