03-Jun-2021

ସୋନପୁର, (ମନୋରଞ୍ଜନ ତ୍ରିପାଠୀ):  ଗତ କାଲି ସନ୍ଧ୍ୟାରେ ସୁବର୍ଣ୍ଣପୁର ଶିଶୁ ବିଦ୍ୟା ମନ୍ଦିର ଠାରେ ସେବା ଭାରତୀ ପକ୍ଷରୁ ଏକ ମାଗଣା ଅକ୍ସିଜେନ ଓ କୋଭିଡ ଔଷଧ ଆୟୁଷ 64 ର ଲୋକାର୍ପଣ ହୋଇଛି l କିଛି ଡାକ୍ତର ଓ ସଂଘ ର ବରିଷ୍ଠ ସଭ୍ୟ ଙ୍କୁ ନେଇ ଏଥିପାଇଁ ଏକ ସ୍ୱତନ୍ତ୍ର ପରିଚାଳନା କମିଟି ଗଠନ ହୋଇଛି l   ସ୍ୱଦେଶୀ କାଢା ବଣ୍ଟନ, ଖାଦ୍ୟ ବଣ୍ଟନ ଓ କୋଭିଡ ରୋଗୀଙ୍କ ସହାୟତା ସକାଶେ ସୋନପୁର ସହରରେ  ୨୪ ଘଣ୍ଟା ସେବା  ଯୋଗାଉ ଥିବା  ବଜରଙ୍ଗି ଭାଈ ତଥା ସମସ୍ତ ରାଷ୍ଟ୍ରପ୍ରେମୀଙ୍କ ସକାଶେ ଗତ କାଲି  ଏକ ସ୍ମରଣୀୟ ଦିବସ ଥିଲା l   ଏଇ କରୋନା ମହାମାରୀ ସଙ୍କଟ ବେଳେ ସହର ତଥା ଜ଼ିଲ୍ଲାବାସୀଙ୍କ ପାଇଁ  ଏହା ଖୁସି ଓ ଆଶ୍ୱସ୍ଥିକର ଖବର ଥିଲା l   ବିଶ୍ୱ ର ସବୁଠୁ  ବଡ଼ ସେବା ସଂଗଠନ  ରାଷ୍ଟ୍ରୀୟ ସ୍ଵୟଂସେବକ ସଂଘ(RSS) ଓ ସେବା ଭାରତୀ  ତରଫରୁ ସୁବର୍ଣ୍ଣପୁର ସହରକୁ କୋରୋନା ରୋଗୀଙ୍କ ବ୍ୟବହାର ପାଇଁ ଅମ୍ଳଜାନ(OXYGEN) ପ୍ରସ୍ତୁତି ଯନ୍ତ୍ର(OXYGEN CONCENTRATOR) ଯୋଗାଇ ଦିଆଯାଇଛି, ଯାହା କି  ବାୟୁମଣ୍ଡଳରୁ ସିଧାସଳଖ ଅମ୍ଳଜାନ ସଂଗ୍ରହ କରି ରୋଗୀକୁ ସେବା ଦେବାରେ  ସକ୍ଷମ ଅଟେ l ଏହା ସହିତ କିଛି  ଅମ୍ଳଜାନ ସିଲିଣ୍ଡର ଓ  ଆୟୁର୍ବେଦ ଔଷଧ ଆୟୁଷ ୬୪ ମଧ୍ୟ ଗତ କାଲି  ଜିଲ୍ଲାବାସୀଙ୍କ ଉଦ୍ଦେଶ୍ଯରେ ସମର୍ପଣ  କରାଯାଇଛି l ଘରେ ଆଇସୋଲେସନ ରେ ରହି ଚିକିତ୍ସା ହେଉଥିବା  ଯେ କୌଣସି କରୋନା  ପୀଡିତ ରୋଗୀଙ୍କ ଏହି ଔଷଧ ଓ  ଅମ୍ଳଜାନ ର ଆବଶ୍ୟକ ହେଲେ  ଆର. ଏସ. ଏସ ପକ୍ଷରୁ ତୁରନ୍ତ ଏ ସେବା ଵା ସୁବିଧା ମିଳି ପାରିବ ବୋଲି ସଂଘ କର୍ମକର୍ତା ପ୍ରକାଶ କରିଛନ୍ତି l ସେବା ଭାରତୀର ଏଇ ସମର୍ପିତ ସେବା ଓ ବଦାନ୍ୟତା କୁ ସହରବାସୀ ପ୍ରଶଂସା କରିଛନ୍ତି l